Оқу-тәрбие үрдісінде дамыта оқыту технологиясын АКТ-ға негіздей отырып, студенттердің шығармашылық қабілеттерін арттыру

М.О. Әуезов атындағы педагогикалық колледждің

«Педагогика-психология» ПӘК оқытушысы

Кабимолдина Айгуль Кайрбековна

Тақырып: « Оқу-тәрбие үрдісінде дамыта оқыту технологиясын АКТ-ға негіздей отырып, студенттердің шығармашылық қабілеттерін арттыру »

«Бала дамуының ең шарықтау  шегі –

бұл тіл мен ойдың шығармашылығы»

Л.С. Выготский

«...білімді ұсынуға болады, бірақ оны әркім өз бетімен меңгеруі және қолдануы қажет».

Адольф Дистерверг

Білім берудің негізгі міндеті - білім алушы маманды тек қана біліммен қаруландырып қоймай, сонымен қатар олардың жеке басының жан-жақты қалыптасуына, дамуына, шығармашылық қабілетінің жетілуіне, кәсіби мәдениетінің қалыптасуына өз дәрежесінде көңіл бөлу, мүмкіндік жасау болып табылады.

Кәсіби білім берудің мақсаты - терең білімнің, кәсіби дағдыларының негізінде еркін бағдарлай білуге, өзін-өзі дамытуға және өз бетінше дұрыс жауапкершілік тұрғысынан жауапты шешімдер қабылдауға қабілетті жеке тұлғаны қалыптастыру.

Пәнді оқытуда қалыпты сабақ беру әдісін жаңа мазмұнда ұйымдастырып, тиімді әдіс-тәсілдер мен АКТ пайдалану, студенттердің өздік жұмысының сапалы болуына, өзіндік жеке тұлға болып қалыптасуына әсер етеді.

АКТ жағдайындағы жалпы оқыту үрдісінің функциялары: оқыту, тәрбиелеу, дамыту, ақпараттық болжамдау және шығармашылық қабілеттерін дамытумен анықталады.

Дамыта оқыту технологиясы –

жеке тұлғаны өз бетімен дамыту құралы.

Дамыта оқыту арқылы алға қойған мақсатым:  

Дамыта оқыту жүйесінің теориялық білімінің жетекші ролі принципіне сүйене отырып, оның әдіс-тәсілдерін тиімді пайдалану, студенттің өз бетімен ізденуіне, зерттеушілік, шығармашылық қабілеттерінің оянуына, дамуына мүмкіндік беру, рухани дүниесі бай, ойлау дәрежесі биік, елімізге, мәдениетімізге, тілімізге сыйластық сезімі, адамгершілігі мол, сөйлеу мәдениетін жақсы меңгерген, шығармашылық қабілеті жоғары шәкірттерді тәрбиелеу.

Осы мақсатты шешуге орай алға қойған міндеттерім:

• Өз бетімен дами алатын жеке тұлғаны тәрбиелеу
• Шығармашылықпен айналысатын жас ғалымдарды, өнертапқыштарды табу, шығармашыл тұлға қалыптастыру.

АКТ студент мен педагогке бірдей жағдай тудыра отырып:

-    пәнге қызығушылыққа, мамандықты жетік үйренуге

-  педагог даярлығын қалыптастыруға, әрі жетілдіруге және түрлендіруге

-    іскерлік пен дағдыларды қалыптастыруға бірден бір қажетті технология екені баршаға мәлім десе болады.

Жоғарыдағы қажеттіліктерден арнайы пәндерді оқытуда мынадай себеп- салдар туындайды:

-    меңгерген технология өз сабақтарымда қолдануға даяр болуды

-    жаңашыл, ізденімпаз педагог болуды

-    білімімді әрқашан арттырып отыруды

-    шығармашыл болуды

-    жаңаша өзгерістер енгізуді

-    сыни көз – қарасты байытуды

-   жетістіктермен кемшіліктерге педагогикалық сараптама жасай білуге

-   құзыреттілікті жоғары деңгейге шыңдауға жетелейді десе болары сөзсіз.

Креативті ойлау арқылы білімалушыларды шығармашылыққа үйретуде, тілдері мен ойларын дамытуда мынандай тапсырмаларды қолданамын.

Атап айтар болсам: миға шабуыл;  терминдер тізбегі; анықтамаға сипаттама беру, салыстырмала талдау жасау; тірек-сызба; эссе; ой-толғау; семантикалық карта ; SWOT талдау, қосжазба күнделігі; еркін жазу; РАФТ, INSERT; «Венн диаграммасы», «DEAL» әдісі; онлайн презентация; сұхбат алу; жоспарды кезеңдермен құрылымдау; кеңестер жазу; бейнесабақ түсіру; аяқталмаған сөйлемдер; ПОПС формуласы; ашық микрафон әдісі; т.б.

И.Р. Волков «... Егер баланың жеке қасиеттерін өте жас кезінен анықтап, дамытуға жағдай жасаса, талант қалыптастыру кез-келген мамандық дайындау сияқты қатардағы шара...»