«Отан» Е.Өтетілеуіов

Ортаңғы «Ақерке» тобының ұйымдастырылған оқу қызметінің конспектісі

Өткізу күні:25.04.2019 ж

Тәрбиеші: Биржикенова. А.Б

Білім беру саласы: «Коммуникация»

Пән: Көркем әдебиет

Өтпелі тақырып:
Тақырыбы: «Отан» Е.Өтетілеуіов
Мақсаты: 
Тәрбиелік: Балаларды өз отанын сүюге тәрбиелеу.

Дамытушылық: Отан туралы өлең оқу арқылы сөздік қорларын дамыту.
Оқыту: Тақпақты жатқа айта білуді үйрету.

Педагогикалық технологиялар:дамыту,ойын

Ресурстармен қамтамасыз ету: суреттер,

Билингвалдық компонент: Отан-Родина

Ұйымдастырылған оқу қызметінің барысы:

 I.Ұйымдастырушылық кезеңі:

Балалар,  біздің бүгінгі әңгімеміз

Отан жайлы болмақ.

- «Отан» деген сөзді қалай түсінесіңдер?                              

Әр адамның өз Отаны болады.

- Отан ол біздің туған жеріміз, тұратын жеріміз, отбасымыз.

- Отан біздің атамекеніміз.

- Отан біздің табиғатымыз, айналамызды қоршаған орта.

- Біздің Отанымыз, еліміз өте бай, өте әдемі.

- Біздің Отанымыз-  Қазақстан!

Негізгі бөлім:

Әңгімелеу: Біздің Отанымыз - Қазақстан! Әлемде Қазақстан Республикасында дүниеге келген әрбір адам осы мемлекеттің азаматы болып саналады. Біздің еліміздің жері кең байтақ, пайдалы қазбаларға өте бай. Біздің бас қаламыз – Астана. Астана-  жас қала. Онда түрлі әсем ғимараттар бой көтерген. «Бәйтерек» - Астананың символы. Әркімнің туып өскен жері - Отан деп аталады. Отан отбасынан басаталады. Біз Қазақстанда туып өстік. Ол біздің – Отанымыз! Ендеше, балалар «Отаншыл болу отбасынан басталады» деген Б. Момышұлының қанатты сөзін ұстана отырып, бүгінгі жаңа оқу қызметімізде Ермек Өтетілеудің «Менің Отаным» атты өлеңімін танысамыз.

Отан  деген -  атамекен,
Отан  деген- туған  жер.
Отан – ана,   
Отан – үлкен
Қазақстан – туған  ел!

Өлеңнің мазмұнын, мағынасын балаларға түсіндіру.

Тосын сый: Қазыбек би қонаққа  келеді

Қазыбек би: Армысыздар балалар! Мен Қазыбек би боламын. Ерте кезде елімізді мен сияқты билер, хандар, сұлтандар басқарған. Мен  сендерге бүгін Отанымыз туралы бірнеше тапсырмалар мен сұрақтар алып келдім.

Тәрбиеші: Қош келдіңіз Қазыбек би. Біз сіздің келгеніңізге өте қуаныштымыз. Балалар, Қазыбек бидің тапсырмаларын орындап, сұрақтарына  жауап беруге дайынсыңдар ма?

Сергіту Сәті:

Ал балалар тұрайық,
Алақанды ұрайық.
Бір отырып, бір тұрып,
Жоғары-төмен қарайық.
Бойымызға күш жинап,
Бір секіріп алайық,
Секіріп-секіріп алайық,
Орнымызды табайық.

Қорытынды:

- Балалар, біз бүгін өзіміздің туған жеріміз, Отанымыз туралы әңгімеледік. Отанымыз-  отбасымыз, өз ауылымыз, атамекеніміз екенін  түсіндік.

- Біз отбасымызды, елімізді, жерімізді, Отанымызды мақтан тұтып, қадірлеп құрметтейміз. Біз осындай татулықты, бірлікті, бейбітшілікті  сүйетін, Қазақстан елінде тұратынымызды мақтан етеміз.

Оқу қызметіне жақсы қатысқан балаларды мадақтау, мақтау.