"Ниттил маз-ттул дак1нил ххазна"

Заявка на участие в республиканском конкурсе

«Второе дыхание родным языкам»

Ниттил маз-ттул дак1нил ххазна.

Оьрч1арал мазрахсса ччаврил дайдихьуну хъанай бур кулпат, кулпатравусса тарбия.Му тарбиялух бурувгуну ч1алай бур цалчин дарсирайн бувк1сса оьрч1ру цукунсса кулпатрава буссарив. ци мяърипатрал буссарив миннал нину -ппу. Цанчирчан ниттил мазрах ччаву дакъасса инсаннан дурагу къадик1айссар ччаву буттал улклухгу, цува увну хъун увсса цила ниттихгу,цила миллатрахгу.

На бувну бура Каспийск шагьрулий.Ялапар хъанайгу бура шиккува. Ттул нинугу бувну бур шагьрулийва, амма шагьрулий бувну хъун, хъун хьусса бунугу,ттул ниттин хъинну ххуйну к1улли цила ниттил мазгу, буттал к1анттул тарихгу.

Жу буру Ккуллал шяраватусса. Жул кулпатраву бур к1ива душ ва ца оьрч1. Жул нину хъунмасса х1арачатрай бур жун маз лахьхьин буван. Гьарца шинах гъинттул ч1умал жу лагару шяравун. Жу лагару шяраваллил лагма ялттусса зунттайх, ардарах, дарардавух, дат1ару жунна уртту-т1ут1и. Бусай жухь ниттил цумур зунттун, ягу арнин цумур ц1а циван дирзуссарив, миннухун бавх1усса бусаларду.Ттун хъинну ххирар ми ч1унну,ми хаварду. Ххирар цимурца буттал улклухун дарх1усса, ниттил мазрай гъалгъа т1ут1исса.

Хъунма хъанахъиссаксса, ттунмагу бувч1лай бур, хъинну ххйну хъунасса оьруснал чичу Константин Паустовскийл увкумур: «Инсаннал т1ул-т1абиаьт, мяърипат ду-дакъашиву ч1алач1иссар ганал ниттил мазрахсса ургъилалийн бувну. Цанчирчан ниттил мазрах ччаву дакъасса инсаннан, дурагу къадик1айссар буттал к1анттухгу»

Ниттил маз му бур жунма мува нину-бутта кунма Аллагьу тааьланая бивсса бут1а. Нитти-буттаясса тарихран куну жува буру ци-ци дунугу ядуллай, дукьлай. Циванникьай къабуч1исса хъиннува хъунмасса кьадрулий,пахрулий ва жува бувну хъун бувсса жулла ххирасса, дакъа чара бакъасса, ниттил маз лахьлан ва ябуван.

Жува бавх1усса к1анугу гьуркку буллай, уххай кусса, жува чант1 увкукун, бувцуну, карунниву къавт1и буллай, саннарду дувсса, балайрду кусса маз. Жува ля бувккукун, лечлан, занан бивк1укун ци-цигу хаварду, магьри му мазрайрихха жухьва бувккусса ниттихъал. Ми магьравархха жунма оьмунил ва хъинмунил дайдихьу лархьхьусса. Ухнан ххуллу буван, ххувнан намус буван лавхьхьусса.

Ниттил нак1лищал дакъарив жунна дуч1айсса буттал къатлул гъелишивугу, цалчин ша бивзусса дунияллул караматшиврухсса ччавугу.

Ниттил маз сан бакъул буллалисса инсантуран, мунивусса мукъурттих курт1ну къулагъас къадуллалиманан, т1ач1авгу х1исав къахьун т1иссар му жула ниттил мазрал ххаллилшивугу, гъели бургъил паргу, щюлли урттул щурщугу, муданма мякь лиххан бувайсса бявкъу щаращал щурщугу.

Мукунма ниттил маз къак1улсса инсантуран к1улнувагу къабик1ант1иссар жула миллатрал аькьлулул вибувц1усса учаларттугу, ча к1улхьунссар жула буттал буттахъал бувсса гьунардаясса бусаларду ва балайрдугу. Цува увсса ниттил мазрах аякьа дакъама-му иялну аькьлулул щаллусса инсан акъар, цанчирчан ниттил мазрайсса ихтилат хъанай бур ца караматрал к1улану. Цилгу ккаккан дуллалисса цала ниттихсса аякьа, буттал к1анттухсса ччаву, хъанай дур ялагу тарихрал к1улану гьарзатрал къапурду жула хьхьич1 т1ит1лат1исса.

Ниттил маз ххуйну к1улсса инсаннащал буссар мудангу ганал миллатрал аькьлу-к1улшигу, ях1-къириятгу,яла-яла хъуннасса инсаншивугу.

