Педагогическа мастерской «Нюуса хүн»

Педагогическа мастерской «Нюуса хүн»

Дэлхэй дээрэ һонирхолгүй хүн гэжэ байхагүй,

Тэдэнэй хуби заяан замби түбиин түүхэдэл.

Түби бүхэн өөрын дабтагдашагүй онсо шэнжэтэй,

Тон тэрээндэл адли замби хаанашье байхагүй.

(Людей неинтересных в мире нет,

Их судьбы, как истории планет,

У каждой все особое, свое.

И нет планет похожих на неё.)

Евгений Евтушенко

Мүнөөдэрэймнай педагогическа мастерскойн гол зорилго хадаа нюуса хүниие тааха болонобди.

Үгтэһэн даабаринуудай харюунуудые дуһал дуһалаар суглуулан, нюуса хүе шата бүхэндэ зураглахабди. Эгээ һүүлдэ дүн гаргахада, Евгений Евтушенко гү, али Софи Лорен гү, үшөөшье ондоо хүн байжа болохо бшуу.

Хоёр бүлэг боложо хубаархадаа, иимэ дүрим баримталхыетнай дурадханаб. Нюуса хүнэймнай дуратай үнгэнь – хара хүхэ, үшөө үндэр хада уулануудта дуратай. Хара хүхэ үнгэдэ дуратайшуул – 1-дэхи бүлэг болоно, үндэр хада уулануудта дуратайшуул – 2-дохи бүлэг болоно.

Зай, бага багаханаар нюуса хүн тухай материалаа суглуулая.

Түрүүшын даабари дүүргэлтэдэ 2 минута үгтэнэ.

1 даабари. Бэшэлгээрнь таагты: эрэгтэй гү, али эмэгтэй гү?

Бүлэгтөө хөөрэлдөөд, үгтэһэн хуудаһан дээрээ өөһэдынгөө харюу бэшэгты.

2 даабари. Энэ хүмнай хаана түрэһэн бэ гэжэ таажа үзэе. Видео анхаралтайгаар харахыетнай дурадханаб.

• Мүнөөдэрэймнай нюуса дүрэ хаанахинайл ааб? Таанарай һанамжа.

3 даабари. Суг һураһан нүхэрһөөнь интервью абаһан байнаб. Энэ интервью шагнаад, хаана һураа гээшэб гэжэ хоорондоо хөөрэлдэгты. Танай һанамжа.

Тобшолол: Д.Банзаровай нэрэмжэтэ Буряадай багшанарай дээдэ һургуулиин физико- математическа факультет дүүргээшье һаа, энэ хүмнай ондоо шэглэлээр, мэргэжэлээр хуби заяагаа бүрилдүүлжэ, зүйтэйхэн зүргэеэ гаргажа ябаһаниинь ойлгосотойхон болохо аалам.

4 даабари. Энээхэн слайдда анхаралаа хандуулхыетнай дурадханаб. Нюуса хүнэй түүхэдэ туйлаһан габьяаниинь, мэдээжэ ажалнуудынь танай анхаралда. ..........

5 даабари. Энэ жэл нюуса хүн түхэреэн жэлээ тэмдэглэжэ байна. Хэды наһаяа угтажа байнаб гэжэ мэдэхын тула, бидэ мүнөө задача бодохобди.

Нарата юртэмсын планетэнүүдэй тоое Газарай тэмдэг гү, али Буряадай эмблемын үдхэхэ, тиигээд Саяан уулын үндэр орьёлнуудые нэмэхэ. Һүүлээрнь үнэтэ зүйл эрдэнинүүдэй тоо болон тоогой эхин тэмдэг нэмэри болгохо.

• Хэды наһа гүйсөөб?

• Ямар аргаар, хайшан гэжэ бодоһоноо тайлбарилагты.

• Нюуса хүмнай хэн гээшэб? Таагаа гүт?

6. Үшөө нэгэ слайд харахыетнай дурадханаб. Хэн бэ?

Таняа һаа, энэ хүн тухай хөөрэжэ үгэгты.

Буряадай арадай уран зохёолшо, СССР-эй болон Россиин Уран зохёолшодой холбооной гэшүүн, СССР-эй Журналистнуудай холбооной гэшүүн, хэлэ бэшэгэй эрдэмэй кандидат, түүхын эрдэмэй доктор, РБ-гэй болон РФ-гэй соёлой габьяата хүдэлмэрилэгшэ, Хани Барисаанай орденоор шагнагдаһан, Буряадай гүрэнэй шангай лауреат, Цырен Шагжинай нэрэмжэтэ шангай лауреат, Ленинскэ комсомолой нэрэмжэтэ шангай лауреат, Монголой болон Росси-Беларусь холбооной журналистнуудай шангуудай лауреат, “Лучшие люди России” гэһэн ниитын дээдэ шагналда хүртэһэн, эрдэмэй болон искусствын талаар Петровско академиин гэшүүн-корреспондент, Түнхэнэй аймагай хүндэтэ эрхэтэн Ардан Лопсонович Ангархаев 1946 ондо Түнхэнэй аймагай Таблангууд нютагта түрэһэн юм.