План - конспект открытого урока на адыгейском языке по теме "Пъыгъуац1эм мэхьанэу ык1и лъэпсэ нэшанэу и1эхэр"

Адыгабзэмк1э зэ1ухыгъэ урокым иплан конспект.

Темэр: Пъыгъуац1эм мэхьанэу ык1и лъэпсэ нэшанэу и1эхэр.

Мурадыр: Пъыгъуац1э зыфа1орэр агу къэгъэк1ыжьыгъэн;

-Пъыгъуац1эм мэхьанэу ык1и лъэпсэ нэшанэу и1эхэр аш1эныр;

- Пъыгъуац1эхэр гущы1эухыгъэм къыхагъэщын алъэк1хэу егъэсэгъэнхэр;

-ныдэлъфыбзэм ш1улъэгъу фыря1эу п1угъэнхэр;

Урокыр зыфэдэр - темак1эр зыщызэрагъаш1эрэ урок.

Нэрылъэгъу 1эпы1эгъухэр: ноутбукыр, интерактивнэ панель, стикерхэр, тхылъхэр.

Урокым изэхэщэн.

Одыджыныр къытеуагъ.

Тиурокыр етэгъажьэ.

Шъушъхьэхэр зэфэжъугъази

Сэлам фабэ зэшъух.

Шъуимафэ ш1у, к1алэхэр! Зэк1эми шъу1ыстыжьых!

Лъэшэу сигуапэу урокыр есэгъажьэ. Зэк1эми чанэу, губзыгъэу урокым шъукъыхэлэжьэнэу сыкъышъущэгугъ.

К1элэегъаджэр:

Непэ тиурокыр мы хырыхыхьэмк1э едгъэжьэщт, ык1и хырыхыхьэм иджэуап урокым итемэ къыдгуригъэ1ощт.

Зэк1эми ц1э я1:

Псэушъхьэми, пкъыгъоми.

Тыдэк1и псэуалъэр хъои,

Ц1э зимы1э щы1эп.

Ахэр ташъхьагъ итых,

Тэлъэгъух, къэтэштэх.

Гущы1эк1э къэ1уагъэ.

Мы дунаим ар щыпсэу,

Пкъыгъомэ ц1э ареты.

К1элэегъаджэр: Хэт къыш1агъ, сыда тызтегущы1эрэр?

(Шъыпкъэ, пкъыгъуац1эр ары)

2. Исследовательскэ 1офш1эн. «Гущы1э лиер къыхэжъугъэщ»

( карточкэхэм 1оф даш1э)

1. К1алэ, сэ, тхылъхэр, фыжьы, бзыу, матхэ, тыгъэ, фабэ, нэнэжъ.

2. Тфы, к1элэегъадж, ахэм, унэхэр, еджэ, Мурат, ящэнэрэ, тыгъужъ, къепсы.

Мы къэтыгъэ гущы1эхэм гущы1э лиеу хэтыр къыхэжъугъэщ, бзэ лъэпсэ гущы1эхэу зыщыщхэр къэжъугъэнаф.

К1элэегъаджэр :

- Сыдэущтэу жъугощыгъэха гущы1эхэр?

- Сыд фэдэ гущы1эхэр ара нахь псынк1эу жъугъэнэфагъэхэр?

- Сыд фэдэ гущы1эхэр ара нахьыбэ хъухэрэр?

- Пкъыгъуац1эхэу къыхэжъугъэщыгъэхэр сыдэущтэу зэтек1хэра? К1элэегъаджэр :

-Адэ хэт къыти1ощт , сыд фэдэ темэ непэ урокым щызэдгъэш1эщтыр?

(Пкъыгъуац1э зыфа1орэр)

2. Урокым итем , имурад. (слайд 2)

К1элэегъаджэр: Ублэп1э классхэм пкъыгъуац1э зыфа1орэр щызэжъугъэш1агъэх. Джы непэ урокым тыгу къэдгъэк1ыжьыщт пкъыгъуац1э зыфа1орэр, пкъыгъуац1эм мэхьанэу ык1и лъэпсэ нэшанэу и1эхэр зэдгъэш1эщт.

К1элэегъаджэр:

- Сыда пкъыгъуац1эк1э заджэхэрэр ?

