Поэту А.Джачаеву

Гюн яхшы болсун, аявлу яшлар, къонакълар, муаллимлер!

Хошгелдигиз, Агьмат Муталимович!

Сиз бизин якъларда алда да болгъансыз. Сизден биз эпсиз сююнебиз. Сизин яшыл тавлары, генг майданлары, къылыкълы къартлары, оьктем уланлары, гёзел къызлары булангъы къумукъ халкъгъа тезден белгили Эрпели юртда тувгъаныгъыздан оьктем болабыз.

Сизин яратывчулугъузда ата юртгъа, къумукъ Элге, савлай Дагъыстангъа бакъгъан таза сюювюгюз нечакъы алгъан сайын, нечакъы ичген сайын битмейген, зем-зем сувдай салкъын, гюнесувдай таза.

А.Муталимович, сиз шаир гьисапда да, ватандаш гьисапда да инсанланы арасында яшайгъаныгъыз унутмайбыз. Къуш табунну арасында къуш йимик бизин арабызда , яшавну айланасында экенигиз унутмай, даим жыйнакъ, даим уяв боласыз.(болагъанны билебиз)

Яшав – денгиз ,токътап болмай толкъундай,

Аз болса да, мен толкъунгъа ошайман.

Толкъунланы арасында толкъундай,

Адамлар, мен арагъызда яшайман.

Буу сатырларда тюзлюк булан гертиликни якъларман, халкъгъа къуллукъ этме гьазирмен деп айтма сюегенигизни де англайбыз.

Сизин яратывчулугъузда дертлюклер, сегизликлер, сонетлер кеп ёлугъа. Айрокъда, сонетлеригиз къумукъ адабиятда янгылыкъ болуп токътай, анадаш поэзиябызны дазуларын шайлы генглешдире.

Яхшы къылыкъланы гьаман оьр этдинг,

Азманланы тюрлю ойларын ер этдинг.

Элингни сюйдюнг, гьаман сыйладынг,

Къылыкъсыз – арт бергенлерден болмадынг.

Азиз халкъынг шат болгъада шат болдунг,

Къумукъ элинг къыйналгъанда къыйналдынг.

Рагьмулукъгъа, оьзденликге чакъырдынг,

Асил атны тюгюл эсе алмадынг.

Язгъанларынг юреклеге ругь бере,

Китапларынг охумайлы къоймайбыз.

Шаирибиз, Агьмат Муталимович,

Гьакъ юрекден сизге савлукъ ёрайбыз!