Президентская елка РС (Я) брошура

Олоҕум умнуллубат бэлэҕэ -

Президент ёлката

2017 сыл

Чэриктэй нэьилиэгэ

Саха Республикатын президеннэрэ

Михаил Ефимович Николаев

1991-2001 сылларга

СР Президенинэн үлэлээбитэ

Вячеслав Анатольевич Штыров 2002-2010 сылларга

СР Президенинэн үлэлээбитэ

Егор Афанасьевич Борисов

2010 сылтан

СР Ил Дархана

Биһиги оскуолабытыттан уопсайа 18 оҕо сылдьыбыт:

• 1998 – 1999 үөрэх дьылыгар Горохов Виктор Афанасьевич
• 1999 – 2000 үөрэх дьылыгар Саввина Алена Алексеевна
• 2000 – 2001 үөрэх дьылыгар Свешникова Уйгулаана Николаевна
• 2001 – 2002 үөрэх дьылыгар Бочкарев Владимир Михайлович
• 2002 -2003 үөрэх дьылыгар Бурнашева Инна Анатольевна
• 2004 – 2005 үөрэх дьылыгар Ушницкий Дмитрий Иванович
• 2005 – 2006 үөрэх дьылыгар Шергина Мария Васильевна
• 2006-2007 үөрэх дьылыгар Горохова Елена Семеновна
• 2007-2008 үөрэх дьылгар Босиков Владимир Алексеевич
• 2008-2009 үөрэх дьылгар Ушницкий Семен Семенович
• 2009-2010 үөрэх дьылыгар Ушницкий Айсен Васильевич
• 2010-2011 үөрэх дьылыгар Бурнашева Ньургуйаана Анатальевна
• 2011-2012 үөрэх дьылыгар Ушницкий Александр Васильевич
• 2012-2013 үөрэх дьылыгар Созонов Аркадий Дмитриевич
• 2013-2014 үөрэх дьылыгар Лукачевская Евдокия Федосеевна
• 2014-2015 үөрэх дьылыгар Новгородов Дьулуур Владимирович
• 2015-2016 үөрэх дьылыгар Сивцев Федосий Федосеевич
• 2016-2017 үөрэх дьылыгар Горохова Дария Николаевна

Мин, Горохов Виктор Афанасьевич Чэриктэй орто оскуолатыгар 1989-1999 сылларга үөрэммитим. Бу уон сыл устата мин дириҥ билиини ылан, үөрэхпэр туйгуннук үөрэнэн, оскуоланы бүтэрэн, Дьокуускайдааҕы медицина колледжигар киирбитим. 2000 сыллаахха фельдшер идэтин ыламмын, 2004 сыллаахха куораттааҕы “Суһал көмө станциятыгар” үлэлиибин.

Оскуолаҕа үөрэнэр кэмнэрбэр элбэх тэрээһиннэргэ, конкурустарга уонна улуустааҕы олимпиадаларга, спортивнай күрэхтэһиилэргэ кыттыбытым.

1999 сылтан аан бастаан президентскэй елка диэн баар буолбута. Онно мин барар чиэскэ тиксибитим. Дьокуускай куоракка элбэх интэриэһинэй тэрээһиннэргэ сылдьыбыппыт. Опера уонна балет театрыгар “Щелкунчик” диэн балекка, “Кыайыы 50 сыла” спортивный комплекска экскурциялаабыппыт уонна “Самородок” бассейҥа сөтүөлээбиппит. Саха циркатыгар кэнсиэргэ сылдьан бастакы Президеммытын Михаил Ефимович Николаевы кытта хаартыскаҕа түспүппүт. Барыбытыгар өйдөбүнньүк фотоаппарат бэлэхтээбиттэрэ. Бу оскуолаҕа үөрэммит үчүгэй кэмнэрим буолаллар.

Горохов В.А. 1999 сыл выпуснига

1998-1999 үөрэх дьылыгар Горохов Виктор Афанасьевич

2000 сыллаахха президент ёлкатыгар барар чиэскэ түбэһэммин мин саҕа дьоллоох киһи суоҕа.