Ва дунияллий чансса бакъар мазру, амма ттун ттулла ниттилмур маз яла ххуймурну ч1алан бик1ай. Бакъар му цавагу мазраяр мискинсса, ягу чарагьатсса, къач1ирисса дуссар мунил луртангу. Цукссава ххаллилсса бакъарив, ттеркьукьал чарсраха лавхьхьусса, жула ниттил мазрай чивчусса назмурду, ххал буварала. Ттун ч1алач1иссаксса жула мазрал бияла жухьва, миллатрахь бур. Жула маз бухлаган най бур т1ут1иний, на пикрилий бик1ара,ва ца жул Ккуллал шяраву бур мяйтту-урч1ттуршва къатта. Гьарца инсан цала-цала кулпатраву лаккумазрай ихтилат буллай, цала-цала оьрч1ан маз лахьхьин булларчангума, му тач1авгу къабухлаганссар. Жулла мадара щархъурду дур Ккуллал районналий, къачансса дур Лакралмур районналигу.Ми агьали гъалгъа т1ий цала оьрч1ан лахьхьин булларчангума, маз тач1авгу бухкъалаганссар.Нук1ува учавхха ниттил мазрахсса ччаврил дайдихьу кулпатравур дувайсса, нитти-бутталли дувайсса.

Ттул дак1нил жула ххирасса ниттил маз бухлаган т1иссар т1исса зат цукунк1уй кьамул буллай бакъар. Хъунмасса умудгу бур ва ттул ниттил буллалиссаксса х1арачат вайми ниттихъалгу буванссархха т1ий.

Ттул хъунмасса миннатри, гьарцагу лаккучувнахь, аякьа дувара ва жула ниттил мазрах. Тай оьккисса,ккашилсса,зах1матсса шиннардия шихунмай жула ттаттахъал бурувччуну, жунма кьабивтусса ххазна ябувара! Вари жула аваданшиву, жула миллатрал яла хъунмур ххазна. Маз бакъаний миллатгу къабик1айссар! Агь, ниттил маз, вил ц1анил ,марц1шиву, гъелишиву,

Ужагърай лархъсса ц1уну вил лишанну яданна!

Мой мамин язык-мое богатство.

Начало любви к родному языку берется в семье. Это долг родителей прививать любовь к родному языку, к родной земле и к родному очагу. А затем учителя уже в школе все это развивают.

Я родилась и живу в городе Каспийске. Моя мать тоже выросла в городе, но не смотря на это моя мама прекрасно владеет родным языком. Она старается и нам привить эти же чувства. Нас трое детей в семье. Мы каждое лето ездим в родное село. Ходим часто в горы, собираем разные травы. Мама нам при этом рассказывает как называются эти места, почему именно так назвали. Я очень люблю так ходить и слушать эти старинные легенды. Да и с возрастом я сама хорошо понимаю эти прекрасные слова нашего классика К.Паустовского « По отношению человека к родному языку, совершенно точно можно сказать о его духовном воспитании. Любовь к родной земле немыслима, без любви к родному языку» .И как хорошо он сказал.

Родной язык нам достался от Всевышнего, как и наши родители. Мы их тоже не выбирали. Мы любим и лелеем их такими, какие они есть у нас. Вот с языком тоже должно быть также. Это а самая большая память, которая нам останется нам от родителей. Мы же на память стараемся беречь какие-то безделушки, а почему бы не беречь нам наш родной язык. Язык на котором нам пели песенки когда нас качали в колыбели, а потом чуть подрастая читали нам мамы сказки на этом языке. А из этих сказок мы брали начало всего хорошего и плохого, зла и добра. Человек ,который не хочет знать нашу историю, наш язык ,а как же он поймет красоту всего того, что нас окружает. Не почуствуют тепло солнца, не увидит красоту природы, не услышит журчание этих маленьких родников.

Кто не понимает родного языка, тот не поймет глубину наших стихов. которые как жемчужины нанизаны на нитку. Никогда не узнает смысл наших пословиц и поговорок. Не будет знать о тех исторических подвигах наших легендарных дедов.

Ведь родной язык это ключ к огромным сокровищам, которые раскроются перед нами со знанием истории и культуры своего народа.

В моем родном селе около 700-900 домов. Если каждый человек будет говорить на своем языке и обучать своих детей родному языку. И так каждом селе.Ведь у нас немало сел в горах .Наш язык никогда не исчезнет. Я даже не хочу думать об этом. Это ведь огромное богатство ,которое сохранили наши деды в те тяжелые,голодные времена. Сохранили для нас, а мы…..

Я убедительно прошу всех лакцев,пожалуйста,берегите свой язык! Если не будет языка не будет и народа тогда!!!