Oyun "Edi mühür altından"

Zamanneersınız üüredicilar hem üürenicilar!

Büün biz sizinnan toplandık oyuna «Edi mühür altında».Bizim oyun olacek baalı bir gagauz yazıcısın yaratmalarınnan. Ban isteerim, ani analım gagauz yazıcısını, okuyalım onun yaratmalarını hem makarki biraz ona benzeyelim. Bu oyuna katıldılar 9-cu sınıfın üürenicileri. Karşılayınız onnarı.

Şindi isteerim sölemaa oyunun kurallarını:

1.Oyuncular, laazım olacek dooru cuvapları yazasınız yapraacıklara da açan ban onnarı okuyacam, ozaman aazdan söleyeceniz.

2.Herbir soruşa vakıt verelecek.

3.Oyun gider edinci mühüra kadar.

4.Dooru sölemaa avtoru var nica olacek sadece o oyuncuya, angısında olacek taa çok mühür.

5.Oyuncular düşünarkana, kalan üürenicilar cuvap edeceklar viktorinanın soruşlarına.

1. BİRİNCİ MÜHÜRÜN VAKIDI.

Bir personajı küçükkena, bobası üüredarmiş olsun ii, yapmasın kimseycaa fenalık, çalmasın, yardım etsin ilinnetmaa insannarın yaşamasını.

O, büüdüynan, brakmış bobasının ii üüretmesini da olmuş tamah, haset, ikiüzlü hem aldadıcı...

Dikat!Birinci mühürün soruşu:

-Kimdir bu personaj?

Cuvap: Zaatlı Andrey.

VİKTORİNA SORUŞLARI:

1.Nica adı o küüyün, neredan gagauz yazıcısı D.Kara Çoban?

Cuvap: Beşalma.

2.Angı yılda duudu D.Kara Çoban?

Cuvap: 1933 yılda mayın 27-da.

3.Yazıcının uşakların adları?

Cuvap: Lüdmila, Afanasiy.

4.Kimdi o insan,angısı teklif etti D.Kara Çobana literatura institutuna üürenmaa girsin?

Cuvap: L. A. Pokrovskaya (filologiya bilgilerina doctor)

5.Yazıcıya deyni kimdir o Zinaida Nikolaevna?

Cuvap: Onun karısı.

6.Neçin avtorun şiirlerinda durer iki yıl?

Cuvap: Bir yıl açan şiir yazıldı, bir yıl da açan şiir düzüldü.

2. İKİNCİ MÜHÜRÜN VAKIDI.

Yukarı kirişa bir makaz astılar, ool terzi olsun.

Küçücük elina karandaş verdilar, yazıcı olsun.

Kolaç tepesinda babu oynattılar, oyuncu olsun.

Biyaz bezlan uşaan üzünü örtülar,utancak olsun.

Yıkadıı suyunu laaleya döktülar, ool gözal olsun.

Dikat olun! İkinci mühürün soruşu:

-Okunmuş şiirin nica adı?

Cuvap: «Evelki adet».

VİKTORİNA SORUŞLARI:

1.D.Kara Çobanın anasının hem bobasının adları?

Cuvap: Nikolay hem Anna.

2.Dina göra angı ayleda terbiedildi yazıcı?

Cuvap: Baptistlerin aylesinda.

3.Beşalmada var bir…-

Ondan taa ii var mı bişey?

Ona hergün insan geler,

Ne var onda-onnar biler.

Cuvap: Muzey.

4.Kimin için bu peetlar şiirdan?

«Aramızda yaşaardı bir adam

Biza benzamardi, o diildi sıradan

Hem diildi ayoz kanatlı

O taa üüsekti, talantlı».

Cuvap: D.Kara Çoban için.

3.ÜÇÜNCÜ MÜHÜRÜN VAKIDI.

Annatmada «Kudal» avtor yazer:

Bin dokuzüz otuz sekizinci yılın aprel ayında Garipsi öldü oftikadan.Düştüynan döşeklera, o teklif etti Dolapsız Stepanı, ki o sürsün onun hem kendisinin paycaazlarını…

Dikat! Üçüncü mühürün soruşu.

-Kimin yaşamasında var çok birtürlü?

Cuvap: Garipsi hem Kudal.

VİKTORİNA SORUŞLARI:

1.Kim gagauz yazıcılarından biricik literaturada klasik sayıler?

Cuvap: D. Kara Çoban.

2.İlk şiirlerini şair angı bukvalarınnan yazdı?

Cuvap: Kirilita.

3.Şindiki vakıtta kim muzeyin müdürü, angısını düzdü yazıcımız?

Cuvap: Kızı Lüdmila.

4.Yazıcının zanaatları?

Cuvap: Muzey işçisi, skulptor, resimci, kinorejisor, yazıcı, etnograf…

5.Beşalmadan kaara nereda taa yaşadı yazıcı?

Cuvap: Kişinövda.

4.DÖRDÜNCÜ MÜHÜRÜN VAKIDI.

Oolum, oolum, yalnız uşaam.