(Пкъыгъуац1эр бзэ гущы1эу пкъыгъор къызэрык1рэр ары)

К1элэегъаджэр:

Аферымых, к1алэхэр! Тетрадьхэр къызэготэхы, непэрэ числор, темэр тэтхы.

3. Темак1эм икъэ1отэн.

1.Доскэм тетхагъ.

рисунок школы Сыд мыр? Еджап1э

рисунок еджак1о Хэт мыр? К1элэеджак1о

Рисунок медведя Сыд мыр? Мышъэ

1.Бзэ гущы1эм щыщэу пкъыгъо къызэрык1рэм пкъыгъуац1э ра1о.

2. Пкъыгъуац1эр хэт мыр? (к1алэ, тэтэжъ) сыд мыр ? (унэ, джанэ)зыфи1орэ упч1эхэм яджэуап.

3.Пкъыгъуац1эхэр пкъыгъоц1э унаехэу ык1и къызэрык1охэу мэхъух, ц1ыфыр ык1и нэмык1хэр къызэрык1хэу мэхъух.

Ц1ыфмэ ац1эхэр, лъэкъуац1эхэр, къалэмэ, къуаджэмэ, къушъхьэмэ, псыхъомэ ац1эхэр пкъыгъоц1э унаех.

Гущы1эм пае: Мирэ, Фэдз, Мыекъуапэ ык1и нэмык1хэр

5. Пкъыгъуац1эхэр гущы1эухыгъэм подлежащэхэу, дополнениехэу ык1и обстоятельствэхэу къыхэфэх

Мурат тхылъым еджэ.

1. Учебникым 1оф даш1эныр

А).1офш1эн № 96 жэры1ок1э зэхафы. Шъукъедж. Пкъыгъуац1эхэр къыхэжъугъэщых.

1. Мэз гъэхъунэм к1алэхэм цумпэ щаугъои.

2. Пцэжъыяшэм джае къыубытыгъ.

3. Жьыбгъэм пк1эшъэ гъожьыр ыпхъотагъ.

4. 1ахъогъум къуаджэм фиузэнк1ыжьыгъ.

5. Псыхъор рэхьатэу мачъэ.

Б)1офш1эн № 97 зэхафы , атхы. Хэтын фае буквэхэр хэжъугъэуцожьзэ тешъутхык1.

У_шъор псынк1эу къэуш1унк1ыщтыгъ. Жъуагъохэр ошъопщэ ш1уц1_м ахэк1уад_щтыгъэх. Ое ошъуапщ_хэр къыт_хьэх.

Жьыбгъ_р къ_лъыгъ. Тыдэк1и чъ_гхэр зэлъысыс_гъэх. Ощх_ым къы_ит1упщыгъ.

4. Творческэ 1офш1эн. Мы текстыр урысыбзэк1э къызэрадзэк1ыжьы.

Бжыхьэ.

Бжыхьэр къэсыгъ. Мафэхэр нахь къэучъы1этагъэх. Апэрэ бжыхьэ ощхыр къещхыгъ. Жьыбгъэ чъы1эр къепщэ. Чъыгхэм атхьапэхэр гъожьы хъугъэх. Бзыухэр хэгъэгу фабэм мэбыбыжьых.

1. Джэгук1эу «Ос 1ашк1». Сыд фэдэ уахътэ къэблагъэрэр? (К1ымаф).

-Хэта к1ымафэр зыгу рихьырэр?

Адэ, джы ос 1ашк1э тыджэгущт. Ос 1ашк1эр зым зыр ритыжьзэ къек1ок1ы , 1ашк1эр зынэс к1элэеджак1ом пкъыгъуац1э къе1о.

7. Зэфэхьысыжь.

- Сыд фэдэ темэ непэ урокым щызэдгъэш1агъэр?

Шъуипартэхэм стикерхэр ателъых. Непэ темэу зэдгъэш1агъэр дэгъоу зыгуры1уагъэм мы1эрысэ плъыжь къегъэлъагъо, темэр т1эк1у зыгурымы1уагъэм мы1эрысэ гъожь къегъэлъагъо.

Унэмк1э гъэцэк1эн: пкъыгъуац1ипш1 къатхы.

Оценкэхэр.

Непэ дэгъоу урокым шъукъыхэлэжьагъ, тхьашъуегъэпсэу .

Хъярк1э!

-