Дерс конспекти
Сыныф : 6-В
Кечирильген куню: 05.10.2020с.
Дерс мевзусы. Муррекеп джумле
Дерс макъсатлары: муреккеп джумле акъкъында малюмат бермек; адий джумлени муреккеп джумледен
фаркъламакъ; муреккеп джумлелерни нутукъта догъру къулланмакъ; муреккеп джумлелерде токътав ишаретлерни догъру ишлетмек; ана тилимизге севги ашламакъ.
Марифет УОА(познавательные УУД): себеп араштырув багълары ве мантыкъий фикир юрютювни къурмакъ.
Шахсиет УОА(личностные УУД): окъувгъа меракъ, тилимизге севги ашламакъ, бильги чокърагына якъынлаштырмакъ, иджаткярлыкъ ишине ихтиядж догъурмакъ, талебелерни бильгиге авеслендирмек.
Коммуникатив УОА(коммуникативные УУД): тюрлю нокътайи назарыны къоймакъ ве тенълештирмек, нетиджесини чыкъаргъандже сечим япмакъ.
Регулятив УОА(регулятивные УУД): янъы окъув вазифелерни ве макъсатларыны мустакъиль шекильде къоймакъ.
Окъутув шекиллери(формы обучения):
Окъутув усуллары (методы обучения):
Планлаштырылгъан тасиль нетиджелери(планируемые образовательные результаты):
Огренирлер(научатсяДерс донатмасы(оборудование)6 дерслик, презентация
Эпиграф:
Бильмесенъ озь тилинъни,
Огренмезсинъ илимни.
Терек олып осерсинъ,
Бир шей бильмей олерсинъ.
(Сейтумер Эмин.)
Дерснинъ кетишаты (ход урока)
I.1. Тешкилий къысым(организационный этап)
Оджа:
- Селям алейкум, талебелер.
Талебелер:
-Алейкум селям, оджа!
Оджа:
Кейфенъиз насыл?
Талебелер:
-Пек яхшы.
Оджа:
-Ким бугунь невбетчи?
Талебелер:
-Бугунь Медине невбетчи.
Оджа:
-Бугунь афтанынъ насыл куню?
Талебелер:
-Бугунь Базарэртеси, Октябрьнинъ беши.
Оджа:
-Ким дерсте ёкъ?
Талебе:
-Кадыров Эдем, Гафарова Эмине.
Оджа:
-Бугунь дерсте чокъ чалышаджакъмыз. Азырмысынъыз?
Талебелер:
-Эльбетте,оджа, чалышмагъа азырмыз.
2.Бильгилерини актив акъылларына кетирюв (актуализация знаний)
II.Эв вазифесини тешкерюв
Оджа: бугунь дерсимзнинъ мевзусы «Муррекеп джумле».Амма бу мевзугъа кечмеден эвель, кечкен мевзуны къатырлайыкъ. Талебелер, кечкен дерс биз насыл мевзуны кечтик ве не акъкъында лаф эттик?
Талебелер:
-Кечкен дерс биз кочюрильме ве къыя лаф акъкъында лаф эттик.
Оджа:
-Яхшы, о заман невбетекки суаль. Неге биз кочюрильме лаф деймиз?
Талебелер:
- Бир де бир шахыснынъ фикрини, мундеридже ве шеклини денъиштирмезден, ифаделеген джумлеге кочюрильме лаф дейлер.
Оджа:
- Яхшы. Бир къач мисаль кетиринъиз.
Оджа:
- Пеки неге къыя лаф дерлер?
Талебе:
- Бир де бир шахыснынъ фикрини, шекильдже денъиштирип, ифаделеген джумлеге къыя лаф дейлер.
Оджа:
-Кочюрильме лаф къач къысымдан ибарет ола?
Талебе:
- кочюрильме лаф эки къысымдан ибарет: Бир къысмы кочюрильме лаф, дигери исе муэллифнинъ сёлери. Оларны айырмакъ ичюн токътав ишаретлери къулланыла.
Оджа:
-Шимде исе мешгъулиетни тешкирейик.
III.Янъы мевзуны анълатув.
1.Проблем суали (проблемный вопрос)
Бугунь дерсимизнинъ мевзусы «Муррекеп джумле», келинъиз хатырлайыкъ биз неге джуле деймиз?
Джумле эр бир тильнинъ къанунлары эсасында грамматика джеэттен шекилленген ве там фикир ифаделеген нутукъ парчасыдыр. Джумле бир сёз я да сёзлер бирлешмеси нетиджесинде япылыр.