Тохсунньу 3-4 күннэригэр оҕолор мустуулара буолбута, пединститут уопсайыгар түспүппүт. Хоспутугар ҥ кыыс буолан олорбуппут. Тохсунньу 4 күнүттэн 10 күнүгэр диэри биһигини араас сирдэринэн сырытыннарбыттара, ол курдук араас музейдарынан, нуучча театрыгар, театр оперы и балета, ледовай дрорецка “Эллэй Боотур”, Самородокка, ЯГУ-га, №31 оскуолаҕа уо.д.а.

Тохсунньу 7 күнүгэр Дворец детсва Ёлка буолбута. Манна оҕолору эҕэрдэлээһин, кэнсиэр уонна уопсай хаартыскаҕа түһүү буолбута. Сахабыт сирин президена оччолорго Михаил Ефимович Николаев этэ. Манна кэлэр чиэскэ түбэспит оҕолорго персональнай компьютер бэлэхтээбитэ, биһиги үөрүү бөҕөтө буолбуппут.

Бу сылдьыбыт кэмнэрбитигэр араас элбэх атын улуус оҕолорун кытта билсэн, үөрэн-көтөн, оонньоон-көрүлээн олус үчүгэйдик сылдьыбыппыт.

Президент ёлкатыгар барарбар өйөөбүт оскуолабар, учууталларбар махталбын тиэрдэбин.

Саввина А.А. 2001 сыл выпуснига

1999-2000 үөрэх дьылыгар Саввина Алена Алексеевна

Мин, 1990 сыллаахха Чэриктэй орто оскуолатыгар маҥнайгы кылааска үөрэнэ киирбитим. Оскуолаҕа үчүгэйдик үөрэнэн уон биирис кылааска, 2001 сыллаахха Президент харыйатыгар барарга тиксибитим. Уус – Алдан улууһугар буолар олимпиадаларга, общественнай үлэҕэ көхтөөхтүк кыттарым иһин миигин талан ыыппыттара. Уус – Алдантан 20-чэ оҕо буолан Дьокуускай куоракка автобуһунан киллэрэн «Сосновый бор» профилакторийга түһэрбиттэрэ.

Тохсунньу 3 күнүттэн – 8 күнүгэр диэри араас тэрээһиннэргэ сырытыннарбыттара. Ол курдук кыраайы үөрэтэр Ярославскай аатынан музейы, “Дворец детства” бассейнҥа, 26-с нүөмэрдээх оскуолаҕа баран научнай өттүнэн үлэлиир преподавательлары кытта көрсүбүппүт.

Саамай долгутуулаах күммүт тохсунньу 7 күнүгэр Президент ёлката “Дворец детсва” буолбута. Манна цирка артыыстара театральнай дьүһүйүүнү көрдөрбүттэрэ. Ол кэнниттэн Саха Республикатын бастакы Президенэ Михаил Ефимович Николаев тахсан биһигини эҕэрдэлээбитэ. Бэйэтин сэмэй бэлэҕин персональнай комьютер бэлэхтээбитэ.

Бу ёлкаҕа сылдьан элбэҕи билбитим, көрбүтүм. Оҕолору кытта билсэн билигин даҕаны ол оҕолорбун кытта билсэ олоробут.

Оскуоланы 2001 сыллаахха үчүгэйдик бүтэрэн ЯГСХА – ҕа Юриспруденцияҕа үрдүк үөрэххэ киирэн 5-сыл үөрэнэн бүтэрбитим. Ол идэбинэн куоракка суд приставка биир сыл үлэлээбитим. Чэриктэй нэһилиэгэр 2011 сыллаахха МКУ УСХ через Чэриктэй администрациятыгар тыа хайаайыстыбатын специалыһынан үлэлии олоробун.

Свешникова У.Н. 2001с. Оскуола выпуснига

2000-2001 үөрэх дьылыгар Свешникова Уйгулаана Николаевна

Президенскэй ёлкаҕа тохсунньу 4 күнүгэр Уус-Алдантан

26-27 оҕо курдук буолан барбыппыт. Биһигини Жатайга «Родник» диэн санаторийга түһэрбиттэрэ, онно түөрт улуустан оҕолор бааллара,

Сунтаар, Горнай, Ньурба уонна Уус-Алдан. Этээс аайы улуустарынан араартаабыттара, кун аайы куоракка автобуһунан таһан онно манна сырытыннарбыттара, бассейынҥа «Самородакка», катокка «Ледовай дыбарыаска», музейга уо.д.а. Санаторийбытыгар эмиэ ол бу мероприятия оҥороллоро. Уопасайа 8-9 күн курдук сылдьыбыппыт.

