Намжил Гармаевич Балдано

Намжил Гармаевич Балдано 1907-1984

• Октябриин 20 Улаан-Yдын районой Оронгын сомоной Нарһата Толгой гэжэ нютагта дунда шадалтай таряаша айлай бүлэдэ түрэһэн юм.
• Арбан табатайхан Намжил сомоной Соведэй гэшүүнээр һунгагдажа, нютагайнгаа зондо бэшэг, ном заажа эхилбэ.

• 1924 ондо комсомолой гэшүүндэ абтажа, хүдөөгэй эдэбхитэдэй нэгэн болоо.
• 23 наһатайдаа «Сэлгеэ Сарьдаг» гэһэн ара нэрэ доро түрүүшынгээ зүжэг бэшээ һэн.
• 1930 ондо Н. Балданогой түрүүшын ехэхэн зохёол болохо «Нюдарган» гэжэ драматическэ зохёолынь хэблэгдэн гараһан байна.

• 1932 ондо «Энэ хэд бэ».
• 1933 ондо «Таһалдал» гэжэ пьесэнүүдынь хэблэгдэбэ.

• 1932 онһоо 1946 он болотор Буряад – Монголой драматическэ театрта артистаар, режиссероор, директорээр ба уран һайханай хүтэлбэрилэгшөөр хүдэлмэрилбэ.

• Балдано Шекспирэй «Отелло» - Ягын ,
• Шиллерэй «Коварство и любовь» - президент фон Вальтерэй,
• Корнейчугай «Платон Кречетһээ» - гүйсэкомой түрүүлэгшэ Берест

гээшын рольнуудые үнэншэмэ зүбөөр, һайнаар гүйсэдхэһэн байна.

• Павленкын «Жаргал» ,
• Барадин ба Намжилоной «Жэгдэн»
• Малакшиновай «Гомбо Дондуков» гэһэн зүжэгүүдые найруулан табяа.

• 1937 ондо «Олоной нэгэн»,
• 1938 ондо «Хоер ханинууд» гэһэн пьесэнүүдые удаа дараа бэшэбэ.

• 1940 оной сентябрь һарада Намжил Балданодо Буряад-Монголой АССР-эй арадай артист гэһэн зэргэ олгогдоо бэлэй

• 1941 ондо «Байгалай загаһашад» гэһэн пьесэ дээрэ хүдэлжэ эхилбэ.
• 1957 ондо «Байгал домог» гэжэ пьесэ бэшээ.

• Намжил Гармаевич Балдано Буряадай АССР-эй Верховно Соведэй депутадаар, тэрэнэй түрүүлэгшээр
• КПСС-эй обкомой гэшүүнээр нэгэнтэ бэшэ һунгагдаһан
• Эб найрамдал хамгаалгын Соведэй комитедэй гэшүүн
• Буряадай АССР-эй арадай артист
• РСФСР-эй искусствын габьяата ажал ябуулагша Буряадай арадай уран зохёолшо гэһэн үндэр нэрэ зэргэтэй, мүн баһа республикынгаа шангай лауреат болоһон юм
• Ажалай Улаан Тугай орденоор шагнагданхай.

1984 оной сентябриин 1-дэ Н. Балдано наһа бара.

Анхаржа шагна һандатнай һайниие хүргэнэб!!!