Музыка 1 клас Дата
Тэма. Песня, танец, марш
Мэта: сфарміраваць у вучняў першаснае ўяўленне аб жанрах песні, танца і марша.
Задачы: пазнаёміць вучняў з трыма рознахарактарнымі творамі; фарміраваць абагульненае ўяўленне аб музычных асаблівасцях песні, танца, марша і разнастайнасці іх жыццёвых сувязяў; актуалізаваць паняцці «кампазітар - выканаўца - слухач»; развіваць уменне адрозніваць песню, танец, марш; выхоўваць слухацкую культуру.
Музычны матэрыял: “Марш” С. Пракоф'ева, Ж. Люлі “Марш”, П. І. Чайкоўскі “Полька”, “Песня сяброў “, “Самі саначкі бягуць”.
Абсталяванне: магнітафон, малюнкі, дзіцячыя музычныя інструменты, цацка “Вясёлая малпачка”.
Ход урока.
I. Арганізацыйны пачатак урока.
Музычнае прывітанне.
- Добры дзень, дзеці! (Добры дзень.)
ІІ. Матывацыя.
-Дзеці, ці любіце вы гуляць у хованкі?
- Уявіце, што мы гуляем у хованкі з хлопчыкам Ванем. Гулялі-гулялі, ды і згубілі яго зусім, не можам знайсці. Дзе ж ён схаваўся? Давайце паклічам яго. Увага на дошку, працуем па схеме.
![](https://fsd.multiurok.ru/html/2019/01/13/s_5c3b472937b77/1051565_1.jpeg)
ІІІ. Увядзенне ў тэму ўрока.
- Дзеці, з чаго ўзнікае музыка? (З нот і гукаў.)
- Хто патрэбен для таго, каб яна ўзнікла? (Кампазітар.)
- Што робяць кампазітар, выканаўца і слухач? (Кампазітар піша музыку. Выканаўца выконвае гэтую музыку, а слухач - яе слухае.)
- А да каго адносімся мы? (І да слухачоў, і да выканаўцаў.)
- Вось мы сёння на ўроку пабудзем слухачамі і выканаўцамі. Паспяваем песні і паслухаем цікавыя мелодыі.
-А перш чым стаць выканаўцамі, давайце ўспомнім правільную пасадку пры спяванні.
ІV. Праца па тэме ўрока.
1. Выкананне песні “Самі саначкі бягуць”
Спяваем песню ўсе разам. Спяваць трэба плаўна, спакойна і мякка браць дыханне.
Дзеці выконваюць песню.
2. Выкананне песні з музычнымі інструментамі.
- Малайцы. Вы ўсе стараліся.
3. А зараз паслухайце новую песенку «Песенка друзей”.
- Ці спадабалася вам песня? Які характар гэтай песні? Пра што спяваецца ў песні?
- Правільна гэта песня ўмеранная, не вельмі вясёлая. У ёй гаворыцца пра тое, каб усе дзеці сябравалі, не сварыліся. Таму што без сяброў жыць складана.
Паўторнае слуханне 1 куплета. Развучванне. (Настаўнік звяртае ўвагу на дыханне, дыкцыю, тэмп мелодыі.)
V. Фізкультхвілінка “Пяточка, носочек”.
- Малайцы! А зараз давайце паслухаем прыгожую мелодыю.
4. Гучыць «Полька» П.І. Чайкоўскага.
- Скажыце, што можна рабіць пад гэтую музыку. (Пад гэтую музыку можна танцаваць.)
Паўторнае слуханне полькі.
Пры паўторным праслухоўванні дзеці падкрэсліваюць першую долю на бубне і воплескамі ў далоні.
5. Слуханне «Марш» С. Пракоф'ева.
- Што гучыць? (Марш.)
- Што можна рабіць пад гэту мелодыю? (Маршыраваць.)
- Давайце паспрабуем памаршыраваць. (Дзеці маршыруюць.)
- Вось мы сёння пазнаёміліся з трыма тыпамі музыкі - песняй, танцам і маршам. На наступных уроках мы будзем сустракацца з імі і даведаемся аб іх шмат новага і цікавага. А зараз пагуляем у гульню «Вясёлыя малпачкі».
6. Гульня «Вясёлыя малпачкі».
- Будзьце ўважлівыя і дакладна выконвайце тое, што я буду паказваць. (Прахроп нескладанага рытмічнага малюнака, паўтарыць матыў і г.д.)
VI. Падвядзенне вынікаў урока.
- Што новага на ўроку вы даведаліся? (Развучвалі новую песню, слухалі польку і марш.)
- Малайцы! Вы правільна выконвалі ўсе заданні, актыўна працавалі на ўроку, стараліся прыгожа спяваць, уважліва слухалі музычныя творы.
- А зараз давайце пазначым сваю працу на ўроку на лістах самаадзнакі.
VII. Рэфлексія.
- Які настрой зараз у вас? Выберыце сабе адпаведны тварык і прыклейце яго на дошку і патлумачце.
![](https://fsd.multiurok.ru/html/2019/01/13/s_5c3b472937b77/1051565_2.jpeg)
- Дзякуй за працу!