Открытый урок Санавлукъ.

Ана тилим.

Ана тилим, бал тилим.

Унутмагъа ярамас.

Ана тилде сёйлемеге уялмагъа ярамас.

Шунча асил тилимни, оьрлендирмей, оьсдюрмей.

Къумукъ болгъанынг недир, ону татывун билмей.

«Артыкъ сёз».

Яшгъылт, сари, узун, алты, дёгерек, арив, гючлю.

Дарсны темасы: Санавлукъ.

Дарсны муратлары:

- охувчуланы алдагъы дарслардан алгъан сынавун мекенлешдирив;

-янгы темагъа тюшюндюрюв;

-санавлукъланы тюрлюлерин токъташдырыв;

-тил оьсдюрювню,эсин, тергевюн артдырывну, оюн теренлешдиривню уьстюнде ишлев.

Тест тапшурувлар.

1. Атлыкъ не англата?

а) Предметни белгисин;

б) Предметни;

в) Предметни ишин.

2. Къайсы сёз хас атлыкъ тюгюл?

а) Магьачкъала;

б) Тюкен;

в) Агьмат.

3. Яшгъа деген сёз къайсы гелишдедир? а) Еслик г. б) Багъым г. в) Ер г. 4. Къайсы сёз тагъым предметлени белгисин гёрсетмей? а) Гиччи яш; б) Яшыл алма; в) Анамны явлугъу. 5. Къайсы сёз къошма сёз тюгюл? а) Белбав; б) Къаракъуш; в) Сабанчы.

6.Сёз тагъымланы къайсы даражасыз? а) Авлакъдагъы къой; б) Яшыл авлакъ; в) Уллу яш. 7. Къайсы сёз оьзбашына къолланагъан тил гесим тюгюл? а) Атлыкъ; б) Сыпатлыкъ; в) Байлавуч. 8) Атлыкъланы мюлк къошумчалары нече тюрлю бола? А) Бир; б) Уьч; в) Эки.

9)Къайсы сыпатлыкъ кемлик даражада? а) арив-арив; б) гючлю; в) къараявуз. 10)Къайсы сыпатлыкъ артыкълыкъ даражада? а) акъшумал; б) боппо-бош; в) къоркъунчлу. 11)Къайсы тил гесим артыкъ? а) уьй б) стол в) етти

Янгылыкъ ачыв.

• Отуз яш (нече?)
• Алтынчы клас (неченчи?)
• Бешер кило (нечешер?)
• Биз алтавбыз (нечев?)

Бары да санавлукълар эки уллу бёлюкге бёлюне: 1. Санав санавлукълар (нече?, нечев?, нечешер?) 2. Гезик санавлукълар (неченчи? (къайсы?))

Этилген кююне къарап санавлукълар:

• Простой

• Къошма

Бир, уьч, отуз, алтмыш, юз, минг, миллион.

Он бир, он уьчер, беш юз, юз етмиш алты, эки юз элли сегиз, минг тогъуз юз токъсан беш.

Башлапгъы билимлерин беклешдирив ва токъташдырыв.

Санавлукълар булан сёз тагъымлар этигиз.

Бир, эки, дёрт , алты, етти, тогъуз, он сегиз, эки юз он уьч, элли, юз токъсан уьч, беш юз.

Тарихни гьакъында лакъыр этив.

Карточкалар булан ишлев.

Немец елевчюлер булан Уллу Ватан дав …. июнде …. йылда башланып ва …. гюн юрюлген. Дагъыстан республикадан гёнгюллю кюйде фронтгъа …. минг адам гете, оланы арасындан …. минги къатын гишилер. Давдан оланы хыйлылары къайтмагъан. Советлер Союзуну Игити деген оьр атгъа …. дагъыстанлы ес болгъан.

Бу йыл бютюн уьлкебиз Уллу Ватан давну …. йыллыгъын оьтгережек.

Кёмекчи санавлар: 77, 57, 2, 22, 1941, 180, 1418.

Немец елевчюлер булан Уллу Ватан дав 22 июнде 1941-нчи йылда башланып ва 1418 гюн юрюлген. Дагъыстан республикадан гёнгюллю кюйде фронтгъа 180 минг адам гете, оланы арасындан 2 минги къатын гишилер. Давдан оланы хыйлылары къайтмагъан. Советлер Союзуну Игити деген оьр атгъа 57 дагъыстанлы ес болгъан. Бу йыл бютюн уьлкебиз Уллу Ватан давну 77 йыллыгъын оьтгережек. Кёмекчи санавлар: 77, 57, 2, 22, 1941, 180, 1418.

Суратлар булан ишлев

1 .

2.

3 .

4. 4

5.

6.

.

Сёзлюк иш. Атлылар - всадники; Къолкъотур – гриб; Къонгурав – колокольчик.

Тергевлюгюне тапшурувлар.

1. Эмен терекде 78 алма болгъан. Ел чыгъып 28 алма тюшген. Терекде нече алма къалгъан?

2. Бир къарангы уьйде 7 майчыракъ яллай, уьфюрюп 2-син сёндюре. Эртенге нече майчыракъ къалгъан?

3. Терекге 13 къарлыгъач, 7 гёгюрчюн къонгъан. Гьавчу тюбекни бирисине атгъан. Терекде нече къуш къалгъан?

4. Къайсы айда 28 гюн бар?

5. Айландырып салса , къайсы санав кёп бола?

• 2 къолда 10 бармакъ бар, онг къолда нече бар?
• Барындан да къысгъа ай къайсыдыр?

Ребуслар

40 аякъ , 5 ик , 6 н , т 10, с 100 гюч.

Къыркъ аякъ, беш ик, алты н, т он , с юз гюч.

10 у 6 н 100 югю бар .

Он у алты н юз югю бар.

Гьюрюме.

• Мен янгы дарсны англадым.
• Магъа пайдалы маълуматланы алдым.
• Тилимни оьсдюрдюм.
• Оюмну теренлешдирдим.
• Мен дарсда яхшы ишледим.

Уьйге иш.

1. Санавлукъланы ва оланы бёлюклерин билмек;

2. «Мени гюнюмню низамы» деген темагъа санавлукъланы къоллап гиччирек сочинение язмакъ яда адабият дарсда гечген асардан санавлукълар ёлугъагъан 5-6 жумла язмакъ, яда буса тапшурув №198.

Савболугъуз!