Обычаи, традиции моего народа

1 Учительла гьалагъай:

Нушала бегIтани ва хала бегIтани дузахъути лерти сари даргала гIяхIти, жагати ва дурхъати гIядатуни, санигIятуни, хIязани. Нушала биштIатани илдачила

Камли иргъули саби, илдани ахIенну, жагьтанира балли илдачила хъумкартули саби .Илди мучлахIедиранбиубли саби, телефонтази, телевизортази ва компьютертази ахъили саби. ПикридухъахIелли, цашайчибад илдачибра гIяйиб агара, илгъуна замана саби бакIили.

Амма нушачи хъарси саби замана-замана идачила гьанбуршес, ихтилатуни дурадуркIес ва илдачила сен-биалра хъумхIертес нушала гIямрулизиб. Наб бегIлара гIяхIбилзуси гьалабла гIядат саби адамти дугели цаличи ца буркьунза башни: дирцIили яра делхьи картошка-къабакъра, кадихьили шабши-хъарара сабира, тIягIямли лякьир бузахъни, биштIатас хабурти дурни,багьира бихьардиъни.

ХIера, итхIели набзи хьардиути багьираби ишбархIи нуни дурахъулра дила бучIантази.

1. «БахI-бахIбит бахIиганти бахIла гIилар капурти?» (имиули).

2. «Хьайсу- усу ахъайхъу?» (хIяли яра гIяш).

3. «Андаракай?» (мянчIик\).

4. «Маза дейгIунти ахIен, авлахъ умцурси ахIен?» (закра уръмира).

5. «Лаг бурхIир гIярала къел?» (рахаж).

6. «ЛасбикIан, ласбикIан, ласбикIуцад ахъбикIан?» (хIентIа).

7. «Мякьяд ваши?» (мякь-мякьядвикили ваши).

8. «Гав лаг башар?» (гав лагбяхI башар).

9. «ХьанцIа дурхъиб бялхъя бецI?» (лезми).

10. «Ца кIурилар кIидехI шин» (гидгари).

11. «ЖургъбикIан жургъбикIан,жургъбикIуцад цIерхьбикIан?» (дуруг)

Дуругра буртурагра се сарил, дурхIнази чедаахъес ва бурес илдачилара.

Илди бала, бамба ва гантир лукIути гIягIниахълуми сари. Ил хIянчи хьунул адамтани бирусири Ил дебали къиянси хIянчи бири. Хьунуладамтани билхъа дурадуркIули бири итхIели: бала угьнила, гантир итнила. ХIера, ил билхъаличиб бучIуси даргал ахалкьла гIядатла далай саби «Жуллак».

Сценка чебиахъули саби биштIати дурхIнани. Ца хьунул адамли гантирла билхъа дураберкIес пикрибариб.Рурси рурхьули сари унра хьунри жибарахъес.Илди, цауркIли дурабухъи, цализи ца жибикIули, лябкьули саби. «Диркуйрав?!»- яхши-хушдирули сари, «Силдикьада?», «Сион хьалъада?», «Бякьибгво хволал дяхIи».

БакIибтазирад ца: - Гьари далкьагьира гьари. Дихая хIушила хьутулъулира. хьутнира. Рурсби хIянчилизи ахъили саби. ХIянчи гьамадбиахъес ва анцIхIебукьахъес, дуIули сари масхара ва дукелцIи духIнадуцибти дезни:

- Жуллак!Жуллак!

-ЖекъарикIон!

-Абакарла жуллак!

-Урзулдус бакIибгькьяртI!

-Гьелилара маар саби!

-ЖекъарикIон!

-АбдуряхIма жуллак!

-ЖекъарикIон!

-КIишанна балкIо дураз!

-ЖекъарикIон

-Гьелилара мА рсаби!

-ЖекъариIон!

-ГIялила жуллак!

-ЖекъарикIон!

-Аллагьла нусби хьайсан!

-ЖекъарикIон!

-Гьелилара маар саби!

-БяхIяндгIялила жуллак!

-ЖекъарикIон!

-Вацни хинкIачи дикан!

-ЖекъарикIон!

-Гьелилара маар саби!

-ЖекъарикIон!

ГIур уршби лябкьули саби. Дамра хъатра бяхъили,булхъули саби уршби ва рурсби.

Хъа регIли буркьунзала кабирхьули, баркаллара балахъули сари. БакIибти буркьунзалара берки, «Дуги гIяхIна бакIаб!» -или, аркьули саби.

Ишди билхъаби имцIали дурадуркIути сари ХIурхъила шимазир в амахьурбазир.

ГIуррара цархIилтира дирутири билхъаби картошка делгIухIели, алтIухIели, арши иршухIели, дугби дирухIели, хъулри дирухIели, илди далсухIели ва ц.

Илала дурарад лерилра хъумала хIянчи някъбачил дирутири муршбачил, дукI-дуразличил,уркрачил унцала ва умхIала.

Забли урзули, берхIи бахъхI ахIебулхъалли, дурабуркIусири «БархIибакI».

-Ва бархIи бакI, бархIи бакI!

- БархIи бакIла кIатIабяхI!

- БархIилиши хIарлира!

- ХIирейши хIясратлира!

-Хъубзурела хъу дерхъаб!

-Дусли хIяйна духъули!

- БукIво маза дахъдааб!

- Дусли хIяйна думгули!

ДурхIнас бегIлара дигути хIязти сари. Гьанна дурхIнани далути компьютертала хIязти сари.Мурталра телевизорла ва компьютерла гьалаб саби, чула арадешлис вайси биъни хIебалули.Кьаркьала батсабухъесли я хIянчи агара бируси, я -хIяз.

Гьаларла хIязани- уршбала:

1.Дирхьа къагI.

2.ЛянкIо.

3.Урги-кьям.

4.ПярикIон.

5.Къайдуби.

6.Кьялкьуби.

7.ГIялчикуни.

8.ЦIачиранти.

9.КIихIикIонти.

10. КичIа сабалтни.

11.Тапла хIяз (абихъян-хьабихъян).

Рурсбала хIязани:

1.НускIурти.

2.Кьумми.

3.Царц.

4.Дайлахъуни.

5.Чяртла къяжни.

Сен биалра халатани гьандуршес гIягIнити сари дурхIнас гьалабла халкьла гIядатуни, хабурти,багьираби ва буралаби, хIяз - хIуз.

Илди хIязаназирад чумал гьанна дурхIнани чедиахъу.