Психология в жизни человека

Психология адам өмірінде

Психология — жеке тұлғаның рухани болмысы. Дәлірек айтсақ ішкі жан дүниесі мінез-құлқы, түрлі сезімдері, ниеті, ақыл-ойы, құндылықтары. Қай уақытта болмасын психология адам өмірінде маңызды рөл атқарады. Психологияның пайдасы адамның дүниетанымын қалыптастыруға, адамдармен жақсы қарым-қатынаста болуға көмектеседі. Қазіргі таңда білікті психология мамандары мен өзінің өміріне бейжай қарамайтын, психология іліміне жүгінетіндердің қатары көбейіп келеді. Жеке тұлғаның сана-сезімінің дамуына әсер етіп жүрген жандардың бірі Алмас Ақынды мысал ретінде алсақ: «Кез-келген адамның өз өмірінің ораторы, көшбасшысы, жеңімпазы және бай болып қалыптасуы үшін оған 3 үлкен фактор әсер етеді:

1. Сенімділік. Ішкі блоктардан толығымен айығу

2. Өз бағытын білу. Өзіңіздің тұлғалық моделіңізді анықтау

3. Бойыңыздағы талантты ортада қолдану құралдарды игеру яғни, осы сенімділік арқылы психологиялық тұрғыдан қалыптасамыз», — дейді.

Егер де сіз өміріңіздің жақсы жаққа өзгергенін қаласаңыз ішкі жан дүниеңізден бастағаныңыз жөн және В. Синельниковтың «Возлюби болезнь свою» және К. Бекжігітованың «Ойыңды өзгертіп, өміріңді өзгерт» атты кітаптарын оқуға кеңес беремін. Бұл өзіңіздің ішкі жан дүниеңізбен жұмыс жасау жолында мол септігін тигізеді.

Психологияның әрбір адамның өмірінде алатын орны зор. Шыны керек, қазіргі таңда тікелей адам психологиясына байланысты проблемалар қоғамда көп. Адамдардың бір-бірімен арақатынасы, қандай да бір жағдайлардың орын алуы мен шешілуі, адамзаттың дамуы, және ең бастысы- адамның ішкі тартыстары, сезімдері, ойлары. Біз өзіміз байқамайыз, бірақ біздің әр ойымыз, шешіміміз, күнделікті әдеттеріміздің бәрі-психология. Мысалы, әлемде қанша түрлі адам болса, сонша мінез, сонша көзұарас бар. Сырттай бірдей адам болғанымен,бір нәрсені біреу былай көрсе, екіншісі басқаша көреді. Дәл солай адамдар өмірді де әрқалай қабылдайды. Менің өмірімде психология маңызды рөл атқарады, өйткені мені қоршаған нәрселердің бәрі менің санама әсер ететіні сөзсіз. Психология маған өзімді жақсы зерттеуге көмектеседі, адамдарды түсінуге, адамдармен қалай қарым-қатынас құруға және жақындарыммен қарым-қатынастағы қиындықтарды шешуге мүмкіндік береді , ең бастысы өзімді- өзім түсінуге көмектеседі. Адам тек өзін-өзі жақсы түсінгенде ғана, өмірді және басқа адамдарды түсіне алады.

Ең алдымен мамандық таңдау барысында адам көптеген факторларды қарастыру керек. Біздің кәсіпте, яғни, қызмет көрсету және қонақжайлылық саласында, психологиялық білім өте керек. Себебі, адамдармен тікелей жұмыс жасағаннан кейін, тығыз байланыста болғаннан кейін, сапалы қызмет көрсету үшін басқа жандарды түсіне білуіміз керек.