Прилагательноялъул разрядал

МКОУ «Дылымский многопрофильный лицей имени Изудина Гаджиева»

Тема:

Прилагательноялъул разрядал

6 класс

Ц1ияб дарс

Х1адурана: Авар мац1алъул ва адабияталъул муг1алим

Мух1амадова Марижат Мух1амадрасуловналъ

Тема: Прилагательноялъул разрядал

Мурадал:1.прилагательноялъул х1акъалъулъ лъай ц1ик1к1инаби; 2.прилагательноялъул разрядазул х1акъалъулъ баян кьей; 3.ц1алдохъабазул калам цебет1езаби.

Алатал:т1огьол бат1и-бат1иял кьеразул т1анхал: алгоритм; интерактивияб доска; таблица.

1.орг.момент.

2.рокъобе х1алт1иялъул хал гьаби.

3.фронталияб ц1ех-рех гьаби:

Прилагательноялъул х1акъалъулъ нилъеда щиб лъалеб?

(Нужеца прилагательноялъул г1аламатазул т1егь бак1аризе ккола)

Предметалъул г1аламат-сипат бихьизабула.

Предложениялда жаниб определениелъун ккун бук1уна.

Жинсалде ва формаялде хисула.

прилагательное

Кинаб(в,й,л)? – суалазе жаваблъун бач1уна.

3 разряд бук1уна: качествияб,гьоркьоб-лъиялъулаб, бет1ергьанлъиялъулаб.

Ахирисеб т1огьол т1амах ккола нилъер жакъасеб дарсил тема:

Прилагательноялъул разрядал

4.

Грамматикияб маргьа:

Ц1акъ ч1ух1араб г1амалалъул прилагательное бук1анила.Гьелда к1удияб ургъел кканила: гьелъул бук1инч1ила жиндирго жинсги, формаги, падежги. Гьанже, киг1ан бокьич1ониги, прилагательноялъ х1укму гьабунила предметияб ц1аралда аск1обеги ун, гьелъухъа гьел грамматикиял г1аламатал заманалъг1аги жиндихъего росизе.Ц1акъ берцин к1алъанила прилагательное предметияб ц1аргун. Гьелъиеги рек1ее г1анила прилагательноялъул гьуинаб калам, ва разилъанила жиндирго г1аламатал прилагательноялъухъеги х1алт1изаризе кьезе.Гьедин яшав гьабун бук1уна прилагательное. Предметияб ц1аргун рекъезе ккани, гьелъухъа жинсгун форма гьарулеб.

5.

Маргьуялда рекъон, предметияб ц1аразулгун жинс ва форма рекъезабун, гьал предметиял ц1аразе рекъарал прилагательноял ургъе:

( ц1алдохъабазда цебе лъела 3 предмет): Расанк1о

Т1агъур

Бак1

I рядалъ хъвала прилагательноял, гьал предметал кинал ругелали (гьазул г1аламат-сипат) бихьизабулел

II рядалъ хъвала прилагательноял, гьал сундул гьарун ругелали бихьизабулел.

III рядалъ хъвала прилагательноял, гьал предметал лъил кколелали бич1ч1инабулел.

-Алгоритмалда рекъон нужерго прилагательноял кинаб разрядалъулали лъазабизе т1алаб гьабила.

6.

Алгоритм рагьила

Прилагательноязул разрядал:

1. Прилагательноялъ бихьизабулеб сипат бат1и-бат1ияб даражаялда х1алт1изабулищ

Гьабула Гьабуларо

-Качествияб 2)Предмет лъил бугониги бук1ин бич1ч1инабулищ?

(ц1акъ,ц1акъго-наречиял раг1аби Гьабула Гьабуларо

х1алт1изаризе бегьула) Бет1ергьанлъиялъул Гьоркьоблъиялъул -(ц1акъго берцинай) (лъил-аб) - материалалдехун(ц1улалаб)

(г1анк1илаб х1инкъи) -бак1алдехун(ралъдалаб)

-заманалдехун(гъоркьсинаб)

7.

Алгоритмалдасан жидерго мисалаздасан ц1езаризе, ц1алдохъабазухъе рикьила таблицаби. Хадуб х1адураб таблица рагьила.

8.

Хъвалсараб маг1наялда х1алт1изаридал, прилаготельноял цо разрядалдаса цогидалде сверизеги бегьула:

меседилаб баргъич- гьоркьоблъиялъул прилаготельное.

меседилаб рак1- качествияб прилагательное.

царалаб г1амал- бет1ергьанлъиялъул прилаготельное.

царалаб хъабарча- гьоркьоблъиялъул прилагательное.

9.Рефлексия.

10.Х1асил; рокъобе х1алт1и:бокьараб предметалъул сипат-сурат рагьизе.