Онлайн сабактар

Кыргыз тилинде 20дан ашык онлайн-курстары иштелип чыкты

 16/01/19 11:43 КООМ0

Бишкек, 16.01.19. /Кабар/. Кыргыз тилинде 20дан ашык онлайн-курстары, ага кошо 400 видео сабактары иштелип чыкты. Бул тууралуу Билим берүү жана илим министрлигинин басма сөз кызматы билдирди.

Алар менен https:// itkg.emektep.info жана www.ilimelim.kg дареги аркылуу таанышууга болот.

Ошондой эле өткөн жылы www.lib.kg сайтына 441 китеп жана окуу материалдары коюлган. Анда 5-6-класстар үчүн баардык сабактар боюнча материалдар бар.

Билим берүү министрлиги 2018-жылы өнөктөш уюмдар менен башталгыч мектеп үчүн 7 сабак боюнча "iBilim" (http://ibilim.kg/kyr/) жана 5-9 класстар үчүн "Билимбулагы" (http://bilimbulagy.kg) мультимедиялык программалык-методикалык комплексин иштеп чыгышкан.

Мындан тышкары министрлик "Маалымат технологиялары" темасы боюнча 200дөн ашык сабакты которуп (www.gcflearnfree.org), кыргыз тилиндеги 1000 жакын китеп санариптештирилген.

Кыргыз тилдүү мектеп жана окуу жайлар үчүн электрондук китепкана түзүлгөн (www.okuma.kg).

Кыргыз тилиндеги Википедия үчүн 20087 жаңы макала которулуп, редакцияланган.

• ТЭГИ:

• Кыргыз тили