Буны билинъиз:
Джумлелер адий ве муреккеп ола.
Бир муптедасы ве бир хабери олгъан джумлеге адий джумле дейлер.
Джумлелернинъ теркибинде эки я экиден зияде адий джумле олса – бу муреккеп джумле.
Адий джумлелер муреккеп джумледе интонация ве багълайыджылар ярдымынен багъланып келирлер.
Языда муреккеп джумле теркибиндеки адий джумлелер бири биринден виргульнен айырылалар.
Эки ве экиден зияде адий джумлелерден ибарет олгъан джумлеге муреккеп джумле дейлер.
Адий джумледе тек бир грамматик негиз бар, муррекеп джумледе исе бир къач( учь) грамматик негиз ола биле.
Меселя:
Кунь батты.
Денъизде рузгяр котерильди.
Кузь мевсими кельди.
Лугъат иши
Негиз- корень
Муррекеп- сложный
Адий- простой
Фикир- мысль
Нутукъ- речь
IV. Алгъан бильгилерини пекитюв.
Шимди, талебелер, бир къач мешгъулиет япайыкъ ве бильгилеримизи пекитийик.
45-нджи иш(20с.)
Берильген метинни окъунъыз. Муреккеп джумлелерни сечинъиз( агъзавий).
Аметханнынъ кельгени акъкъындаки хабер тез даркъады, бири-бири артындан тувгъанлар, достлар келип башладылар. Акъшам шень ве шаматалы дюгюн олды. Достлар ве тувгъанлар Амет- ханнынъ, онынъ ана-бабасы шерефине чокъ аджайип сёзлер, алгъышлар айттылар. Гузель Алупка узерине сакин ве салкъын акъшам энди. Кок парлакъ йылдызларгъа толып къалды. Муса- фирлер бирер-экишер сагълыкълаша башладылар. Оларны озгъарып чыкъ- къан Аметхан эппи вакъыт азбарда турды. Серин ельчик къаранлыкъта тереклерге барып уруна, оларнынъ япракъларыны шувулдата, денъиз беттен ёсун къокъусыны алып келе.
(Э. Арифов)
48-нджи иш(21с.)
Метинни окъунъыз ве дефтерге язынъыз. Джумлелернинъ чешитлерини бельгиленъиз.
Олар Джума Джамиге барып еткенде, балабан софанынъ ичи чешит би- чимдеки галошлар ве этиклернен, чий ве къатранлы чарыкъларнен, чабла ве налынларнен толу эди. Диварлары бинъ тюрлю орьнеклер ве леваларнен безетильген джамининъ ичинде адам чокълугъындан ине ташламагъа ер ёкъ эди. Ичери келип кирген адам янъы къады дегиль де, ешиль къаваукълы Се- ит-Джелиль эфенди эди.
(Ю. Болат)
V. Нетидже чыкъарув (подведение итогов).
Рефлексия.
Оджа:
-Машалла, балалар!Бугунь дерсте пек яхшы чалыштынъыз ве озь бильгилеринъизни пекитмек ичюн бир къач суальге джевап беринъиз.
Оджа:
-Балалар, биз бугунь нелер акъкъында лаф эттик?
Талебе:
-Биз бугунь муррекеп джумле акъкъында лаф эттик.
Оджа:
-Неге биз муррекеп джумле деймиз?
Талебе:
- Джумлелернинъ теркибинде эки я экиден зияде адий джумле олса – бу муреккеп джумле.
Оджа:
-Адий джумлелер озь аралары насыл багъланалар?
Талебе:
- Адий джумлелер муреккеп джумледе интонация ве багълайыджылар ярдымынен багъланып келирлер.
Оджа:
-Муррекеп джумледе къач грамматик негиз ола биле?
Талебе:
-Эки ве экиден зияде.
VI. Эвге вазифе
-Шимди, талебелер. Дефтерлеринъизни ачып, эв ишини язынъыз. Эвге сизлерге бойле вызифелер оладжакъ:
1.Бутюн къайделерини эзберлемек.
2. 47-нджи ишни беджермек
3.Лугъаткъа язылгъан сёзлерни эзберлемек.
- Айтынъыз, балалар, биз дерсимизде насыл чалыштыкъ? Менимдже эпиниз пек тырыштынъыз ве баа къазандынъыз. Эр кезге бугунь беш къоям, чюнки дерсте пек гузель чалыштынъыз, меним суаллерге джевап бердинъиз ве бутюн вазифелерни беджердинъиз.Бунунен дерсимизни битиремиз. Сагълыкънен къалынъыз!!!
420
99 189 
