Пржевальский Николай Михаилович

Пржевальский Николай Михаилович

I (31.3.(12.4),1839-ж. Смоленский губерниясы, Кимборов кыштагы, азыркы Смоленский областы, Починков; районунда төрөлгөн -20.10.(1.11),1888-ж. Каракол, Кыргызстанда дүйнөдөн кайткан) - орус географы, Борбордук Азияны изилдөөчү, генерал-майор (1886-жылдан), Петербург ИАнын ардактуу мүчөсү (1878 -жылдан). 1867-1869-жылдары Уссури крайына саякат жасаган. 1870-1885-жылдары Борбордук Азияга төрт жолу экспедиция уюштуруп, ал аймактын рельефин, климатын, дарыяларын, көлдөрүн, өсүмдүктөрүн, жаныбарларын изилдеген. Борбордук Азиядагы негизги кырка тоолордун жайгашуу багытын аныктап, Лобнор көлүн изилдеген жана этнография боюнча маалыматтарды чогулткан. Экспедиция учурларында өтө көп зоологиялык, ботаникалык жана минералдардын коллекциясын чогулткан. Пржевальский орус жана чет мамлекеттик илимий коомдордун көп медалдары менен сыйланган. Орус география коомунун (1880) ж.б. чет мамлекеттик коомдордун ардактуу мүчөсү . Пржевальскийдин урматына Күмүш (1891) жана Алтын (1946) медалдар, ошондой эле сыйлыктар белгиленген. Пржевальскийдин ысмына Кыргызстандагы тоо аталган. Ысык-Көлдүн чыгыш жээгинде жана Санкт-Петербург шаарында анын эстеликтери тургузулган.