Ёлкабыт 7 чыыһылаҕа буолбута, онно эмиэ представлениялаах кэнсиэр буолбута, бастакы Президент Николаев Михаил Ефимович баара, Вячеслав Штыров эмиэ баара, кини онно саҥа буолаары сылдьар быһылаах этэ. Подарокпытыгар персональнай компьютер биэрбиттэрэ.

Президентскэй ёлкаҕа сылдьыбыппыттан наһаа үөрэбин, ахта саныыбын. Учууталларбар улахан махталбын тиэрдэбин миигин Президентскэй ёлкаҕа ыыппыттарыгар.

Бочкарев В.М. 2002 сыл выпуснига

2001-2002 үөрэх дьылыгар Бочкарев Владимир Михайлович

Мин 2003 сыллаахха В.А. Афанасьев – Алданскай аатынан Чэриктэй орто оскуолатын бүтэрбитим. 11 кылааска үөрэнэ сылдьан Президентскэй ёлкаҕа оскуолаттан талыллан сылдьыбытым. Уус- Алдан улууһун орто оскуолаларыттан биирдии оҕо талылламмыт 30- ча буолан сылдьыбыппыт. Икки салайааччы биһигини арыаллаан сылдьыспыттара . Онтон биирдэстэрэ Өнөр орто оскуола завуһа Ан-чуечи Людмила Николаевна этэ.

Борогонтон автобуһунан Дьокуускайга айаннаабыппыт. Онно оҕолору кытта билсибиппит. Абырал санаторийга түһэрбиттэрэ. Онно киэһээ аайы биэчэрдэр буолаллара. Хас да улуус буолан сыппыппыт. Программа олус киэҥ хабааннаах этэ. Икки күммүтүгэр театр оперы и балета репетицияҕа илдьибиттэрэ. Хаһыс эрээккэ киирэн олорорбутун, тугу гынарбытын, Президент киирэрин, хайдах хаартыскаҕа түһүү буоларын эппиттэрэ.

Музейдарга, театрдарг, бассейнҥа, залга сыльдыбыппыт, “Седьмое небо” рестораҥҥа ужиннаабыппыт.

Театр опера и балета Президентскэй ёлкаҕа Саха Сирин бары оскуолаларын оҕолоро бааллара. Наһаа үчүгэй представления көрбүппүт. Онно Республикабыт Президенэ Вячеслав Анатольевич Штыров эмиэ тэҥҥэ биһигини кытта представления көрбүтэ. Представленияны Саха сирин тымныы оҕонньоро “Чысхаан” саппыта. Биэчэр дискотеканан түмүктэммитэ. Программа бүтүүтүгэр Президент выступайдаабыта. РФ Президенын бириэмийэтин лауреаттарга, дипломаннарга, харчынан бириэмийэ туттартаабыта уонна бары үөрэнээччилэргэ харчынан стипендия биэрбитэ. Стипендиябытынан бэйэбит персональнай компьютер ылыммыппыт. Ёлканы олус сөбүлээбитим, элбэх доҕоттордоммутум. Сорох оҕолору кытта билигин билсэбин. Бу бырааһынньык миэхэ саамай чаҕылкай, умнуллубат түгэн.

Мин үөрэхпин, ситиһиилэрбин сыаналаабыт оскуолам үөрэнээчилэригэр учууталларыгар барҕа махталбын этэбин.

Матвеева И.А., 2003 сыл выпуснига

2002-2003 үөрэх дьылыгар Матеева Инна Анатольевна

Мин, Ушницкий Дмитрий Иванович, 1988 сыл кулун тутар 13 күнүгэр Чэриктэй нэһилиэгэр күн сирин көрбүтүм. 1995 сыллаахха Чэриктэй орто оскуолатыгар маҥнайгы кылааскка Прядезниковка Сардаана Николаевнаҕа үөрэнэ киирбитим.

Оскуолаҕа үөрэнэр сылларбар үөрэхпэр туйгун, бастыҥ спортсмен, активист, оскуола лидера этим. Оскуола араас мероприятияларыгар, күрэхтэһиилэригэр, олимпиадаларыгар ситиһиилээхтик ккыттарым. Ону таһынан улуус таһымнаах күрэхтэргэ, мероприятияларга оскуолам чиэһим элбэхтик көмүскээбитим.