Yazayim bir kiyat, kalayım aşaa.

Olsa senda evlad bir can,

Beni kolay san annayacan…

Dikat! Dördüncü mühürün soruşu.

-Kimin için avtor yazer bu şiiri?

Soyadı,adı,bobayca.

Cuvap: Kara Çoban Afanasiy D.

VİKTORİNA SORUŞLARI:

1.Kaç uşak vardı D.Kara Çobanın ana-boba aylesinda?

Cuvap: Bir uşak.

2.Angı predmetleri üüredardi şkolada D. Kara Çoban, üüredici işleyerak?

Cuvap: Gagauz dili, çizmak, resimnemak.

3.Bir kera direktor açan girmiş D.K.Çobanın dersina, nereda o görmüş üürenicileri konuyu sesleyarkana?

Cuvap: Partaların altında oturarkana.

4.Ne yapmış yazıcı, açan istaarmiş kultur bakanlıından muzeya deyni avtobus verilsin?

Cuvap: Düşmüş era (yapınmış ani ona prost oldu)

5.İlk şiir toplumun nica adı?

Cuvap: «İlk laf».

5.BEŞİNCİ MÜHÜRÜN VAKIDI.

-Naşey san aaresın burada?-sordu Flanburg. Karı bişey cuvap etmedi.

-Nica senin adın?

Vasilasa bana deerlar,-dedi karı...

Dikat!Beşinci mühürün vakıdı.

-Neçin bu karı hep okadar arardı kaybedilmiş kendi parasını?

Cuvap: Bu karı biler paranın paasını, nica o onnarı kazandı.

VİKTORİNA SORUŞLARI:

1.Yazıcının patretlerinda neylan biz onu göreriz?

Cuvap: Gözlüklan.

2.Beşalma küüyünda angı yazıcılarlan buluşardı D.Kara Çoban?

Cuvap:M.Kösa,V.Filioglu.

3.Neya uyer te bu cümla?

«Краткость-сестра таланта».

Cuvap: Yazıcının annatmalarına.

4.Kiminnan evelki vakıtta uydurardılar gagauzlar kendilerini, açan pek yorulardılar?

Cuvap: Öküzlan.

5.Kim yazdı türkünün peetlerini «Cenk biza diil laazım»?

Cuvap: D.Kara Çoban.

6.ALTINCI MÜHÜRÜN VAKIDI.

Koçan özü bızırdeer, gözlemelar cızırdeer.

Banim otuz yaşında, karım-kotlon başında...

Dikat!Altıncı mühürün soruşu.

-Kima başleer şiiri avtor?

Adını, bobayca.

Cuvap: Zinaida Nikolaevna.

7.EDİNCİ MÜHÜRÜN VAKIDI.

1.Beenmazdi dinnenmak günnerini.

2.Korkardı brakmaa sevgili işini.

3.Sayardı ani imekta kaybeder vakıdını.

4.Toplardı material.

5.Kazandıı paralarını taa çoyunu materiallara harcaardı.

6.Aftalarlan çıkmaazdı laboratoriyasından.

7.Yapardı montaj.

8.Sevgili işi yapardı onu fasıl.

9.Zeetlenardi yıllarlan.

10.Sevinardi nica uşak.

Dikat!Edinci mühürün soruşu.

Kimdi o adam, angısı için yazılı bu annatmada?Nesoy annatmanın adı?

Cuvap: D.K.Çoban «Fanatik».

Ya bakalım kim nekadar mühür kazandı.

Bitkinci soruşa cuvap edecek o oyuncu, angısı en çok mühür kazandı.

-Nica adı avtorun, angısı yazdı annatmaları «Nışannar», «Kudal», «Yolda karı», «Fanatik» hem şiirleri «Oolum,oolum!» «Evelki adet», «Kotlon başında düşünmak» hem başka.

Cuvap: D.Kara Çoban.

Siiredalim bir prezentatiya bu anılmış yazıcı için.

Saa olunuz katılmak için. Kalın saalıcaklan! Gelan buluşmaklaradan.

KLAS DIŞANDAKI İŞ: OYUN «EDİ MÜHÜR ALTINDA».

NEETLAR:

1.Genişletmaa hem derinnetmaa üürenicilerin bilgilerini D.Kara Çoban için.

2.Seslemak sınışlarını genişletmaa.

3.Soruşturmakta biri-birina yardım etmak.

4.Gagauz yazıcısına hem onun yaratmalarına saygı terbietmak.

5.Gagauz yazıcısı için hem onun yaratmaları için bilgileri belli etmak.

6.Üürenicilerin gözal hem pak lafetmesini ilerletmak.

7.Başka üürenicileri seslemaa,annamaa, saburlu olmaa.

Metodlar:

Prezentatiya, soruş-cuvap konuşması,üüredicnin sözü.

Kiriet-Lunga TL D.Tanasoglunun adına

Klas dışandakı iş

Oyun «EDİ MÜHÜR ALTINDA»

(9-cu sınıfa deyni)

Hazırladı üüredici: Gümüşlü Anna K.

2012 yıl