Ուսուցչի դերը համագործակցային ուսուցման մեջ

Ուսուցչի դերը համագործակցային ուսուցման մեջ

Համագործակցային ուսուցումն ակնկալում է ուսուցչի դերի փոփոխություն. ուսուցիչն առաջնորդում և ուղղորդում է դասարանը՝ ստեղծելով փոխադարձ վստահության մթնոլորտ և համագործակցությունը խթանող միջավայր: Ուսուցիչը հրամայողից վերափոխվում է հրահանգչի, աջակցողի և դիտարկողի:

Ուսուցչի դերը ամենից կարևորվող, մեծ հնարամտություն պահանջող, օր օրի ավելի գնահատվող մասնագիտություններից է: Հաջողությունների հասնելու համար ուսուցիչներին անհրաժեշտ են երեխաներին կառավարելու նոր եղանակներ:

Երբեմն սովորելն ու սովորեցնելը միշտ չէ, որ զուգահեռ են ընթանում: Դասագրքերում գրված նյութերի բովանդակությունը պատմելը կամ կարդալը դեռ սովորել չէ: Ինչպես նաև կարդացածը մտապահելը կամ անգիր անելը սովորել չէ:

Ուսուցումը սովորողի ներսում տեղի ունեցող ակտիվ և բարդ գարծընթաց է: Ուսուցիչը կարող է միայն ուղղորդել, ստեղծել դրա համար նպաստավոր միջավայր: Համագործակցային մեթոդներն անկնկալում են ուսուցչի դերի փոփոխություն: Այն նման է առաջնորդի դերի, որն ուղղորդում է դասարանը և ստեղծում փոխադարձ վստահության մթնոլորտ և համագործակցությունը խթանող միջավայր: Ուսուցիչը հրամայողից վերածվում է աջակցողի և դիտարկողի: Հաճան թվում է, թե համագործակցային ուսուցումն օգտագործող ուսուցիչը ավելի քիչ է աշխատում, քան ավանդական մեթոդով աշխատող ուսուցիչը, քանի որ ուսուցման ժամանակի նշանակալի մասը նվիրվում է աշակերտների սովորելուն իրենց ընկերներից: Սակայն իրականում դա այդպես չէ, համագործակցային ուսուցումն օգտագործող ուսուցիչը ստանձնում է մեծ թվով պատրականություններ, որոնց մեջ մտնում են.

• դասերի, վարժությունների պլանավորում և զարգացում,

• սովորողների խմբերի կազմում,

• սովորողների տեղաբաշխում,

• սովորողներին առաջադրանքի ներկայացում և բացատրում,

• խմբային աշխատանքի հսկողություն և անհրաժեշտության դեպքում միջամտություն,

• սովորողներին օգնություն սոցիալական հմտությունների զարգացման հարցում,

• գնահատում:

Համագործակցային ուսուցում կիրառող ուսուցիչը պետք է լինի համբերատար խմբի անդամներին ուղղորդելու համար: Խմբերին անհրաժեշտ են ժամանակ միմյան հետ ազատ զգալու համար: Խմբերից ժամանակ կպահանջվի նաև մտքեր փոխանակելու համար: Ավանդական մեթոդով աշխատող ուսուցչի համար հիմնականում այդ հանգամանքը չեն կարևորում: Դա չի նշանակում, որ ուսուցիչը պիտի սպասի մինչև ամենադանդաղ խումբն ավարտի քննարկումը: Ընդհակառակը, ուսուցիչը պետք է բոլոր խմբերի աշխատանքի տևողությունը կանոնակարգի հրահանգով:

Շատ ուսուցիչների համար համագործակցային ուսուցման մեջ ամենադժվարը ինքնավերահսկողությունն է՝ աշակերտներին իրենց սեփական հայտնագործությունները կատարելու և սեփական խնդիրները լուծելու համար հնարավորություններ ստեղծելու ընթացքում: Որոշ ուսուցիչներ միջամտում են, երբ աշակերտները համաձայն չեն միմյանց հետ: Ուսուցիչ միջամտությունը կարող է լինել միայն վերջում:

Ինչպես ավանդական, այնպես էլ համագործակցային ուսուցման դեպքում հաջողության հասնելու պայմանը ուսուցչի նախապատրաստությունն է: Ուսուցիչը պետք է պլանավորի բովանդակային մոտեցումը, աշակերտների գործողությունը գնահատումը: Ժամանակի բաշխումը նույնպես կարևոր է համագործակցային ուսուցման արդյունավետության համար: Այս ամենից կարելի է եզրակացնել, որ ուսուցիչը մեծ դեր ունի համագործակցային ուսուցման կազմակերպման գործընթացում: