Органикалық заттардың классификациясы

«Бекітемін» _______

Басшының оқу ісі жөніндегі орынбасары

Н.А.Мамбетова Т.А.Ә. (болған жағдайда)

Сабақтың тақырыбы:

Органикалық заттардың классификациясы

Сабақтың түрі:

Аралас сабақ

Мақсаты, міндеттер

Органикалық заттардың жіктелуін меңгеру.

Оқу сабақтары барысында білім алушылар игеретін кәсіби біліктердің тізбесі:

1) Спирттердің, альдегидтердің және кетондардың, карбон қышқылдарының, эфирлердің функционалдық топтарының құрылымын сипаттайды;

2) Органикалық қосылыстардың адам өміріндегі маңызын ашады.

Сабақты жабдықтау

Интерактивті тақта, интерактивтік тақта арқылы PowerPoint, маркер, қарындаш, слайдтар, кестелер, презентециялар

Оқу-әдістемелік құрал-жабдықтар, анықтамалық әдебиеттер

М. Оспанова, Қ.Аухадиева, Т.Белоусова Химия: Жалпы білім беретін мектептің жаратылыстану- математика бағытындағы 10-сыныбына арналған оқулық, 2 бөлім, Алматы: «Мектеп», 2019ж.

Сабақтың барысы

Басталуы

(2мин)

І. Ұйымдастыру.

Амандасу. Студенттерді 2 топқа бөлу.

Үй тапсырмасын тексеру.

(10 мин)

«Миға шабуыл». « Х, 0» ойыны арқылы өткен тақырыпты қайталау.

1. Ертеде органикалық заттарды қалай атады? Неге бұл заттар органикалық деп аталады?

2. Органикалық химия нені зерттейді?

3. Органикалық заттардың құрамына қандай элемент міндетті түрде кіреді?

4. Органикалық заттар және органикалық химия ұғымдарын кім енгізді?

5. Органикалық заттарға қандай химиялық қасиеттер ортақ болуы мүмкін?

6. Көміртектен басқа, органикалық заттардың құрамына қандай химиялық элементтер кіреді?

7. Органикалық заттар жанғанда қандай заттар түзіледі?

8. Органикалық заттар мен бейорганикалық заттардың қандай айырмашылықтары бар?

9. Көмірсутек туындылары деген не?

«Шапалақтау» әдісі бойынша бағалау.

Сабақтың ортасы

(23 мин)

Жаңа сабақ. «Органикалық заттардың классификациясы».

Көміртек қанқасының құрылысы бойынша органикалық қосылыстар алифатты, циклді; құрамына қарай көмірсутектер мен оның туындылары болып жіктеледі. Қосылыста гомологтық қатарлары жұрнақпен (ан,ен,ин, диен, ол, аль, он) белгіленеді.

Органикалық қосылыстарды заманауи жіктеу көміртек қаңқасының құрылысына және молекуладағы функционалдық топқа байланысты жүргізіледі. Функционалдық топ- заттың химиялық қасиетін анықтайтын және органикалық қосылыстардың қай класына жататынын көрсететін атом немесе атомдар тобы. Органикалық қосылыстардың молекулаларында әртүрлі функционалдық топтар болуы мүмкін, соған байланысты зат әртүрлі класс қосылыстарының қасиеттерін көрсетеді.

Жеке жұмыс.Органикалық заттардың жіктелуі бойынша тапсырмалар орындайды.

«Смайлик» әдісімен бағалау.

Органикалық қосылыстардың адам өміріндегі маңызы қандай?

Топтық жұмыс. Пентанның изомерлерінің модельдерін құрастыру.

Н-пентан, 2-метилбутан, 2,2 –диметилпропан, 4-хлор 2-метилпропан, 1-хлор 2,2-диметилпропан.

СH3 - CH- CH2-CH2-Cl 4-хлор 2-метилпропан
          CH3

     CH3
Cl - CH2 - CH - CH3   1-хлор 2,2-диметилпропан.

                 CH3

Бекіту

(5 мин)

1. Органикалық қосылыстардың жіктелуі.

2. Изомерлер деген не?

3. Органикалық молекулаларда көміртектің валенттілігі нешеге тең?

Сабақ бойынша рефлексия

(3 мин)

«Алма ағашы» әдісі. Студенттерге сабақ басында үш түсті “алма” стикерлері беріледі. Сабақ соңында оны алма ағашына ілу керек.

Қызыл алма- Сабақ қызықты өтті, көңіл күйім керемет.

Сары алма- мен көп нәрсені түсіндім, көңіл күйім жақсы.

Жасыл алма- мен сабақты түсінбедім, көңіл күйім жоқ.

Үйге тапсырма

(2 мин)

§63. 56 бет. 4,5,6 тапсырмалар

Бағалау

Топтық бағалау