Ол курдук оскуолам туһугар кыһаллыым мээнэҕэ хаалбакка 11 кылааска үөрэнэ сылдьан, Президент ёлкатыгар барар чиэскэ тиксибитим. Борогонтон улуус бары оскуолаларыттан оҕолор мустан автобус мыссыынанан куоракка айаннаабыппыт. Билигин өйдүүрбүнэн “Центральнай” кинотеатрга киинэҕэ, “Эллэй Боотурга” катокка, “Седьмое небо” рестораҥҥа сылдьыбыппыт.

Президент ёлкатыгар миигин талан ыыппыт учууталларбар барыларыгар баҕа махталбын тиэрдэбин.

Ушницкий Д.И., 2005 сыл выпуснига

2004-2005 үөрэх дьылыгар Ушницкий Дмитрий Иванович

2006 сыллаахха тохсунньуга Президентскэй ёлкаҕа 5 күн сылдьыбыппыт. Улуустан 30-тан тахса буолан барбыппыт. Үчүгэй үөрэхтээхтэр, активистар, олимпиада кыайыылаахтара, спортсменнаркэлбиттэр этэ. Биэс күн иһигэр “Дворец детства” саҥа дьыллааҕы представленияны көрбүппүт, “7 небо” рестораҥҥа сылдьыбыппыт, Россия Президенын Владимир Владимирович Путины көрсө 10 оҕо талыллан “Саха театрыгар” көрсө барбыттара уонна “Эллэй Боотурга” хаҥкылаабыппыт. Куоракка интернатка Чурапчы оҕолорун кытта түһэрбиттэрэ. Бүтэһик күммүтүгэр циркаҕа баалга сылдьыбыппыт. СР Президенын Вячеслав Анатольевич Штыровы кытта уонна Үөрэх миниистирин Федосия Габышеваны кытта хаартыскаҕа түспүппүт. Цирковой представления, кэнсиэр көрбүппүт, сэмэй бэлэхтэри оҕолорго туттартаабыттар.

Мин бу сылдьыбыт күннэрим миэхэ олохпор умнуллубат түгэн.

Шергина М.В., 2006 сыл выпуснига

2005-2006 үөрэх дьылыгар Шергина Мария Васильевна

Большая часть человеческого детства и юности проходит в школе. Школа оказывает огромное влияние на становление личности, влияние сравнимое разве что с семейным, родительским. Все мы – родом из школы, здесь закладываются первые кирпичики фундаментальных знаний, в школе формируется уважение к старшим, прививается дисциплинированность, закрепляются моральные ценности.

В 1997 году я впервые переступила порог Чериктейской средней школы. Начиная с первого класса училась на отлично. С тех пор, как я подружилась с буквами, с книгами я неразлучна. Во время учебы в школе я активно участвовала во всевозможных олимпиадах, конференциях. Показывала хорошие результаты. В 2007 году меня обрадовали вестью о том, что я еду на Президентскую елку! Как я радовалась, гордилась собой.

В Якутске нас, приглашенных на елку детей, разместили в общежитии или санатории. Точно, к сожаленью, я не помню. Дети приехали со всех уголков нашей республики. Отличники, победители олимпиад и конференций, победители различных конкурсов. За те несколько дней, которые мы провели вместе, мы успели познакомиться и сдружиться. Поэтому дни пролетели незаметно…. Программа была очень насыщенная. Мы посетили музеи и сокровищницу Республики Саха, побывали в театре , в кафе «Седьмое небо» для нас подготовили праздничный ужин. Самое яркое воспоминание у меня осталось от посещения сокровищницы. И наконец, наступил долгожданный торжественный вечер в Государственном цирке республики Саха. В цирке царила действительно новогодняя атмосфера праздника и радости – блестели гирлянды, мелькали огоньки, сверкала своими огнями красавица елка. Зал цирка был переполнен сотнями счастливых лиц и радостными улыбками ребят. При входе нам всем раздали светящиеся палочки. Президентская елка началась с грандиозного красочного театрально-циркового представления. В представлении принимали участие цирковые звери, акробаты, воздушные гимнасты, клоуны. Самым волнующим было выступление воздушных гимнастов. Весь зал заворожено наблюдал за выполнением ими опаснейших трюков. После завершения праздничной программы нас поздравил президент республики Саха В.А. Штыров. Всем ребятам, приглашенным на Елку были вручены стипендии в размере 20 тысяч рублей.

