Научно исследовательская работа, тема "BENÍM SOY AACIM”.

Çadır dolayın teoretik liţeyi

M.P.Guboglunun adında Bilgi- praktika konferenţiyası

AARAŞTIRMAK ÍŞÍ: “BENÍM SOY AACIM”.

Hazırladı:

Kostioglo Nasti

Üürenici 5 ‘a’ klastan

Teoretik liţeyi

M.Guboglu adına

Őnderci:

Kioroglo N.P.

Üüredici gagauz dili

hem literaturasında

I didaktik kategoriyası

ÇADIR-LUNGA,2017y.

Aktuallık

DÜNNEDÄ ADAM YOK NÍCÄ YAŞASIN AYLESÍZ. DA HERBÍRÍ NEZAMANSA LÄÄZIM

CUVAP ETSÍN SORUŞA:

KÍM BÄN?

NEREDÄ BENÍM KÖKLERÍM?

ONUŞTAN BÄN KOYDUM

BU NEETÍ:

SOY AACIMI AARAŞTIRMAA

Aara ștırmanın neeti

Tanıșmaa benim aylemin istoriyasınnan.

NEETLȀR :

Toplamaa informațiyayı dedeleriminin yașaması iҫin. Tanıșmaa korulmuș materiallarlan .

EPÍGRAF:

“ AAÇ KÖKLERÍNDÄN TUTUNÊR, ADAM SA - AYLESÍNNÄN”

Bӓn hem benim kızkardașım

Bӓn Kostioglo Nasti. Bӓn onbir yașında. Üűrenerin 5-ci klasta. Bendӓ ҫok dost var. Sevgili yıl zamanım –ilkyaz. Kızkardașımın adı Mași. O ű ҫ yașında. Beener șamata yapmaa, oynamaa.

ANA –BOBALARIM

Kostioglo Yuriy Í vanoviҫ duudu Mayın 8-ndӓ 1976 yılda . Bașardı 4-cű Ç adır-Lungadakı orta șkolasını .

Ü űrendi SPTUda-14 da kabletti traktorcu hem dűlger zanaatları. Şindi ҫalıșêr țehindӓ operatorun yardımcısı.

Anam – Kostioglo Nina Vladimirovna

duudu Çadır-Lungada Mayın 19-nda

1980-nci yılda. Bașardı

2-nci Çadır-Lungadakı orta șkolasını.

Íșledi promkombinatta, primeriyada,

“ Asena-tekstil”fabrikasında kontrolȍrdu.

Şindi evdӓ kızkardașımı baker.

Bobamın ana-bobaları

Kostioglo (Lazareva) Mariya Nikolaevna duudu Sibirdӓ, Kurgan oblastindӓ, Kargapol dolayında, Suhanovo kűűndӓ avgustun 29-nda 1952 yılda. Onun aylesini yolladıydılar Sibirӓ.

Kișinȍvda bitirdi tehnikumu bugalter zanaatta. 16 yıl ișledi baș bugalter dolay finans bȍlűműndӓ. 20 yıl vergi bȍlűműndӓ baș bugalter, sora ȍnderciydi hep o bȍlűműndӓ. 2004-ncű yılda pensiyaya ҫıktı.

Kostioglo Ívan Filipoviҫ duudu 1950-nci yılda mardın 31-ndӓ Dimitrovka kűűndӓ Bolgrad dolayında Ukrainada. Ízmaılda tehnik-mehanik tehnikumunda űűrendi. Bitirip Kișinȍvda kűű ҫorbacılıın mehanizațiya fakultetini, ișledi 20 yıldan zeedӓ Çadır-Lungadakı SPTUnda-14 ustaydı. 2012 yıldan pensiyada.

Anamın ana-bobaları

Lazareva Zinaida Dmitrievna duudu 1952-nci yılda iyűnűn 21-ndӓ Korten kűűndӓ. Onun bobası ȍldű erken, aҫan malim 7 aylıktı. Bitirdiynӓn Kortendӓ 1 –nci okulu, űűrendi Kișinȍv Kooperativ tehnikumunu satıcı zanaatta. Kendi yașamasında ișledi ҫok erlerdӓ, neredӓ kendi becermeklerini gȍsterdi. 2008-dӓ pensiyada.

Lazarev Vladimir Petroviҫ duudu 1952 yılda fevralın 20-ndӓ Çadır-Lungada. Bitirdiynӓn 11 klas 1-nci orta șkolada, űűrendi SPTUda-14 da kabletti șofȍr zanaatını. Íșledi bu zanaatta bűtűn yașamasını.

Dedӓ malim hem dӓdum (Zina malinin ana-bobaları )

• Delibaltova Evdokiya Dmitrievna duudu

Korten kűűndӓ 1912-nci yılda

aprelin 20-ndӓ. Bitirdi 3 klas.

Terbietti yalnız 4 kızını, angıların iҫin

ișlӓrdi ҫok erdӓ. Yașadı 89 yıl.

