Орозбеков Бозжигит агайдын өмүр баяны

Орозбеков Бозжигит агай 1938-жылы 1-майда Тогуз-Торо районунун Атай айылында колхозчунун үй-бүлөсүндө туулган.1946-жылы Атай жети жылдык мектебинин босогосун аттап 1953-жылы аяктаган.1953-жылы Жалал-Абад шаарындагы педтехникумга тапшырып,1958-жылы аяктаган.Кийин Прежевальск шаарындагы педагогикалык институтта билим алган.

Алгачкы эмгек жолун 1958-жылы Атай жети жылдык мектебинде башталгыч класстардын мугалими болуп иштөө менен баштаган.1960-1962-жылдары Советтик Армияда кызмат өтөгөн.

1962-1965-жылдарында Киров сегиз жылдык мектебинин башталгыч класстар мугалими,1966-1968-жылдары райондук билим берүү бөлүмүндө методист болуп эмгектенген.1969-1973-жылдары Казарман орто мектебинин директорунун окуу иштери боюнча орун басары,1974-1978-жылдары Карл Маркс үч жылдык мектебинин жетекчиси болгон.

1976-жылы “Эл агартуунун отличниги” төш белгиси менен сыйланган.

1985-1986-жылдары Атай орто мектебинин директорунун тарбия иштери боюнча орун басары болгон.1978-жылдан 1999-жылга чейин Атай орто мектебинде жаш муундарга өзүнүн билимин талыкпастан берүү менен,балдарды тарбиялоодо өтө зор салымын кошкон.

1980-жылы СССР Жогорку Советинин президиумунун атынан “ В.И.Лениндин 100 жылдыгына” арналган медалга татыктуу болгон.Көп жылдар бою ушул мектептин профсоюз уюмунун жетектеп келген ,жана ал уюм тарабынан көптөгөн “Ардак грамоталар” менен сыйланган. Ушул мектепте жоопкерчиликтүүлүгү,калыстыгы,адамгерчилиги менен кадыр барктуу мугалимдердин бири болгон.

Жубайы Сатарова Кымбатбүбү апа менен 4 кыз,6 уулду татыктуу тарбиялап өстүрүштү