Өзін-өзі тану пәнінен сабақ жоспары тақырыбы: "Сенім - менің серігім" 5 класс

Сабақтың мақсаты: оқушылардың адамдардың бір-бірімен сенімді қарым-қатынас жасауы туралы түсініктерін кеңейту.

Міндеттері:

Білімділігі: - «сенім» ұғымының мәнін ашу;

Дамытушылығы: - өз замандастарымен сенімді қарым-қатынас құра білу қабілеттерін дамыту;

Тәрбиелілігі: - өзіне, өзгеге, қоғамға сенім білдіруге үйрету.

Сабақ барысы:

1. Ұйымдастыру кезеңі

Тыныштық сәті:

Балалар, ыңғайланып отырып алыңдар. Көздеріңді жұмсаңдар да болады. Өздеріңді көгілдір де ғажайып, мөлдір де таза, салқын бір су жағасына келдік деп елестетіңдер. Су біздің жанымызға әсем ән сыйлап, сылдырай ағады. Тап-таза айнадай мөлдірлігімен көздің жауын алып жатқан судың бізге айтары бар сияқты. Біз су жағасына жақындап, екі қолымызбен бір уыс су іліп алдық. Су бізге қарап, жылт-жылт етеді. Тіпті осы су тамшылары да бізге әлденені айтқысы келетіндей. Біз алақандағы су тамшыларын төгіп алмайық деп уысымызда аялай ұстап тұрмыз. Ал енді осы сезімімізбен бұрынғы қалпымызға келейік. Көзімізді ашайық.

1. Үй тапсырмасынтексеру:

Ә.Табылдиевтің «Сенім» өлеңін жаттау.

1. Дәйексөз:

«Жақын адамдардың, достардың, жалпы адамзаттың жақсылығына сеніп, адамдықты құрметтей білу – әдептіліктің, адамгершіліктің белгісі»

М.Жұмабаев

1. Мәтінмен жұмыс:

• Ақын қандай жастарға сенім білдіреді?

• Жастарға сенім білдірудің себебі неде?

1. Жағдаятты талдау:

5 «Б» сыныбы оқушыларына мектеп мерекесіне арнап көркем қойылым дайындау керек болды. Сынып жетекшісі оқушыларға сенім артып, өз бетінше дайындауды тапсырды. Ер балалар ұзақ ойланып, бүкіл сынып болып брейк-данс биін билеуді ұсынды. Қыздар оған түбегейлі қарсы болды...

1. Тапсырма:

Сан Мен Мунның пайымдауын оқып, сұраққа жауап беріңдер.

• Сенімділік адамда қандай қасиеттер болғанын талап етеді?

1. Мәтінмен жұмыс:

• Қарттың балаға өз жүктерін тапсырып кетуінің себебі неде?

• Бала қарттың сенімін қалай ақтады?

1. Үй тапсырмасы:

Келесі тақырыпта берілген «Жан жарасы жазылмайды» атты аңыз әңгімені оқып, мазмұнына дайындалу.

1. Соңғы тыныштық сәті

Балалар, ыңғайланып отырып алыңдар да, терең тыныс алыңдар. Енді көз алдарыңа елестетіңдер, сендердің қолдарыңда өте әдемі айна бар. Абайсыз қимыл, асығыстық бұл әсемдікті бүлдіруі мүмкін. Адамдар арасындағы бауырмалдық, сыйластық, яғни қарым-қатынас осындай жұқа әрі нәзік. Олар қамқорлықты, сүйіспеншілік пен түсіністікті, мейірімділікті, бауырмалдықты талап етеді. Сынған айнаны қайта қалпына келтіру өте қиын, тіпті мүмкін емес. Сондықтан айналаңдағы адамдарға мейірімділікпен, сабырмен қарап, көңілін қалдырмауға тырысу қажет.

1. Бағалау

Оқушылардың сабаққа белсене қатысқандары үшін оқушыларды бағалау.