Нарын облусу жөнүндө

Нарын облусу

Нарын облусу Кыргызстандын борбордук бөлүгүндө жайгашкан. Кыргызстандын эң чоң облусу. СССР Жогорку Советинин Президиумунун 1939 жылдын Жетинин айынын 21деги Указы менен Тянь-Шань облусту rulit болуп негизделген. 1988-жылы Тянь-Шань жана Ысык-Көл облустары бириктирилген. 1990-жылдын Бештин айынын 14дө кайра Нарын жана Ысык-Көл облусу болуп бөлүнгөн.

Өлкө:

Кыргызстан

Абалы:

Облус

Курамында:

1 шаар, 5 район

Акимий борбору:

Нарын

Түзүлгөн убакыты:

21-ноябрь 1939

Губернатору:

Алымкулов Эмилбек

Ырасмый тили:

Кыргыз тили

Калкы (2019):

287 000

Жыштыгы:

5,80 адам/км²

Улуттук курамы:

Кыргыздар: 275 631 - 99,29 %

Башкалар: 1 969 - 0.71 %

Жер аянты:

45 200 км²

Саат алкагы:

UTC+6

ISO 3166-2 коду:

KG-N

Телефон коду:

+996 3722

Унаа коду:

H, N, 05

Администрациялык бөлүнүшү

Нарын облусунда 5 район, 1 шаар, 135 айыл бар.

Ак-Талаа району (борбору-Баетов)

Ат-Башы району (борбору- Ат-башы)

Жумгал району (борбору-Чаек)

Кочкор району (борбору-Кочкор)

Нарын району (борбору-Нарын)

Нарын шаары

Калкы

2002-жылы облустун аймагында республиканын калкынын 5,2% и (257,9 миң) жашаган. Алардын 98,8% кыргыздар, калгандары орус (0,2%), өзбек (0,3%) ж. б. улуттар. Республикада калкы эң сейрек отурукташкан облус, анын калкынын орточо жыштыгы: 1 км2 жерге 5,8 адам туура келет . Жумгал, Кочкор жана Нарын өрөөндөрүндө калк салыштырмалуу жышыраак отурукташкан. Негизинен автомобиль жолдорду жана сууларды бойлой жайгашкан. Шаар калкы облустун калкынын 18,1%ин түзөт (46,8 миң адам), алар Нарын ш-нда (41,4 миң), Достук (0,8 миң), Миңкуш (4,6 миң) шаарчаларында жашайт. Облустун ири кыштактары – Атбашы (11,9 миң), Кочкор (8,5 миң), Баетов (9,4 миң), Чаек (12,6 миң), Байзак (4,9 миң), Карасуу (4,1 миң), Кошдөбө (3,3 миң адам) ж.б. Облустун калкынын 42,7%ин эмгек курагына жете элек жаштар, 50,5%ин эмгек курагындагы адамдар, 8,8%ин улуу муундагы карылар түзөт. 2002-ж. атайын катталган жумушсуздардын саны 8,4 миң адамды түзгөн. Калктын миграциясы: облуска келгендер 2001-ж. 1388 адам, кеткендер 2575, миграциялык азаюу 1187 адамды түздү.