Օ-ի և ո-ի արտասանությունը և ուղղագրությունը

• Մայրենի

• 5-րդ դասարան

• Ուղղախոսություն և ուղղագրություն

• Օ-ո ձայնավորների արտասանությունը և գրությունը

Օ-ի և ո-ի արտասանությունը և ուղղագրությունը

1. Բառասկզբում լսվող օ հնչյունը գրվում է օ տառով. օրինակ՝ օդ, օղ, օձ, օրհնել, օծել, օգնել:

    Բացառություն՝  ով (ՕՎ), ովքեր (ՕՎՔԷՐ), ովևէ (ՕՎԷՎԷ), ովևիցե (ՕՎԷՎԻՑԷ):

2. Բառամիջում լսվող օ հնչյունը օ տառով է գրվում, եթե կա օ-ով սկսվող արմատ.

    օդ- անօդ, հօդս  ցնդել

    օր - կեսօր, միջօրե, տասնօրյակ, երկարօրյա, նորօրյա

    օրեն- տնօրեն, ապօրինի, անօրեն, հակաօրինական

    օծ - ոսկեզօծ, արծաթազօծ, արևազօծ

    օգնել - կօգնի, չօգնել, շտապօգնություն

    օգուտ - անօգուտ, հանրօգուտ

3. Մնացած դեպքերում բառամիջում և բառավերջում օ հնչյունը գրվում է ոտառով:

 Օրինակ՝ երեկո (ՅԷՐԷԿՕ),  բոլոր (ԲՕԼՕՐ):

4. Բառասկզբում լսվող ՎՕ-ն գրվում է ո, օրինակ՝ որոնել, ոտք, որդի, որոշել, ոհմակ:

Բացառություն՝ մի քանի օտար բառերի սկզբում լսվող ՎՕ-ն գրվում է վո, օրինակ՝ վոլտ, վոլեյբոլ, վոկալ, վոլֆրամ, Վոլգա, Վոլտեր, Վոլֆգանգ և այլն:

Բայց՝ Ոդիսևս, Որմիզդուխտ:

5. Բաղաձայնից հետո ո-ն արտասանվում է Օ՝ բարձրորակ (ԲԱՐՁՐՕՐԱԿ), անորոշ (ԱՆՕՐՕՇ):

6. Ձայնավորից հետո ո-ն արտասանվում է ՎՕ՝ ամենաորակյալ (ԱՄԷՆԱՎՕՐԱԿՅԱԼ), կորոշենք (ԿԸՎՕՐՕՇԷՆՔ), չորսալ (ՉԸՎՕՐՍԱԼ):