Проба пера - Стихи Дугаровой Саяны

Минии нүхэд

Хүүгэд байһан үедөө

Хани нүхэд болообди.

Хүхюун энэ жэлнүүд соо

Ходо сугтаа ябанабди.

Холын аянда ябахадаашье,

Хариин дайдада байхадаашье,

Хани нүхэдни хододоо

Халуунаар һанахаб зүрхэндөө.

Үнэтэй минии нүхэд

Үетэн – минии бурхад!

Тандаа һайниие хүсэнэб!

Тандаа баярые хүргэнэб!

2015 он.

Нютагаа гамнаарай

Үргэн тала дайдамни,

Үндэр хада ууламни,

Хүүюур, аршаан булагуудни,

Хужар һайхан нютагни!

Тала дайдаараа ябахадам,

Сэсэгхэн намда дуулаа юм:

«Байгаалияа гамнаарай,

Бузарлажа бү ябаарай!»

Хада ууладаа гарахадам,

Һалхин намда шэбэнээ юм:

«Байгаалияа гамнаарай,

Бузарлажа бү ябаарай!»

Булагай аршаан уухадам,

Ой намда хэлээ юм:

«Байгаалияа гамнаарай,

Бузарлажа бү ябаарай!»

Хужар тоонто нютагни,

Хангай баян хизаарни,

Ходол шамайгаа гамнахаб!

Хэтэ мүнхэдэ аршалхаб! 2016 он.