Президентская елка бесспорно из ярких событий в моей жизни. Оно дало мне толчок к дальнейшему росту. Это замечательный и заслуженный праздник для всех ребят республики. Спасибо всем, кто оценил мои успехи в учебе и в общественной жизни школы! Эта поездка стала для меня настоящей наградой.

2006-2007 үөрэх дьылыгар Горохова Елена Семеновна

Мин, 2008 сылга 10 кылаас этим Президенскэй ёлкаҕа барарбар. Миигин үчүгэй үөрэхтээҕим иһин талан ыыппыттара. Нэдиэлэ курдук сылдьыбыппыт. Уус – Алдантан ньнь буолан барбыппыт. Барыта наһаа үчүгэй этэ. Умнуллубат күннэр дии саныыбын. Онно ыытыллыбыт мероприятиялар сурдээх үчүгэй этилэр ол курдук “Шелкунчик” балетка, “Сокровищница Якутии” сылдьыбыппыт уонна “Самородок” бассейна сөтүөлээбиппит. Саха циркатыгар Президены кытта көрсүһүү буолбута, концерт көрбүппүт уонна Ил Дарханы кытта хаартыскаҕа түспүппүт.

2007-2008 үөрэх дьылыгар Босиков Владимир Алексеевич

Мин, Ушницкий Семен Семенович Чэриктэй орто оскуолатын 1998-2009 с.с. үөрэммитим. Бу 11 сыл устата мин үөрэхпэр үчүгэй сыаналарга үөрэнэрим. Оскуолаҕа үөрэнэр кэмнэрбэр сүрдээх элбэх тэрээһиннэргэ, ол курдук оскуола иһинээҕи мероприятияларга, спортивнай күрэхтэргэ, улуснай олимпиадаларга уонна республикаҕа мини футбол күрэҕэр икки сыл устата кыттыыны ылбытым.

2009 сыллаахха 11 кылааска үөрэнэ сылдьан Саха Республикатын Президенын ёлкатыгар барар чиэскэ тиксибиппэр олус диэн үөрбутум. Уус Алдантан барыта 32 оҕо буолан барбыппыт. Улуус саамай активнай позициялаах, үөрэхтэригэр үчүгэй оҕолорун кытта сылдьар олус да үчүгэй эбит диэн түмүккэ кэлбитим. Дьокуускай куоракка «Абырал» диэн санаторийга 5 улуус буолан тохсунньу 3-7 күннэригэр диэри туспуппут, ол курдук Уус- Алдан, Мэҥэ-Ханалас, Хаҥалас, Эбээн-Бытантай уонна Миирнэй. Хас киэһээ ахсын санаторий иһигэр араас оонньуулар, биэчэрдэр буолааччылар. Манна оҕо бөҕөтүн кытта билсэн кэнники абитуриенныырбар уонна студенныыр кэмнэрбэр туһалаах буолбута.

Тохсунньу 7 күнүгэр Саха циркатыгар Республикабыт Президенэ

В.А. Штыров ёлкатын биэчэрэ буолбута. Бу биэчэргэ бастаан саҥа дьыллааҕы остуоруйа испиктээкил көрбуппүт. Испиктээкил бүппүтүн кэннэ Президеммытын кытта уопсай хаартыскаҕа түспүппүт. Ол кэннэ салют ытыытын көрөн баран дискотекалаабыппыт.

Мин олохпор бу Саха Республикатын Президенын ёлкатыгар сылдьыбытым саамай кэрэ бэлиэ тугэн буолар. Манна барбыппар көмө буолбут дьонно махтаныам этэ чуолаан Чэриктэй орто оскуолатын үлэһиттэригэр уонна директорыгар Ушницкая Варвара Васильевнаҕа.

