Օրվա դասի պլան Վ. Սարոյան ՙՙԵրեք խորհուրդ՚՚ Ղ-խ

Դասի թեման –Վիլյամ Սարոյան «Երեք խորհուրդ» հեքիաթը, ղ-խ բաղաձայնների ուղղագրությունն ու ուղղախոսությունը

Դասի նպատակը- ակադեմիական

• իմանալհեքիաթի ժանրային բնութագիրը

• ղ-խ բաղաձայնների ուղղագրությունն ու ուղղախոսությունը

• ճանաչել Վ. Սարոյանին՝ որպես հեքիաթագիր

սոցիալական

• մեկնաբանել հիմնական գաղափարը՝ ձևավորելով անհատական կարծիք ու մտածողություն

• արժևորել մեծերի խոսքն ու խորհուրդները՝ «Մեծին լսողի ոտքը քարին չի դիպչի» սկզբունքով

• ամրապնդել բաղաձայնների ուղղագրության և ուղղախոսության մասին ստացած գիտելիքները

• ձևավորել անսխալ գրելու կարողություն

Կահավորում- գրքեր, տետրեր, գրիչներ,համակարգիչ

Մեթոդներ –մտագրոհ, հարցուպատասխան, T-աձև աղյուսակ, ինքնուրույն աշխատանք, ուղղագրական դադար, սահիկի դիտում M-աձև աղյուսակ

Դասի ընթացքը-ԽԻԿ

Խթանման փուլ

Այսօրվա դասի թեման է Վ․Սարոյանի «Երեք խորհուրդ» հեքիաթը։ Համառոտ ակնարկ հեղինակի մասին (սահիկիմիջոցով կցուցադրվի գրողի լուսանկարը)։Ապա մտագրոհ խորհուրդ բառով։ Այնուհետև հարցերով քննարկում ենք , թե երեխաներին հաճախ են խորհուրդ տալիս և ովքեր, և արդյոք նրանք այդ խորհուրդներին հետևում են։ Ապա երեք աշակերտ առանձին- առանձին կբացեն նախապես պատրաստված կախարդական արկղիկը և կմեկնաբանեն այնտեղ առկա խորհուրդները, որոնք համապատասխանում են հեքիաթում հանդիպող խորհուրդներին։

Իմաստավորման փուլ

• հարցուպատասխան հեքիաթի հիմնական գաղափարի, գործողության և գլխավոր խորհուրդների վերաբերյալ։

• կհետևի արդյո՞ք կինը խորհրդին

• ի՞նչ կպատահի հերոսին

• կօգտագործի՞ աղքատը խորհուրդները և որքանո՞վ դրանք կօգնեն նրան

• ի՞նչ կանի պանդուխտը՝ տեսնելով ծարաված ուղտերին ու ուղտավորներին

• ի՞նչ դուռ կլինի աղքատի տեսած գեղեցիկ դուռը

• ի՞նչ կուզի աղքատը ծեր արքայից

• ինչպե՞ս կվարվի անծանոթի հետ

• ընթերցումից հետո կանցնեմ գաղափարը վերծանող հարցադրումներին

• ի՞նչ եք կարծում,ճիշտ վարվեց պանդուխտը, թե ոչ

• որքանո՞վ նրան օգնեցին այդ խրատները

• ի՞նչ կլիներ, եթե նա չհետևեր այդ խրատներին

• T-աձև աղյուսակի օգնությամբ համեմատենք պանդուխտին Հովհ. Թումանյանի «Անխելք մարդը» հեքիաթի հերոսի հետ

• ի՞նչ վերջ ունեցավ անխելք մարդը՝ չհետևելով իմաստունի խորհուրդներին

• ի՞նչ վերջ ունեցավ մեր պանդուխտը՝ հետևելով իմաստունի խորհուրդներին

• այս ամենից ի՞նչ հետևություններ կարելի է անել

• իսկ ձեզ համար ո՞վ կամ ո՞վքեր են խորհրդատուներ, այսինքն՝ իմաստուններ

• այսօր կխոսենք ղ-խ բաղաձայնների մասին

• ի՞նչ գրություն և արտասանություն ունի խ հնչյունը հենց խորհուրդ բառում

• գծել m-աձև աղյուսակ

• լսվում և գրվում է ղ/ լսվում և գրվում է խ/լսվում է խ, գրվում է ղ

• դասարանը բաժանել երեք խմբի՝ ըստ շարքերի

• սյունակները լրացնել հեքիաթից դուրս բերված համապատասխան բառերով

Կշռադատման փուլ

• ի՞նչ սովորեցիք ուղղագրության վերաբերյալ

• ինքնուրույն աշխատանք բառային թելադրության տեսքով

• իսկ ի՞նչ սովորեցրեց ձեզ հեքիաթը

• կկիրառե՞ք այդ խորհուրդները ձեր կյանքում. ո՞րը և ինչու՞

• տնային աշխատանքը կլինի կարդալ հեքիաթը և դասարանում գծված աղյուսակի յուրաքանչյուր շարքից ընտրելով երկուական բառ՝ կազմել նախադասություններ: