Темэр:
КIыщокъуэ Алим и усэ «Гъуэгу къежьапIэ»
Мурадыр:
1. ЕджакIуэхэм я гур цIыхугъэмрэ гурыщIэ къабзэмр къыхуэгъэушын,анэдэлъхубзэм хуаIэ лъагъуныгъэр нэхъ куу щIын;
2. КIыщокъуэм и гъащIэм,творческэ лэжьыгъэм зыщымыгъуазэ Iуэхугъуэхэм щыгъэгъуэзэн;
3. ЕджакIуэхэм усэ гъэпсыкIэмкIэ ящIэм хэгъэхъуэн;
4. Усэ къеджэкIэмрэ къызэджар зэпкърыхыжынымкIэ яхузэфIэкI псори егъэфIэкIуэн;
Урокым и екIуэкIыкIэр:
I.Унэ лэжьыгъэр къэпщытэжын.
КIыщокъуэ Алим и гъащIэмрэ и литературнэ лэжьыгъэмрэ теухуа презентацэ,еджакIуэхэм я IэдакъэщIэкIыу.
КIыщокъуэм и усэхэу пэщIэдзэ классхэм зэджахэр къэпщытэжын:
1. «Жыр пыIэ»
Биишэ бзаджэр техуати,
ЗауэлIыр уэсым хэхуат.
Жэщ борэн щIыIэм щIилъхьати,
Теплъакъым хьэдэм нэгъуэщI.
«Сэлэт шырыкъу»
Абы шырыкъур сэ нэсхьэсмэ,
Ар сщыгъыу сщIынущ ислъэмей.
Сэлэт шырыкъум сфIэфIщ сэ лъысмэ,
Япэ къэфэгъуэр мис абдей.
«Си фочым IэплIэ есшэкIауэ»
Си фочым IэплIэ есшэкIауэ,
Окоп блын щIыIэм зызогъэщI,
Гупсысэ хьэлъэр къыстеуауэ
Абы сэ си гур ныхегъэщI.
ЦIыкIухэ,КIыщокъуэм и усэхэр лъэныкъуэ куэдкIэ шэщIауэ щытщ. Ахэр зауэм, лэжьыгъэм, ныбжьэгъугъэм, цIыхугъэм, адыгагъэм теухуахэщ, ауэ нобэ дэ дызэджэну усэр зытеухуар нэхъ лъэныкъуэфI дыдэщ. Нобэрей ди усэм и гупсысэ нэхъыщхьэм сэри икъукIэ сигу хегъэщI, сыт щхьэкIэ жыпIэмэ, ди еджапIэм щIэсщ зи бзэр зымыджыж, абы пщIэ хуэзымыщIыж еджакIуэ куэд. Инджылыбзэр, нэмыцэбзэр, урысыбзэр ядж, ауэ езым къыдалъхуа бзэр IэщIыб ищIащ, нтIэ, девгъэгупсысыт уэ уи бзэр умыджыжу зылъагъу нэгъуэщI лъэпкъ сабийм ди бзэм пщIэ къыхуищIын?
Зи лъэпкъыр псэкIэ зымылъагъум
Анэбзэр гукIэ хуэлъагъун?
Хамэбзэр иджу ар зылъагъум
Уэ уи бзэм пщIэ къыхуищIыжын?
Емкъуж Мухьэдин итхауэ
Сэ сыкъапщтэмэ,апхуэдэ цIыхухэм «гъуэща цIыхущ» сызэреджэр. ИкIи сыхуейт зэи фымыгъуащэу гъуэгу захуэм фытетыну, фызэрыадыгэр фи гум илъу.
Слайд I
Слайд 2
2.КIыщокъуэ Алим и усэ «Гъуэгу къежьапIэ» жыхуиIэм егъэджакIуэр
къахуоджэр.
3.Къэрэндащхэр яIыгъыу псалъэ гугъуэхэу хэтыр щIатхъэр.
Слайд 4
4.ЕгъэджакIуэми къыхитхыкIахэм ирагъапщэр,зэпкърахри я тетрадхэм
иратхэр.
5.ЕджакIуэхэр усэм зэпыудауэрэ къегъэджэн.
6.УпщIэхэмкIэ гъэлэжьэн.
Слайд5
Слайд 6
7.Рассказхэм дыкъыщеджэкIэ ди еджэкIэм зихъуэжыркъым усэхэм дыкъыщеджэкIэ ди къеджэкIэм зехъуэж. Усэр жыпхъэ гуэрым итщ, макъ хэIэтыкIахэмрэ гъэлъэхъшахэмрэ хабзэ гуэрым тету щызэкIэлъыхьащ, усэ сатырхэри зэпэджэж макъ зэщхькIэ зэпхащ.
Слайд 7
Слайд 8
Слайд 9
Слайд 10
Слайд 11
8.ЕджакIуэхэр зыгъэгупсысэн псалъэрыджэгу.
Слайд 12
Слайд 13
9. Литературэм и теориехэр къэпщытэжын. ЕджакIуэхэр гупитIу гуэшауэ гъэлэжьэн.
Слайд 14
Слайд 15
II. Урокыр егъэбыдылIэжын.
Дэтхэнэ зы адыгэми и гъуэгур къыщежьэр и унагъуэрщ,унагъуэр зэрыпсалъэ бзэрщ,абы унагъуэм щиIэ пщIэрщ. Уи бзэр пщIэжыныр насыпышхуэщ.Уеблэмэ ар щIэныгъэм,культурэм,хабзэ дахэм уахуэзышэ гъуэгум и къежьапIэщ.СызэригугъэмкIэ усакIуэм и усэм щIэлъ гупсысэ нэхъыщхьэри арауэ къызолъытэр.
III.ЕджакIуэхэм оценкэ яхуэгъэувын.
IV.Унэ лэжьыгъэ етын.
Усэм псоми гъэхуауэ къеджэн, упщIэхэм жэуап етын,едзыгъуибл гукIэ зэгъэщIэн.
423
110 203 
