Ա հնչյուն֊ տառի ուսուցում

Կահավորում ՝նկարներ, տնակների նկարներ,Ա և ա տառեր՝ տպատառ, ձեռագիր, բացիկներ, արևի նկար, համակարգիչ, պրոյեկտոր, աշակերտների թվով Ա և ա տառեր, զամբյուղով մրգեր և բանջարեղեն, Ա տառի տեսքով թխվածքաբլիթներ։

Ընթացք՝ Խթանում

Ուղերձ

-Այսօր օրը հրաշալի է, և ես բարի օր եմ մաղթում բոլորիդ։

Այսօր օր է սովորական, բայց մեզ համար՝ անսովոր։ Մինչ այսօր մենք դաս ենք արել նկարներով, բայց այսուհետ մենք կսովորենք տառերով կարդալ, գրել, գիտության դուռը բացել և շրջել տառերի կախարդական աշխարհում։

Դուք շուրջ ամիս ու կես հաճախում եք դպրոց։ Եկե՛ք ցույց տանք, թե ինչ եք սովորել այդ ընթացքում։

-Փորձեք պատմել նկար-պատմությունը։

Էկրանին ցույց տալ նկարը.

-Վա՜յ, այս ինչ է պատահել մեր նկար-պատմությանը։

- Ճիշտ է, երկրաչափական պատկերները ծածկել են որոշ դրվագներ։ Նկարի վրա ի՞նչ երկրաչափական պատկերներ կան։ Մինչ երկրաչափական պատկերներին հեռացնելը, եկեք պատմենք, թե ի՞նչ եք տեսնում։

Աշակերտները պատմում են նկարը, նշում, որ սա պատմություն է։

-Ի՞նչ է պատմությունը։

Աշակերտն արտասանում է.

-Նախադասությունները մտքով կապվում,

Դառնում են մի ամբողջություն,

Անվանում են մի բառով այդ՝

Պատմություն։

-Քանի որ պատմությունը թերի է, տեսնենք, թե ինչե՞ր են թաքնված երկրաչափական պատկերների տակ։

Սահիկներով հերթով բացել, աշակերտները բացված նկարի շուրջ կազմում են նախադասություն՝ նշելով, թե ինչ է նախադասությունը։ Գրատախտակին գծում են նախադասության գծապատկերը` նշելով սկիզբն ու վերջը, կազմությունը՝ բառերի մասին։ Գծում են բառերի գծապատկերները՝ ենթարկելով հնչյունային վերլուծության։ Ասում են վանկերի և հնչյունների մասին իրենց սովորածը։

Վերհիշել, թե երկրաչափական պատկերների տակ ինչ նկար բառեր էին թաքնվել և ինչ հնչյունով են սկսվում։

-Ճի՛շտ է, երեխանե՛ր։Բոլոր բառերն էլ սկսվում են Ա հչյուն- տառով, որը մեր այբուբենի առաջին տառն է։ Նրա տառանունն է՝ այբ։

Իմաստի ընկալում

Ցուցադրել տպատառերն ու ձեռագիր տառերը, կարդալ Ա-ի մասին երկտող ոտանավորը։

Բանաստեղծություն Ա տառի մաին։

Ֆիզկուլտ դադար՝

Մեր ձեռքերն են՝ աջ ու ձախ,

Ամեն ձեռքին մի-մի տառ.

Ա մեծատառ, ա փոքրատառ,

Հնչյունների առաջատար։

Հարցնել, թե ո՞վ է ստեղծել հայոց այբուբենը։ Տեղեկություններ հաղորդել Մեսրոպ Մաշտոցի մասին, նրա գործունեության մասին։ Ցույց տալ և կարդալ գրատախտակի վերևում գրված հայերեն տառերով գրված առաջին նախադասությունը։

Երդում

Այսօր, այս պահին,

Հայացքս հառած մաշտոցյան գրին,

Երդում ենք տալիս.

Ջերմորեն սիրել մեսրոպյան գիրը,

Պահել իմ ազգի նկարագիրը,

Արժանի լինել սուրբ մայրենիին,

Հավերժ շենացնել երկիրն հայրենի։

Խաղ՝ Գտի՛ր «ավելորդը»- 2 տարբերակ

Սահիկներով կազմել Ա + ծուխ, Ա + նուշ, Ա + շուն բառերը։

-Այժմ տարվա ո՞ր եղանակն է։

Ցուց տալ մրգերով և բանջարեղենով լի զամբյուղը և ասել, որ աշունն իր առատ բերքից բաժին է ուղարկել։

Երգ՝ Աշուն

Ա տառ պարունակող տնակներով և նկարներով աշխատանք։

□Ա□

□□Ա

Ա□□

Ցույց տալ ձեռագիր Աա տառերի գրելաձևը։ Բաժանել մայրիների համար պատրաստված բացիկներ, որի վրա կփակցնեն արևի նկարը և կգրեն Աա տառերը։

Շնորհավորանք։

Յուրաքանչյուր երեխայի նվիրել Ա տառը և Ա տառի տեսք ունեցող թխվածքաբլիթ։