Ушницкий С.С., 2009 сыл выпуснига

2008-2009 үөрэх сылыгар Ушницкий Семен Семенович

Чэриктэй орто оскуолатын 2010-2011 үөрэх сылыгар, оскуола оҕолоро миэхэ куоластааннар Президенскэй елкаҕа барар чиэскэ тиксибитим. Уус – Алдантан 27 оҕо буолан барбыппыт. “Хоту” диэн санаторийга киллэрбиттэрэ. Бу санаторийга олус элбэх улуус оҕолоро бааллара Аллайыахы, Өлөөн, Усть – Яна, Эбээн Батантайтан уо.д.а.бастакы күммүтүгэр Ярославскай музейга сырытыннарбыттара. Иккис күммүтүгэр “Эллэй Боотурга” баран хаҥкылаабыппыт. Үһүс күммүтүгэр “Седьмое небо” рестораҥҥа баран кэлбиппит. Төрдүс күммүтүгэр циркаҕа репетицияҕа илдьибиттэрэ. Хаһыс эрээккэ киирэн олорорбутун, тугу гынарбытын, Президент киирэрин, хайдах хаартыскаҕа түһүү буоларын эппиттэрэ.

Бэһис күммүтүгэр улахан бырааһынньыкпыт тиийэн кэлбитэ. Мероприятия тематическэй буолбута. Оҕо барыта маҥан мантия кэтэн кэлиэхтээх диэн этэ. Циркаҕа киирбиппитигэр Президенскэй елка кыттыылаахтарыгар тыкта сылдьар палочка туттарбыттара. Мероприятия үчүгэйдик ааспыта номер бөҕөтүн туруорбуттара. Саамай кэтэһэр түгэммит харчы дуу ноутбук дуу диэн ыарахан борппуруос турбута. Бүтэһигэр Уус-Алданнар бары харчы ылбыт этибит. Бу Президенскэй ёлкаҕа наһаа үчүгэй умнуллубат санаалары хаалларда, элбэх киһини кытта билсэн – көрсөн, күлэн-үөрэн Президенскэй ёлка олус түргэнник ааспыта.

2009-2010 үөрэх дьылыгар Ушницкий Айсен Васильевич

Оскуолаҕа үөрэммит кэмнэрим үчүгэй да этилэр. Чэриктэй орто оскуолатыгар 1998 сыллаахха маҥнайгы кылааска үктэммитим. 2011 сыллаахха туйгуннук үөрэхпин бүтэрэн билигин СВФУ Медицинскай институт Фармация салаатыгар 5 курска үөрэнэ сылдьабын. Оскуолаҕа буолар тэрээһиннэри көтүппэккэ кыттааччыбын. Оскуолабын бүтэрэр сылбар Президент елкатыгар ыыппыттара. Хоту профилакторийга алта кыыс уонна салайааччыбыт буолан олорбуппут. Күн аайы музейдарга сылдьыбыппыт. “Хоту” профилакторийга киэһээ куонкурустар, мероприятиялар, дискотека буолааччы. Хаҥкыга, киинэҕэ сылдьыбыппыт. Саамай сөбүлээн сылдьыбыт музейым “Царство вечной мерзлоты”. Элбэх дьүөгэлэммитим, табаарыстаммытым.

Бүтэһик күммүтүгэр Президент баалыгар сылдьыбыппыт. Ахта саныырга наһаа да үчүгэй кэмнэр ааспыттара.

Бурнашева Нь.А., 2010 сыл выпуснига

2010-2011 үөрэх дьылыгар Бурнашева Ньургуйаана Анатольевна

Мин, УшницкийАлександр Васильевич Чэриктэйорто оскуолатыгар 2003-2014 с.с. уэрэммитим. Бу 11 сыл устата мин үөрэхпэр учугэй сыаналарга үөрэммитим. Оскуолаҕа үөрэнэр кэмнэрбэр сүрдээх элбэх тэрээһиннэргэ, ол курдук оскуола иһинээҕи мероприятияларга, спортивнай курэхтэргэ, улуустааҕы олимпиадаларга, республиктааҕы, дальняйвосток уонна всероссийскай футбол курэхтэригэр кыттыыны ылбытым.

2011 сыллаахха 9 кылааска үөрэнэ сылдьан Саха республикатын Ил Дарханы елкатыгар барар чиэскэ тиксибиппэр олус диэн үөрбүтүм. Сосновый бор санаторийга киирбиппит. Чурапчы улууһун оҕолорун кытта олорбуппут. Онно ыытыллыбыт мероприятиялар сурдээх үчүгэй этилэр ол курдук “Шелкунчик” балетка, “Сокровищница Якутии” сылдьыбыппыт уонна “Самородок” бассейна сөтүөлээбиппит. Саха циркатыгар Ил Дарханы кытта көрсүһүү буолбута, концерт көрбүппүт уонна Ил Дарханы кытта хаартыскаҕа түспүппүт.

