Ойуур оскуолатын дьиктилэрэ

Бырайыак соругун аата

Ойуур оскуолатын дьиктилэрэ

Кылаас

3 – 4 кылаас үөрэнээччилэрэ

Учуутал

Готовцева Л.Н.

Анала

Предмет иһинэн тэҥ саастаах оҕолорго

Күнэ

30.10.2022

Сыала уонна педагогическай соруктара

1. Предмет иһинэн билиилэрин мадьыал туругар туһаныы.

2. Хоһоон айар үөрүйэхтэрин туһаныы.

3. Кыра бөлөххө үлэлиир дьоҕуру сайыннарыы.

Тирэх билиилэр, үөрүйэхтэр уонна дьайыы ньымалара

• Бэриллибит информацияттан наадалааҕы сатаан булар үөрүйэх.

• Хоһоон тутулун билиигэ олоҕуран хоһоону айар үөрүйэх.

• Кыра бөлөххө үлэ: сорудаҕы үллэстэн аттаран толоруу үөрүйэҕэ, бэйэ-бэйэҕэ көмөлөһүү, үлэни түмүү.

Былааннанар педагогическай түмүк

Оҕолор көрдөрүүлэрэ:

• литературнай айымньыга уонна олоххо баары тэҥнээн түмүк оҥоруу

• кыра бөлөххө үлэлээн, түмүк үлэни (“продукт”) оҥоруу үөрүйэҕэ – уопсай темаҕа сөп түбэһиннэрэн айар үлэлээх, уруһуйдаах хаһыат балаһатын оҥоруу.

Үлэ түмүгүн сыаналааһын ньымалара уонна көрүҥэ

Оҕолор кыра бөлөххө үлэлииллэригэр кыттыылара, бэйэ-бэйэҕэ сыһыаннара экспертнэй кэтээн көрүү ньыматынан сыаналанар уонна экспертнэй илиискэ толоруллар. Түмүктэри атын бөлөх бэлэм кэриҥнэрдээх илиискэ сыаналааһына.

Туттар тэриллэр

Бэлэм информациялаах тиэкистэр, презентация, уруок девиһэ, “Кэскил” хаһыат, А-4 кумааҕы, харандаастар, фломастер, клей, кыптыый

Уруок этаба

Бириэмэтэ

Учуутал

Үөрэнээччи

1. Мотивация

2 мүн.

Дуоскаҕа өс хоһооно: “Бары биир киһи туһугар, биир киһи барыбыт туһугар”

-Тоҕо бу девиһи бүгүҥҥү уруокка ылбыппытын уруок бүтүүтэ билиэхпит.

-Төгүрүччү илиилэрин тутуһан олорон

оҕолор ааҕыылара

1. Соругу быһаарыы

3 мүн.

-Бүгүҥҥү уруокка бырайыак оҥоробут. Бөлөҕүнэн үлэлиэххит. Онон ити девизкэ аахпыккыт курдук бары сүбэнэн, толкуйдаан үлэлээтэххитинэ кыайыылаах буолуоххут.

-“Кэскил” хаһыакка “Ойуур хаһыата” диэн балаһа оҥоһуллуохтаах. Хаһыат үлэһиттэрэ ону биһиги оскуолабыт үөрэнээччилэригэр сорудахтаабыттар. Онон бүгүҥҥү уруокка бу балаһаҕа киириэхтээх матырыйааллары оҥоруоххут, сорудахтары толоруоххут. Балаһаҕытын оҥороргутугар тас көстүүтэ кыраһыабай буоларын эмиэ учуоттуохтааххыт.

-Бу оҥорбут үлэлэргитин атын бөлөх оҕолоругар көмүскүүгүт, олор эьиэхэ сыана туруораллар.

1. Остуоруйаны истии

5 мүн.

Учуутал ааҕыыта

-истэллэр

1. 1 сорудах:

Информациялаах матырыйаалы таба туһанан сорудаҕы толоруу

7 мүн.

Тиэкистэри түҥэтии:

-тиэкистэри үчүгэйдик ааҕабыт.

-бэриллибит информацияттан бэйэҕитигэр наадалааҕы талан ылан сорудаҕы толоруҥ. Бэйэ бэйэҕитин кытта ырытан, тэҥнээн булан суруйуҥ.

-бөлөххө үлэлииллэр, ырытан, толкуйдаан сөптөөх эппиэти булуохтаахтар.

-1 оҕо атын бөлөххө баран көмүскүүр. Атын бөлөх сыаналыыр.

1. 2 сорудах:

Айар үлэ

10 мүн.

Билигин хаһыаппыт балаһатыгар анаан матырыйаал бэлэмниигит:

1-куобах

2-тураах

-хоһоон айыы

-таабырын айыы

Тиэкистэн тыллары туһаныаххытын сөп

-биирдиилээн айымньыларын суруйаллар, онтон биир сөбүлээбиттэрин талан эмиэ ааҕан көмүскүүллэр

1. Хаһыат балаһатын оҥоруу

15 мүн.

-хаһыаты ким оҥорон таһаарарый? Ким истибитэй, билэрий?

-Хаһыат рубрикаларын, үлэһиттэри билиһиннэрии.

-бөлөҕүнэн хаһыаппыт балаһатын оҥоруохпут иннинэ бары тустаах үлэҕитин үллэстэҕит.

-истэн үлэлэрин үллэстэллэр.

-тустаах үлэлэрин толороллор.

-ааттарын суруйаллар

1. Тумук.

Сыаналаныы.

Дьиэҕэ үлэ.

3 мүн.

Бүгүҥҥү уруокка бу девизпит көмөлөстө дуо?

Ким тугу сөбүлээтэ?

Учуутал сыаната.

Дь/ү: Дьиҥнээх олоххо куобахтарга туох буолбатый?

Оҕотун 1-2 хонук хойуу сыалаах үүтүнэн аһатан баран хаалларар – этиини хайдах өйдүүгүтүй. Тоҕо ийэ куобах оҕотун хаалларан кэбиһэрэ буолуой? Дьиэҕитигэр толкуйдаан, матырыйааллартан ааҕан, дьоҥҥутуттан ыйытан эппиэтин булаҕыт.

Бөлөхтөр бэйэ бэйэлэрин сыаналаныылара.