Презентация по башкирской литературе 3 класс

Абдулхаҡ Игебаев

Йомарт уңыш

Тирә - яҡты байҡарға Төбәгәйнем ҡарашты Көҙ биҙәктәрен күреп Ҡапыл күҙҙәр ҡамашты

Хайран ҡалдырҙы мине Йомарт ерҙең бүләге: Ул һутлы йәшелсәһе, Төрлө емеш-еләге.

Ана,суғылйым йөҙөм Үрелгән үрмә гөлдәй, Тәлгәштәрен бәүелтеп, Елдәргә серен һөйләй.

Алһыуланып-алланып, Балланып бешкән алма, Бына хәҙер тупылдап, Ул төшөр кеүек алға .

Суҡ балан, хозурланып, Көн сыуағына баҡҡан, Һәр бер ботағы һайын Ҡыҙыл муйынсаҡ таҡҡан

Ҡарбуз нәҡ шар шикелле, Тышында-йәшкелт юлаҡ. Эсе ҡып-ҡыҙыл ғына, Тәме татлы бал һымаҡ.

Табаҡ дәүмәле булып, Ергә һырышҡан ҡабаҡ, Итләс итен тәмләһәң, Ашағың килер ҡабат.

Ҡат-ҡат тунға уранып, Йомарланып,ҡауһайып, Ҡарыш буйлы кәбеҫтә Шым ултыра маһайып.

Түп- түңәрәк башына Алтын иләген кейеп, Көнгә һуҙып муйынын, Көнбағыш тора көлөп .

Ҡалын тиреле шалҡан Ултыра ойоп ҡына, Үҙе үҫкән тупраҡтың Йылыһын тойоп ҡына

Ай-һай, уңған баҫыуҙа Татлы тамыр – сөгөлдөр... Йыл да мул уңыш бирә Беҙҙең гүзәл тыуған ер!