Рәшит Ниғмәти. " Хәйерле юл!"

Дата

Класс

5 б

Фән

Әҙәбиәт

Дәрестең

темаһы

Р. Ниғмәти. Хәйерле юл!

төрө

яңы теманы үҙләштереү

маҡсаты

1. белем биреү

Р. Ниғмәти тураһында мәғлүмәт биреү, “ Хәйерле юл” әҫәре менән танышыу

2. үҫтереүсе

Тасуири уҡыу, һөйләү күнекмәләрен биреү, телмәр ,фекерләү ҡеүәһен үҫтереү,һүҙ байлығын арттырыу

3. тәрбиәүи

Тыуған илгә, туған мәктәпкә, уҡытыусы һөнәренә ихтирам тәрбиәлә, белем алыуға ынтылыш уятыу

Йыһазландырыу

Дәреслек,китаптар, презентация, мультимедия проекторы, экран, ноутбук

Дәрес барышы.

Дәрес этаптары

Уҡытыусы эшмәкәрлеге

Уҡыусы эшмәкәрлеге

Иҫкәрмә

Уҡыу эшмәкәрлегенә мотивация булдырыу

( ойоштороу өлөшө)

Яңы уҡыу йылы менән ҡотлау, изге теләктәр еткереү

Өйгә бирелгән эште тикшереү

Үтелгән тема буйынса эштәр.

Әҙәбиәт, балаларҙың йәйге каникул ваҡытында уҡылған китаптары тураһында әңгәмә ҡороу

Әңгәмә ҡора

Белемдәрҙе актуалләштереү

Минең изге теләктәремә бөгөн Р. Ниғмәти ҙә ҡушыла. Ул да һеҙгә бөгөн хәйерле юл теләй.

• Бындай теләк ҡасан әйтелә?

• Ул нимә аңлата икән?

Һорауҙарға яуаптар

Уҡыу мәсьәләһен

(проблемаһын) ҡуйыу

Р.Ниғмәти ни өсөн беҙгә : “Хәйерле юл һеҙгә!”, - тип өндәшә икән?

Яуаптар

Дәрестең маҡсатын һәм темаһын билдәләү

- Бөгөнгө темабыҙ ниндәй?

-Тимәк, ниндәй маҡсаттар, ниндәй бурыстар ҡуябыҙ үҙебеҙең алдыбыҙға бөгөнгө дәрестә?

Дәрестең маҡсатын билдәләйҙәр

Яңы материлды өйрәнеү

Уҡыу проблемаһын сисеү.

1)Шиғырҙың йөкмәткеһе менән танышыу алдынан автор тураһында , уның әҫәрҙәре тураһында белгәндәрен иҫкә төшөрөү

2) Р. Ниғмәти тураһында презентация күрһәтеү

3) Шиғырҙы тәүҙә уҡытыусы тасуири уҡып сыға

4) Һүҙлек эше.

5)Йөкмәткеһе буйынса әңгәмә ҡороу

- Шиғыр һеҙгә оҡшанымы?

- Ҡайһы бүлеге нығыраҡ оҡшаны? Ни өсөн?

- Ҡайһы юлдар, айырыуса, оҡшаны?

- Ниндәй көндө иң гүзәл көн , ти автор? Ни өсөн?

- Белем биреүсе кеше тураһында Р. Ниғмәти нисегерәк итеп яҙған? Ниндәй тойғолар менән яҙған?

-Ә һеҙ үҙегеҙҙең тәүге уҡытыусығыҙ тураһында ниндәй йылы һүҙҙәр әйтер инегеҙ?

- Шиғырҙағы балалар тураһында һеҙҙең ниндәй фекерҙәр тыуҙы? Татыуҙармы үҙ-ара? Ә һеҙҙең класығыҙ татыумы? Ул нимәлә сағыла?

6) Ни өсөн уҡыусылар әңгәмәһе һыҙыҡ аша бирелә?

7) Ә һеҙҙең арала ниндәй диалог булды, нимә тип әңгәмә ҡорҙоғоҙ оҙайлы йәйге ялдан һуң, һағынышып осрашҡас?

- Презентация ҡарау

• Уҡытыусының тасуири уҡығанын иғтибар менән тыңлау

• Мәғәнәләре аңлашылмаған һүҙҙәрҙе яҙып алыу

• Әңгәмә, һөйләшеү, һорауҙарға яуап эҙләү, текст менән эшләү

Уҡыусылар яуаптары: бер-береңде хөрмәт, ярҙам итеүҙә, тыңлай, ишетә һөйләшә белеүҙә.

• Диалог

• Төркөмдә эшләйҙәр

Ял минуты

Тын алышын көйләүгә күнекмәләр

Күнекмәләрҙе үтәү

Белемде нығытыу.

1)Шиғырҙы тасуири уҡыу

2) Китаптың 12-се битендәге һорауҙарға яуап биреү

3) Слайдта күрһәтелгән белем тураһындағы мәҡәлдәрҙең икенсе яртыһын табырға

Шиғырҙы тасуири уҡыу күнекмәләре

Яуаптар

Өйгә эш.

1. Белем тураһында мәҡәлдәр яҙып килергә

2. Билдәле шәхестәрҙең белем тураһында әйткән һүҙҙәре

3. “ Мәктәпкә” бүлеген ятларға

Өйгә эш яҙып алалар

Дәресте йомғаҡлау.

Эшмәкәрлеккә рефлексия.

Баһалау.

1)-Шулай итеп, дәрестә нимә тураһында һөйләштек, нимәләр белдек?

-Ни өсөн шиғыр Р. Ниғмәтиҙең шиғыры “ Хәйерле юл !” тип атала?

-Р.Ниғмәти ни өсөн беҙгә : “Хәйерле юл һеҙгә!”, - тип өндәшә икән?

- Р. Ниғмәти бөгөн беҙҙе ниәгә өйрәтте?

- Бөгөнгө һөйләшеү файҙалы булдымы?

- Үҙегеҙ өсөн нимә алдығыҙ бөгөнгө дәрестән

- Алған белемдәрегеҙ кәрәк буласаҡмы?

- Киләсәктә илебеҙгә ниндәй кешеләр кәрәк буласаҡ?

2)Нимә аңлашылманы, нимә еңел бирелде, нимәлә ҡыандырҙы һеҙҙе?

3) дәрестәге эшегеҙҙе нисек баһалайһығыҙ?

4) уҡытыусының баһалауы

Уҡыусыларҙың яуаптары.

Үҙбаһалау