Murad saburow zeripbayevich

MILLI ÝÖRELGELERIŇ AÝDYŇ BEÝANY

Berkarar döwletiň täze eýýamynyň galkynyşy döwründe “Arkadag Serdarly bagtyýar ýaşlar” ýylynyň ajaýyp gününde halkymyza gowşan “Gurbanguly Berdimuhamedow adyndaky howandarlyga mätäç çagalara hemaýat bermek boýunça haýyr-sahawat gaznasy” atly täze kitap ynsanperwerligiň, sahawatlylygyň, adamkärçiligiň belent nusgasy bolup köňüllere nur çaýdy. Täze kitabyň tanyşdyryş dabarasy ýurdumyzyň ähli ýerlerinde uly ruhubelentlikde geçýär.

Ýaňy-ýakynda, Şabat etrabynyň Altyn ýol geňeşligindäki Dilewar oba medeniýet öýünde Şabat etrap häkimligi, etrabyň jemgyýetçilik guramalarynyň başlyklarynyň we işjeň agzalarynyň, il sylagly ýaşulylaryň, kümüş saçly eneleriň, bilim-saglygy goraýyş edaralarynyň işgärleriniň gatnaşmagynda “Gurbanguly Berdimuhamedow adyndaky howandarlyga mätäç çagalara hemaýat bermek boýunça haýyr-sahawat gaznasy” atly täze kitabyň tanyşdyryş dabarasy geçirildi. Gurplulygyň öz şerti bar, Beren eliň berekedi artar, Durmuşyň gymmaty saglyk, Hossarlyk öçmez umyt, Howandarlyk jebisligi döredýär atly bölümlerden ybarat bolan bu kitapda ata-babalarymyz ejizi goldamak, mätäje kömek bermek ýörelgeleriniň, Gahryman Arkadagymyz, Arkadagly Serdarymyz tarapyndan üstünlikli dowam etdirilýändiginiň beýany bar. Ol geçmiş taryhymyzda hem hossarlyga mätäç adamlar üçin saglyk, ylym-bilim, durmuş hyzmatlarynyň ýola goýulanlygy baradaky gyzykly maglumatlary, ynsan saglygyny goramak, ömrüni uzaltmak, milli saglygy goraýyş ulgamyny kämilleşdirmek onuň düzümini döwrebaplaşdyrmak boýunça ýurdumyzda alnyp barylýan maksatnamalaýyn çäreleriň Gurbanguly Berdimuhamedow adyndaky howandarlyga mätäç çagalara hemaýat bermek boýunça haýyr-sahawat gaznasynyň alyp barýan sogaply işleriniň üsti bilen türkmen, iňlis we rus dillerinde giňden beýan edilýär.

Täze kitabyň “Gurplulygyň öz şerti bar” atly bölüminde hossarlyga almak, mätäje kömek etmek ýörelgeleri adamkärçilige mahsus sypatlary hökmünde ir döwürlerden bäri bellidir. Sebäbi hakyky adam bolmagyň manysy hem mätäje edilýän goldawda, ejize hemaýat goluň uzatmakda ýüze çykýar diýip bellenilýär. Çykyş edenler Gahryman Arkadagymyzyň başlangyjy esasynda döredilen, Gurbanguly Berdimuhamedow adyndaky howandarlyga mätäç çagalara hemaýat bermek boýunça haýyr-sahawat gaznasynyň ata-babalarymyzyň ejizi goldamak, mätäje kömek etmek ýaly adamkärçilik däplerinden gözbaş alandygyny, Gahryman Arkadagymyzyň bu gazna ilkinji bolup serişde goýmagy belent adamkärçilikden nyşandygyny tanyşdyryş dabarasynda özleriniň ýürek buýsançlaryny giňden beýan etdiler.

Milli Liderimiziň ýardam bermegi bilen körpe nesliň onlarçasynyň çylşyrymly operasiýalar geçirip, saglygyny dikeldip, sag-salamat aramyzda ýaşap ýörendigine herimiz şaýat. Bu barada täze kitapda lukmançylyk kömegi berlen çagalaryň eziz käbeleriniň alkyşlary orun tapýar. Haýyr-sahawat gaznasynyň ýurdumyzyň welaýatlarynyň, etrap şäher hassahanalarynyň çagalar bölümlerine döwrebap enjamlar bilen üpjün edilen tiz kömek awtoulaglarynyň sowgat berilmegi halkymyzda Gahryman Arkadagymyza, Arkadagly Serdarymyza bolan buýsanjy artdyrýar. Ýaş nesliň ynsanperwerlik terbiýesinde, ynsan saglygyny gorap saklamakda gymmatly gollanma bolan täze kitap toý-baýramly günlerimize ruhy öwüşgin çaýyp her birimizi sogaply işlere çagyrýar diýip çykyş edenler bellediler.

Murad SABUROW,

Daşoguz welaýatynyň Şabat etrabynyň

8-nji orta mekdebiniň iňlis dili mugallymy,

TMÝG-niň Şabat etrap geňeşiniň işjeň agzasy

Maglumatlar:

Ady we familiýasy: Murad Saburow

Ýaşaýan ýeri: Daşoguz welaýatynyň Şabat etrabynyň Şöhrat geňeşligi

Işleýän ýeri we wezipesi: Daşoguz welaýatynyň Şabat etrabynyň

8-nji orta mekdebi, iňlis dili mugallymy

Tel belgisi: +99362735691, 8-348-5-12-87

ŞTU pensionny kod: 230979897

Abuna tassyklaýyş kody: 77890