Послелог (Нимбер)

Тема: Нимбер (Послелог)

Класс: 3

Оборудование: интерактивной доска яке суред, учебной пособие.

Мугъёсыз: нимберъёсын тодматоно, соосты ужъёс вылын кутыны тыршоно.

Регулятивной УДД: Огъяны быгатоно уроклэсь мугъёссэ но ужпумъёссэ темая: опорной, ключевой, юан кылъёсын;

- быгато эскерем темаез морфология разделэз тодыны но сое уже кутыны.

Познавательной УДД: быгато басьтэм тодон – валанзэс кутыны дышетисьлэн пуктэм ужпумезъя;

- быгато лэсьтыны вывод (огъян).

Коммуникативной УДД: юанъёслы ответ сётъяны; асьсэ малпанзэс вераны, дышетисен чош вераськыны, ог-огзылы юрттыса ужаны.

Личностной УДД: асьсэлэсь малпанзэс уроклэн темаезъя вераны, асьсэлэсь ужзэс дунъяны.

Уроклэн кутсконэз.

Садэ пото нылпиос,

Емышсэ окто соос.

Емышез окто, дырто,

Ужамзылы шумпото.

Малпасько, асьмеос но туннэ урокамы ужаммылы шумпотоме, солэсь зеч емышсэ гинэ октоме!

Суред басьтэмын интернетысь (Яндекс.Картинки›картины художников для детей)

Учебной пособиен ужан:

Предложениос кылдытъяно нимберъёсты кутыса, соосты пусъёно существительноен чош.

Курег кук йылын корка сылэ. Корка пушкын Яг песяй пуке. Корка вылын муръё. Муръё

--------------- ------------------- ----------------- --------

пушкысь чын потэ. Корка возын кион вузэ. Кочыш возь вылын пуке. Корка выжые

----------- ---------------- -------------- -----------------

куткулон губиос потиллям. Корка вылиети зазегъёс лобо. Кочыш корка азьын кылле.

-------------------- ---------------

Инбам вылын толэзь пиштэ.

-------------------

Табере, нырысь предложениосты нимберъёстэк гожтоме, собере нимберъёсын.

1. Коркан Яг песяй пуке. – Корка пушкын Яг песяй пуке.

2. Коркан сьод кочыш кылле. – Корка азьын сьод кочыш кылле.

3. Корка пурысь кион ватскем. – Корка сьоры пурысь кион ватскем.

Нимберъёс сярысь валан сётон (Нимбер – юрттись вераськон люкет, предложенын нимберъёс существительнойёс бере пуксё но соосты мукет кылъёсын герзало.)

Вералэ, пиналъёс, кызьы гожтисько нимберъёс макенимъёсын?

Физкультминутка.

Жогверанъёс вераны дышетском, послелогъёссэ висъялом. (нылпиос коня ке пол лыдзо, собере жогвераны тыршо предложениосты, висъяло нимберъёсты)

1. Куак пушкы куака питраз.

Куакын куакапи тыраз.

1. Шунды шорын шушы шу-шу! шула.

Урок пумын пичи гинэ тест быдэстозы.

1.Нимбер – со…

а) юрттись вераськон люкет

б) самостоятельной вераськон люкет.

2. Нимбер макенимен кутиське но гожтиське..

а) чошен

б) нимаз

3. Нимбер кутиськыны быгатэ

а) нимвоштосэн

б) глаголэн

4. Та предложениын нимберез вань:

а) Душес инмын лоба.

б) Кыз йылэ юнме пуны уз уты.

Уроклы вывод лэсьтон.

Рефлексия (смайликъёс сётэмын луозы куинь портэм, пиналъёс озьы дунъялозы урокын ужамзэс, темаез валамзэс)