Delibaltov Dmitriy Vasilyeviҫ duudu Korten kűűndӓ 1913-ndӓ. Geҫindi 1953 yılda. O gelӓrdi evӓ iștӓn da kırda onun ardına takıștı yaban domuz, angısından o kurtuldu. Ama ondan, ani pek korktu, ertesi gűnű kalbi dayanamadı da ȍldű. Foto yok.

Dedӓ malim hem dӓdum (Olodi d ӓdunun ana-bobaları )

Lazareva (Ormanji) Ekaterina Dmitrievna

duudu 1925-nci yılda mardın 5-dӓ.

Űűrenik diildi, taa kűҫűktӓn ișlӓrdi kolhozda

űzűm brigadasında, ne iҫin

«Ветеран труда» medaliyi kabletti. Kocasınnan

5 ușak bűűttű. Yașadı 85 yıl.

Lazarev Petr Mihayloviҫ duudu 1921-ndӓ

iyűnűn3-ndӓ. Űűrendi 4 klas rumın șkolasında.

Erken ҫeketti ișlemӓӓ, ҫűnkű cenk vakıdıydı

da lӓӓzımdı yardım etmӓӓ ana-bobalara.

Askerliini rumın armatasında geҫirdi.

75 yıl yașadı.

Dedӓ malim hem dӓdum (Ma și malinin ana-bobaları )

Lazareva (Guboglo)Aleksandra Nikolaevna duudu 1929-ncuda fevralın 3-ndӓ. Ҫok vakıt ișledi kilim

fabrikasında. Dikӓrdi ruba hem șuvat ipliklerinnӓn. Bӓn beenerim onun el ișini “ Fırtınadan kaҫan ușaklar ” . 61 yıșınadan yașadı.

Lazarev Nikolay Nikolaeviҫ duudu

1924 yılda aprelin 3-ndӓ. 1949 yılda onu aylesini Sibirӓ kaldırêrlar .

Ki aaҫlıktan ȍlmemӓӓ deyni, ișleer

arabacı. 1957-dӓ dȍnűp evӓ, girdi kolhoza arabacı.Yașamasının bitki yıllarında ișledi usta.

57 yıșınadan yașadı.

Ata malim hem dӓdum (Koli d ӓdunun ana-bobaları )

Lazarev Nikolay Fȍdoroviҫ duudu 1887-nci yılda sentӓbrinin 16-nda. Sokakҫa adı- Şlȍman Koli. 1908-1914 yıllarda payaldı Birinci dűnnӓ cengindӓ, poruҫҫikti. Bu cenktӓ yaralı oldu, kabletti “Gergievskiy krest” hem bașka medalileri kendi girginnii iҫin. 1948 –nci yılda onu saydılar kulak da sudta vererlӓr 10 yıl kapanda hem 5 yıl Sibirӓ, nered ӓ Belamorkanalda ișledi . Bir yıldan sora bűtűn ayleyi yollêêrlar Sibirӓ. Sade 1953 –tӓ onu kolverdilӓr aylesinnӓn toplanmaa. 1957-nci yılda onnar dȍndűlӓr Çadır-Lungaya. Geҫindi 1978 yılda iyűnűn 9-nda.

Lazareva Varvara Petrovna duudu 1888 –nci yılda. Yașamasını baașladı aylesinӓ, bakmayarak ona, ani genҫkӓnӓ kırdı ayaanı, da bűtűn zaman gezdi makaklarlan. Ușaklarınnan barabar Sibird ӓy di. 1957-nci yılda kocasınnan barabar dȍndűlӓr Çadır-Lungaya. Geҫindi 1962-nci yılda.

Dedӓ malim hem dӓdum (Vani d ӓdunun ana-bobaları )

Kostioglo Filip Ívanoviҫ duudu 1929-da mayın 5-ndӓ Dimitrovka kűűndӓ. Bitirdi 4 klas. Hayvancıların, mehanizatorların, kır brigalarında ȍnderci ișledi. 72 yașında geҫindi.

Kostioglo (Tașoglo) Mariya Ígnatyevna duudu 1926 –nci yılda. Bitirdi 6 klas. 5 ușaa var. Kır brigasında kolhozda ișledi. 74 yașında geҫindi.

Ata dedӓ – Kostioglo Ívan Afanasyeviҫ duudu 1895- nci yılda Dimitrovka kűűndӓ. 25 yıl askercilik etti Țar Askerindӓ. Ana kűűndӓ var foto, neredӓ o durêr formada hem kılıҫlan. 1946 –nci yılda taman 50 yașını tamannadı da geҫindi aaҫlıktan.

Ata malim – Kostioglo Evdokiya Georgievna duudu 1898 yılda. Vardı kendi toprakları. Kaldırdı ușaklarını yalnız. Pek Allaha inancı insandı. 82 yașında geҫindi.

ÇIKIŞLAR

BÄN DÜŞÜNERÍM, ANÍ HERBÍR ADAM LÄÄZIM BÍLSÍN KENDÍ DEDELERÍNÍ. HERBÍR AYLENÍN ÍSTORÍYASI- O KIYMETLÍ BAAŞIŞ, ANGISI VERÍLER BÍZÄ TAA DUUMAKTAN.

Dirlik hem kısmet sizin aylenizӓ!