«Ойлан да аяқта!», «Гүлдер»

Екінші кіші «Көбелек» тобындағы ұйымдастырылған оқу қызметінің конспектісі

Білім беру саласы: «Коммуникация», «Шығармашылық»

Пән: Сөйлеуді дамыту, құрастыру

Өтпелі тақырып: «Көктемгі егістік»

Тақырыбы: «Ойлан да аяқта!», «Гүлдер»

Мақсаттары:

Тәрбиелік: Балаларды жылдамдыққа, ұйымшылдыққа тәрбиелеу.

Дамытушылық: Балаларды қызығушылығын және ойлау қабілетін дамыту.

Оқыту: Егістік туралы түсіндіру, әңгіме құрауға, гүлдерді қалай құрастыруды үйрету.

Педагогикалық технологиялар: Ойын технологиясы, дамыту технологиясы

Ресурстармен қамтамасыз ету: Күннің, гүлдің суреті

Билингвалдық компонент: Күн-солнце, гүл-цветы

Ұйымдастырылған оқу қызметінің барысы:

1.Ұйымдастырушылық кезеңі:

Таңғы шеңберге тұрғызу.

Туыспыз біз бәріміз,

Біз Отанды сүйеміз.

Бақытты елде туған соң.

Бақытты өмір сүреміз!

Балалар, қазір мен сендерге жұмбақ жасырамын, сол жұмбақтың шешуін табасыңдар.

Балалар жұмбақтың шешуін табуға дайындалады.

Өзіне шап-шақ, киген қалпағы аппақ, балалар тұр қаптап. Бақбақ

2.Негізгі бөлімі:

Көктем мезгілінде бірінші болып шығатын бақбақ гүлімен танысамыз. Балалар мұқият тыңдайды.

Тақтамен жұмыс. Тақтамен жұмыс жасайды.

Бақбақ (одуванчик) ерте көктемде өсетін көп жылдық шөп тектес өсімдік.

Жапырақтары түп жағында топтасып орналасады.

Шоқ бас, сары түсті гүлі жалғыздан сабақ ұшында өседі.

Бақбақты егістік арасынан, жолдан, сайдан, өзен жағасынан бастау басынан кездестіруге болады. Бақбақ түгелімен дәріге жарамды.

Жемісін пісуден бұрын қазып алып, жас күйінде немесе кептіріп. Дәрі жасайды.

Қысқа қисық сызықтармен шөптің суретін құрастырамыз, кепкен соң үстіне сары түсті қатты қағаздарды тура қойып айналдыру әдісі арқылы, бақбақ гүлін құрастырамыз.

Сергіту сәті: «Гүл»

Өсемін былай мен деген,

Қауызым бүйтіп ашылар.

Кездерде самал тербеген,

Хош иісім маңға шашылар.

Орнынан баяу тұрады, қолын көтеріп оңға-солға бұрады. Баяу ырғалады, қолын толқындатып қағады.

Сергіту сәтін жасап болсақ жұмысымызға кіріесйік. Тәрбиешінің түсіндіруі бойынша бақбақ гүлін құрастырады.

3.Қорытынды:

Балалар, біз бүгін қандай гүлмен таныстық? Бақбақ гүлімен таныстық.

Түсі қандай болады? Сары болады.

Ендеше мен сендерге үйге «Бақбақ» тақпағын жаттауға беремін.

Балалар ұжыммен жасаған жұмыстарын тамашалауда. Балаларды мақтап, мадақтау.