Бу президент елкатыгар сылдьыбыт кэмим олохпор биир үчүгэй түгэнэ буолар

Ушницкий А.В. 2012 сыл выпуснига

2011-2012 үөрэх дьылыгар Ушницкий Александр Васильевич

Школьные годы. Самые незабываемые и чудесные годы нашей жизни, из них мне очень хорошо запомнились моменты, которые я всегда вспоминаю с улыбкой, это тот момент, когда мне выпала честь посетить новогоднюю Президентскую Ёлку в 2012 году, где собрались лучшие из лучших школьников всей нашей большой, богатой республики. Я помню, как все начиналось и как волновался в первые дни, и сейчас не капли не жалею о том, что попал туда, но за это я до глубины души благодарен своим педагогам и директору нашей любимой школы. Ведь для ребенка (школьника) эта огромный багаж, большой опыт и вдохновение, который пригодится в его жизни. Благодаря Президентской Ёлки у меня появилась много талантливых и хороших друзей, и конечно же мой кругозор стал намного шире. Спасибо за незабываемые, чудесные моменты.

Созонов А.Д., 2013 сыл выпуснига

2012-2013 үөрэх дьылыгар Созонов Аркадий Дмитриевич

Оҕо сааһым биир умнуллубат бэлиэ түгэнинэн үтүө үгэс буолбут Ил Дархан Харыйатыгар сылдьыбыт күннэрим буолаллар. Бу чиэскэ онус кылааска үөрэнэ, 2012 с., сылдьан туйгун үөрэҕим иһин тиксибитим. Уус Алдан улууһун общественнай үлэҕэ көхтөөх, туйгун үөрэхтээх, олимпиадалар, научнай- чинчийэр конференциялар, спортивнай күрэхтэһиилэр кыайыылаахтарын мунньан Дьокуускайга куоракка автобуһунан киллэрэн, "Чэбдик" профилакторийга олохтоохбуттара.

Ахсынньы 23 күнүттэн 27 күнүгэр диэри араас көрсүһүүлэргэ, тэрээһиннэргэ сырытыннарбыттара. Ол курдук, Азия оҕолоро норуоттар икки ардыларынааҕы спортивнай ооньууга анаан тутуллубут Дохсун, Триумф спортивнай комплекстарга сылдьыбыппыт. Кыраайы үөрэтэр Ярославскай аатынан музейы сиһилии көрбүппүт. ХИФУ-га физическай уонна естественнай наукалар корпустарыгар (КФЕН) сылдьан преподавателлэри кытта көрсүбүппүт. Уонна саамай долгутуулаах, кэтэһиилээх күммүт - Ил Дарханы харыйата ахсынньы 26 күнүгэр саха циркэтигэр буолбута. Манна цирк артыыстара улахан музыкальнай-театрализованнай дьүһүйүү көрдөрбүттэрэ. Дьэ ол кэнниттэн Ил дархан Егор Афанасьевич Борисов тахсан биһиги эҕэрдэлээбитэ, бэйэтин кэс тылын эппитэ.

27-с чыыһылаҕа биһиги эрэ республикабытыгар баар ирбэт тоҥ музейыгар Царство вечной мерзлоты сылдьан араас муус оҥоһуктары сөҕө-махтайа көрбүппүт. Музейы урукку советскай бириэмэҕэ баар буола сылдьыбыт эт булууһун базатыгар оҥорбуттар эбит. Бу сир анныгар баар музейга саамай тымныы сайыҥҥы кэмҥэ буолар эбит. Онтон кыһыҥҥы кэмҥэ сылыйар, таһырдьа биэс уон кыраадыс тмныы буоллаҕына, манна муҥутаан аҕыс кыраадыс тымныы буолар.

Бу Харыйаҕа сылдьан элбэҕи билбитим, көрбүтүм, билсибит, доҕордоспут оҕолорбун кытта билигин да билсэбит.

Ил Дархан бэлэҕинэн, студент буолан баран, бэйэбэр ноутбук ылынан үөрэхпэр туһана сылдьабын.

