Р. Гамзатов. "Горянка". Работа над поэмой.

11 ибил класслизиб Дагъиста литературала

«Р. ХIямзатовла

«ДУБУРЛАН РУРСИ»

поэмала чебкад хIянчи»

ибси темаличи дарс дурабуркIнила кьяйда.

ДураберкIибси – Халимбекова З.Б.

Дарсла башри:

М-м: Салам, дурхIни, кайирая. Хъули гибси хъарбаркь барес лерилра бажардидиубраяв? Къиянбухъунси биубу? Агара биалли, дузес дехIдирхьехIе. Суал-жавабла дарс бехIбирхьехIе. Гибси суал аргъили, бархьси жаваб гес къайгъибарая.

1) Жанр хIясибли, сегъуна произведение саби «Дубурлан рурси»?

2) Игитуни? БекI игит?

3) Сен-сен бехIбирхьули поэма, чичи дугьаилзули автор ва се или?

4) Дубурлан хьунул адамла кьяркьси кьисматличила бурути тугъи делчIеная. (бяхI 113)

5) Сен "цундухъуна доскаличир игрек ва зет"?

6) Сели рачарархахъиба Асият? Рурсила хIял чебиахъути тугъи даргая, делчIеная.

7) Чичи аркьули ил кьакьаракIибхIели?

8) Сегъуна дарс кабирхьули В. Васильевнани Асиятлис?

9) Чина аркьули Асият учительницачирад?

10) Чинар ручIули Асият?

11) Чичил тянишриуба рурси шагьарлизир?

12) Сегъуна усалдеш чеасиба ГIусбай? Ил сипатварая.

13) Асиятла кьисмат сегъуна?

14) Ахирлизиб селичила бурули? Баргибу дубурлан рурсили гIямрулизиб сунела мер?

15) Поэмализир дубурлантала гIямрула кIел манзил чедиахъули сари: сегъунти?

16) Чидилти игитуни саби урла гIямрула гIядатунала вакилти, чидилти - сагати?

17) ЖявхIелла дубурлантала гIядатуначи тудяхъили, дудешла аманатличирад черралкIунси рурси, гIядат хIясибли, дудешли карушес гIягIнисири, амма ГIялини ил юртличирад гьарирхъули сари ва унабурхI палдали делгIули сай - гIур дудешла юртличи гьуни агара! Асиятла дудешла ил баркьудили нушазир сегъунти пикруми алкIахъули? /Сагати гIямру аргъни/

18) Поэмала каргьни сегъуна, чум биркIа саби?

19) Тема? /Дубурлан хьунул адамтала бутIацугдеш багьанданси дяви чебаахъни/

20) БекI мягIна (идея)? /Сагасилис гIямрулизиб гьуни агни, ил сархес дяви. Адамти-ургарти бархбасуни хIялалтили диахъес ибси пикри аргъахъни/.

21) Поэмала хьулчи? /Асиятли школа таманбарни./

22) Кульминация? /ХIурматла сукникьянабала гьалар Асият ГIусбайс шери рукьес къаршили каризни/.

23) Ахир? /Асиятли институт таманбарни, шилизи школализи рузес ракIни./

Жавабти-тетрадунази.

Поэма бехIбирхьули саби поэтла рурсиличи дугьабизличибад гьар дус хIеб дакIибхIели, ил МяхIмудла хIябличи вавнала халаличил рашахъес. СенахIенну кIарахъан далайчи МяхIмуд мурталра хьунул адам гIерруцили, илала къиян-жапализирти, жапати, кьяркьти гIямру далтIули далайикIусири.

Асиятла образ - ил лебил дубурлан рурсбала цаси образ саби. Урус учительница Вера Васильевна илдас цIябси дуги шалали уррулхъули сари. Поэмализир чедаахъили сари гьарли - марти кIарахъан нешанала рурсбала гIямру. Автор мурталра поэмала игитуначил сай: вайдешличи кьакьаикIули сай, гIяхIличи разиирули сай. Поэмализиб тIабигIтличил бархбасра леб.

Асият- цIакьси рурси сари, азадти гIямрула "байрахъчи" сари. Урла гIядатуначи къаршили каризес цIакь бургули сари - ил цархIилтасра мисал сари!

Асиятла дудеш ГIялис гIядат / гибси гъайлис марли кални/ бузахъес дигули сай, рурсила баркьудиличи разиагарли сай, амма илис хъулирад аррукьяхъес имкан лугули сай./ Асият акIнила хабарли кепварибси дудешли, пикрихIевхъи, ил халараибхIели ГIусбайс шери редес гъай бедибсири, ГIусбайчи биалли ил сеннира разили хIейри/.

Ахирра дудешла уркIили паргъатдеш баргиб: Асият адабчевси, гьарли-марси дубурлан мурул адамлис - Юсуплис - хъаллариуб; илдала Шагьри бикIуси рурси хала дудеш - нешла талихIли ретаур. Авторра ил секIай разиирахъули сай.

М-м.: ДурхIни, иш дарсличиб нушани машгьурси Расулла ца гьатIи произведение бяркъурли таманбарира. Поэмала бекI игит Асиятличила хIушалара пикри аргъес дигахъира.

Лебу ишхIелла гIямрулизиб дубурланти, чунира рурсби гужли шери бедлугути; цархIил миллатла адамличил гIямру лушниличи кьабулхIебиркути?

Лебу нуша-ургаб "Супайнатхъали"? "ГIусбанхъали"?

Хъарбаркь: 1. ГIяхIбизурси бутIа багьес.

2. Асиятла сипат (образ) хьулчили буцили, иличи хъаряхъили, гIур лябкьуси дарсличи "Гьаннала манзилла дубурлан рурси" ибси темаличи белкIла хIянчи кабухая.