Нийса йоцу спряжени

Хьехарсахьтан ц1е:

Нийса йоцу спряжени.

1алашонаш.

1аморан: дешархойн хаарш зер, 1амийнарг карладаккхар;

кхиоран: нийса йоцу спряженех кхетам балар, и муьлхачу билгалонашца кхетайо хаар;

кхетам – кхиоран: нохчийн матте болу безам кхиор.

Догдаийтаран мур.

Чехкааларш:

1. Цеца чохь цу ца соцу.

2. Цициго цастар цергашца цоьсту.

Дешархойн долчу хаарийн актуализаци йар.

1. Хаттаршна жоьпаш далар.

- Муьлха хандешнаш 1 – чу спряжени чу дог1у?

- Шолг1ачу?

- Маса спряжени йу хандешан?

Керла коьчал йовзийтар.

• Цхьана дешдекъах лаьттачу а, чолхечу а хандешнех нийса доцу

хандешнаш олу, масала: йан – йо, зен – зоь, лен – лоь, тен – тоь,

1ан – 1а, йаздан – йаздо, шелвала – шелло, вохвала – вохло, шелван

– шелво, вохван – вохво, 1амо – 1амадан – 1амадо, кечдан – кечдо.

2. Нийса доцчу хандешан спряженех нийса йоцу спряжени олу. Кхечу

дешнашца аьлча, цхьана дешдекъах лаьттачу а, чолхечу а

хандешнийн спряженех нийса йоцу спряжени олу, масала: тан – тов,

лан – лов, тен – тоь, лен – лоь, 1ан – 1а, йаздан – йаздо, сихвала –

сихло, шелйала – шелло, мацвала – мацло, хьагйала – хагло.

Сада1аран минот.

Чехкааларш:

1. Шар мелла ши газа,

ша т1е даьлла ши шинара.

2. Ча такхо тача, тача такхо ча.

1аматца болх бар.

Кхочушдо шардар № 79.

• Кхаа хандашца предложенеш х1иттайе.
• Синтаксически къастайе ши предложени.

Дешархошка тобанашкахь болх байтар.

1 – чу тобано 1 – чу спряжени чу дог1у итт хандош йаздо.

2 – чу тобано 2 – чу спряжени чу дог1у итт хандош йаздо.

3 – чу тобано нийса йоцу спряжени чу дог1у итт хандош йаздо.

• Урокан жам1 дар.
• Рефлекси йар:

Суна хии…

Суна хазахийти…

Со ца кхийти…

Ц1ахь бан болх. 1. 1амайе бакъо № 30. 2. Кхочушде шардар № 78.

Массарна а даггара баркалла!

Хьоме бераш, хуьлда шун хаамаш беркате!