Ортаңғы «Балауса» тобындағы ұйымдастырылған оқу қызметінің конспектісі Тақырыбы: Үйдің суретін саламыз

Ортаңғы «Балауса» тобындағы ұйымдастырылған оқу қызметінің конспектісі

Өткізу күні: 03.09.18

Тәрбиеші: Жәкіш Г.А

Білім беру саласы: Шығармашылық

Пән: Сурет салу

Өтпелі тақырып: Менің отбасым

Тақырыбы: Үйдің суретін саламыз.

Мақсаттары:

1.Тәрбиелік: Үлкендерді сыйлауға тәрбиелеу.

2.Дамытушылық: Түзу сызықтарды дұрыс сызу және бояй білу дағдыларын қалыптастыру.

3.Оқыту: Бояу түсін таңдай білу, сурет салуға қызығушылығын арттыру.

Педагогикалық технологиялар: ойын технологиясы

Ресурстармен қамтамасыз ету: үйлердің, пәтерлердің суреті

Билингвалдық компонент: үй- дом

Ұйымдастырылған оқу қызметінің барысы

Балалар сендер қай қала да, қандай көшеде тұратындарынды білесіңдер ме?

І.Ұйымдастырушылық кезеңі (2 мин)

ІІ. Негізі бөлімі

1.Әңгімелесу

Қазіргі қала бейнеленген суретті көрсету.

-Балалар, мына суреттен не көріп тұрсыңдар?

- Алып жатқан жан-жақты,

Үйлерді кім тұрғызды? Үй құрылысын жасауда әр түрлі мамандық иелері қызмет етеді (тас қалаушы, ағаш шебері, сылақшы, краншы, сырлаушы т.б.)

-Біз бүгін құрылысшы болып үлкен үйдің суретін саламыз. Қараңдаршы мына үйлердің бөліктері қандай геометриялық пішіндерге ұқсайды?

2.Үлгі көрсету

Үйдің салу жолын көрсетіп, түсіндіру. Ақ қағаздың барлық жерін пайдаланып салу керек екені туралы айтады.Неше қабатты үй салатынын сұрайды.

Әр қабатта терезе болу керек, мысалы: бесқабатты үй салу үшін бес терезе салу керек, үшқабатты үйге-3 терезе.

Үйдің төмеңгі жағына, қағаздың ортасына есік салынады.

3.Саусақ жаттығуы

Оң қолымда бес саусақ,

Сол қолымда бес саусақ.

Қосып едім екеуін,

Болып шықты оң саусақ

4.Жұмыс барысы

Балалардың жұмысын бақылап, жеке нұсқау беру. Үйдің салу жолдарын жұмыс барысында қайталап айтып отыру.

ІІІ. Қорытынды (2 мин)

Жарайсыңдар! Енді осы суреттерден көрме ұйымдастырамыз.