Номан Челебиджихан - къырымтатар халкъынынъ садыкъ огълу

Номан Челебиджихан -

къырымтатар халкъынынъ садыкъ огълу

Азырлагъан

МБУМ Сарыбаш мектеби

7-нджи сыныф талебеси

Сейдаметова Арзы Дилавировна

Оджа

Насурова Ление Викторовна

Номан Челебиджихан

1885-1918

I Миллий Къурултайнынъ ёлбашчысы,

Къырымтатар миллий укюметининъ реиси,

Къырым муфтиси,

языджы, шаир.

Кой мектебини битирген сонъ Номан Акъчора ве Багъчасарайдаки Зынджырлы медреселеринде окъуй.

Бильгисини арттырмакъ ичюн

Номан Челебиджихан окъувыны Тюркиеде, Станбул университетинде девам эте.

Тюркиеде окъугъан вакъытта Истанбулда «Ватан» адлы гизли джемиетни тешкиль этелер. «Ватан» джемиетнинъ азалары Номан Челебиджихан ёлбашчылыгъында Къырымны Русие зулумындан къуртарув ве миллий мустакъиль девлетни мейдангъа кетирюв ичюн курешке азырланалар.

Озюнинъ якъын досту Джафер Сейдаметнен бирликте Къырымда къырымтатар миллий девлет къурулыш арекетининъ программасыны тизе.

1917 сенеси Багъчасарайда I къырымтатар Къурултайы ачылды.

Номан Челебиджихан Къырым миллий укюметининъ башы оларакъ сайланды.

Онынъ «Ант эткенмен» шиири къырымтар халкъынынъ гимнине чевирильди ве бугунь де озь мустакъиллиги ичюн курешкен халкъымызнынъ рухуна рух, къуветине къувет къошмакъта.

Номан Челебиджихан , даа яш олгъанда, озь халкъыны къорчалаяракъ, онынъ сербестлиги ичюн курешмеге ант эте. Бу мукъаддес антына омюрининъ сонъуна къадар садыкъ къала.

«Къарылгъачлар дуасы» адлы икяесинде Челебиджихан озюнинъ балалыкъ ве осьмюрлик йылларыны хатырлап, эм зевкълы, эм гьамлы теэссуратларыны тасвир эте.

Къырымтатар халкъынынъ улу огълу Номан Челебиджихан, миллий къараман оларакъ, тарихымызда ве халкъ хатырасында эбедий къалды.