Просмотр содержимого документа
«Олимпиадна даабаринууд тухай»
2021-2022 онуудай hуралсалай жэлнүүдтэ
буряад литератураар үнгэргэгдэhэн
муниципальна олимпиадын даабаринуудаар hанал бодол
Буряад уран зохеолоор 10-11-дэхи ангинуудта хоер шэглэлээр олимпиада үнгэргэгдэдэг: шэнжэлгын ба зохеохы секцинүүд.
Шэнжэлгын секциин даабаринуудые хаража үзэхэдэ, эдэ хоер классуудта даабаринууд ондоо байгаа. 10-дахи ангиин даабари хоер шатаhаа бүридэнэ, шата бүхэндэ 2 гү, али 3 даабари. I-дэхи шатада уран зохеолой түүхээр болон теореор асуудалнуудта харюусаха, уран зохеолой текст мэдэхэ, нэрэ тодорхойлхо, ямар жанрай зохеол бэ, ямар герой бэ гэжэ элирүүлхэ даабаринууд байгаа. II-дохи шатада үгтэhэн хэhэгүүдые шүүмжэлхэ байгаа. Эндэ Ц.-Д. Дондогойн «Эхэ тухай поэмэ» зохеолhоо, үшɵɵ Б. Ябжановай «Эртын шүүдэр» гэжэ зохеолhоо хэhэгүүдые hурагшад анализ хээ.
11-дэхи ангида даабари хоер шатаhаа бүридɵɵ. Ч.Цыдендамбаевай «Тарбагатайда» гэhэн шүлэг анализ хэхэ, мүн «Банзарай хүбүүн Доржо» гэжэ романhаа хэhэг уншаад, hурагшад тусхай сэдэбээр hанамжаяа бэшээ.
Мүнɵɵ жэл тус ангида даабари зохеогдоходоо, гол анхарал текстдэ хандуулагдаа гэжэ ойлгоноб. hурагшадай уншалгын дадал, текст дээрэ хүдэлэлгэ, гол удха ойлголго, авторай үзэл бодол ойлгохо шадабари шалгагдаа. Эдээнhээ гадна зохеол шэнжэлгын шадабари сэгнэгдэхэ байгаа.
Минии hанахада, яhала зохид, тааруу даабаринууд байгаа. hурагшад ядаралдангүйгɵɵр нэгэдэхи шатын даабаринуудые дүүргээ. Харин шүүмжэлгын, hанал бодолоороо хубаалдалгын ажалда дүүрэн, тодо харюу үгɵɵгүйнь харамтай. Литературоведческэ терминүүдые бүхыдэнь зүбɵɵр хэрэглэжэ шадаагүй.
hурагшадай аман ба бэшэмэл хэлэлгэ хүгжɵɵхэ, текст дээрэ хүдэлхэ шадабариинь үргэдхэхэ, ухаан бодолоо хүдэлгэжэ, тэрэнээ зүбɵɵр бэшэлгэдээ хэрэглэжэ шадаха дүй дүршэлдэ анхаралаа хандуулха – иимэ зорилгонууд багшын урда табигдана.