Лукачевская Евдокия, оскуола 2014 с. выпуснига

2013-2014 үөрэх дьылыгар Лукачевская Евдокия Федосеевна

Мин 2014 сылга 9 кылаас этим Президенскэй ёлкаҕа барарбар уонна аннараатах эмиэ соҕотох 9 кылаас этим. Бары 10 уонна 11 кылаас этилэр. Президентскэй елкаҕа наһаа үчүгэй этэ, оҕолору кытта билсибитим. Киэһээтин бэйэбит Уус–Алданнар мустаммыт оонньуур этибит. Сороҕор гитаранан оонньуур этилэр ону истээччибит уонна теннистээччибит. Күнүһүн кулэйдэтэллэрэ, автобуһунан сылдьааччыбыт. Ханнык эрэ оскуолаҕа игин сылдьыбыппыт онно оҕолор кэнсиэрдээбиттэрэ. Проекторы көрдөрбүттэрэ. Бүтэһик күммүтүгэр циркаҕа иппиттэрэ онно ынырык элбэх оҕо баар этэ, «12 месяцев» көрдөрбүттэрэ уонна бүтэһигэр бары уопсай хаартыскаҕа түспүппүт Саха сирин Президенын кытта. Ол сырыппыт күннэрим түргэн баҕайытык ааспыттара.

Новгородов Дьулуур

2014-2015 үөрэх дьылыгар Новгородов Дьулуур Владимирович

Мин бу Президенскэй ёлкаҕа 2015 сыллаахха ахсынньы 21-27 дылы сылдьыбыппыт. Уус – Алданнар уопсайа 27 оҕо этибит. Бары бииргэ үчүгэй баҕайытык айаннаар Дьокуускай куораты булбуппут. Бастакы күммүтүгэр билсиһии киэһээтэ буолбута. Нөҥүө күнтэн күн аайы куорат устун күлэйдэтэн тахсыбыттара. Олус интэриэһинэй сирдэргэ сырытыннарбыттара, хаһаан да умнуллубат күннэр өйбөр хаалбыттар. Киэһээ аайы вожатайдар кэлэннэр оонньуу бөҕөтө оонньотоллоро. Долгутуулаах күммүтүгэр дьэ хаартыскаҕа түһүү буолбута уонна дьэ өйдөбүнньүк бэлэхтэри биэрбиттэрэ.

2015-2016 үөрэх дьылыгар Сивцев Федосий Федосеевич

Бу 2016 сылга Президенскэй ёлкаҕа барарга оскуола үрдүнэн оҕолору талааһын буолбута, 9-11 кылааска диэри оҕолортон талбыттар. Ол талааһын түмүгүнэн миигин барарбар талбыттара. Президенскэй ёлкаҕа ахсынньы 24-28 чыыһылаларыгар сылдьыбыппыт. Куоракка Уус-Алдан оҕолорун барыларын “Сосновый борга” түһэрбиттэрэ. Биир хоско түспүт кыргыттарбын кытта билсэммин наһаа үчүгэйдик сылдьыбыппыт. Иккис күммүтүгэр улуустарынан визитка буолбута, онно кыттан үөрбүппүт, атын оҕолор төһө бэлэмнээхтэрин, активнайдарын көрбүппүт уонна билбиппит. Президенскэй ёлкаҕа рестораҥҥа, “Царство вечной мерзиотаҕа”, детскэй движенияҕа, циркаҕа сылдьыбыппыт. Бу күннэр хас биирдии оҕолорго саамай умнуллубат кэрэ күннэрбит буолаллар. Манна биһиги сынньанан, оонньоон, оҕолору кытта билсэн-көрсөн, үөрэ-көтө сылдьан бэйэбит дойдуларбытыгар кэпсээннээх барбыппыт.

Быйыл бу сылга Президенскэй ёлкаҕа барарга оскуола үрдүнэн эмиэ биир саамай активнай, үөрэҕэр үчүгэй, кыһаллар оҕону талыахтара.

Президенскэй ёлка бэлэҕэ миэхэ олохпор олох атын кэрэ дьикти түгэн. Миигин талан ыыппыт учууталларбар ис сүрэхпиттэн улахан махталбын тириэрдэбин.

Горохова Даша ученица 9 класса

2016-2017 үөрэх дьылыгар Горохова Дария Николаевна

Президенскэй ёлка түгэннэриттэн