Рабочая программа по родному (коми-пермяцкому) языку для 4-го класса

ПОЯСНИТЕЛЬНÖЙ ГИЖÖТ

Велöтчан предмет йылìсь

Начальнöй школаын коми-пермяцкöй кыв велöтöмлöн доныс ыджыт и колана. Сы отсöтöн челядь пондöтчöны тöдсасьны асгöгöрся оланöн. Мам кыв отсалö челядьлö вежöртны роч кыв, а медбöрын – иностраннöй кыв. Мам кыв отсалö зорамны велöтчисьлö быд ладорсянь.

Начальнöй школаын коми-пермяцкöй кылын общöй могöн лоö младшöй велöтчиссезлĭсь медодзза кужаннэз да навыккез гижöмын да лыддьöтöмын зорöтöм.

Эта могыс лоас судзöтöм, если уджыс пондас нуöтсьыны коммуникативнöй принцип сьöртĭ. Коммуникативнöй принциплö öння кадö сетсьö медодзза места, сiдз кыдз мöдiк методическöй принциппез реализуйтчöны сыкöт. Практическöй направленность велöтöмын сетö компетентностнöй подход, кöда формируйтö велöтчиссезлĭсь 1-4 классэзĭсь коммуникативнöй, языковöй, лингвистическöй да культуроведческöй компетенцияэз.

Начальнöй школаын велöтöмын моггез:

-тöдны коми-пермяцкöй кыв сы понда, медбы сёрнитны эта кыв вылын и одзлань тöдсöтны сыкöт;

-сетны представленнёэз лексика, фонетика, морфология да синтаксис йылĭсь;

-зорöтны челядьлĭсь сёрни, чужанĭн дынö радейтöм, отирлöн история да культура дынö пыдын интерес, вöрва радейтöм;

-кужны кывзыны, баитны, лыддьöтны да гижны коми-пермяцкöй кыв вылын.

Предметлöн учебнöй планын места

4 класс – 0,5 час в неделю, итого 17 час в год

Учебнöй предмет велöтöмын результаттэз

Личностнöй УУД:

-вежöртны места коми-пермяцкöй кывлĭсь мöдíк кыввез коласын;

-кужны пыртны оланö судзöтöм тöдöммез да уменнёэз;

-зорöтны:

• чужанĭн дынö радейтöм, отирлöн история да культура дынö пыдын интерес;

• навыккез сотрудничествоын ыджыттэзкöт да учöт челядь коласын быдкодь социальнöй ситуацияэзын;

• бережнöй отношеннё материальнöй да духовнöй ценносттез дынö.

Метапредметнöй результаттэз

- кужöмöн примитны коми-пермяцкöй сёрни;

- кужны:

шуны кыввез, слоггез, шыэз, лöсьöтны сёрникузяэз;

бура и выразительнöя лыддьöтны;

висьтасьны текст дженыта, бöрйöмöн, матына текст дынö, последовательнöя.

велöтiсь отсöтöн и öтнаныслö керны контрольнöй гижан уджжез, кытöн асьныс пондасö адззыны орфографическöй и пунктуационнöй правилоэз;

аслыныс проверяйтны и анализируйтны ассиныс уджжез;

уджавны материальнöй и информационнöй средаын начальнöй образованнёын;

сёрнитны мам кыв вылын öтамöд коласын, школаын и гортын;

- аркмöтны очасёрни сетöм тема вылö, сетны паськыт и дженыт очакыввез юасьöммез вылö;

- судзöтны базовöй предметнöй и межпредметнöй понятиеэз.

Предметнöй результаттэз

- кужны:

сёрнитны, кывзыны и вежöртны основнöй содержаннё;

кывны и правильнöя шуны шыэз и сочетаннёэз;

сувтöтны кылын удареннё;

лыддьöтны аскöттяныс и горöн, выразительнöя;

янсöтны текст торрез вылö, сетны заголовок, лöсьöтны план; содтыны заданнёэз, висьтасьны серпас сьöртi и с.о.

- тöдны:

гласнöй да согласнöй шыэз;

шыпассэз и шыэз;

удареннё;

кыввез, грамматическöй формаэз, кыдз нiя аркмисö и кужны пыртны нiйö сёрниö;

правилоэз: ыджыт шыпас гижöмын; вуджöтны кыввез торрез сьöртi, препинаннё знаккез;

- сетны коми-пермяцкöй кыв да мöдiк финно-угорскöй кыввез йылiсь, коми-пермяцкöй фольклор да текст йылiсь, коми-пермяцкöй кыв вылын медодзза небöггез йылiсь тöдöммез.

Учебнöй предметлöн пытшкöс

Медодзза классын программа грамотаö велöтöм да сёрни зорöтöм сьöрті янсалö кык тор вылö:

- Грамотаö велöтöм да сёрни зорöтöм

- Лыддьöтöм да сёрни зорöтöм

Грамотаö велöтöм – медодзза оськöв коми-пермяцкöй кыв зорöтöмын, кöда лöсьöтö велöтчиссезöс одзланься уджö шöрöт классэзын. Этасянь велöттöн колö пыртны аскоддя методика.

Чужан кыв велöтiкö велöтiсь уджалö то кытшöм принциппез сьöртi:

Коммуникативность: медбы велöтчиссез велалiсö правильнöя, выразительнöя баитны, бура да грамотнöя сёрнитны да гижны. Эта уджыс пыртö ас пытшкас челядьлiсь кыв запас богатсьöтöм, литературнöй нормаэз усваивайтöм, связнöй сёрни сьöртi кужöммез зорöтöм.

Сознательность: медбы бытшöма велöтны да тöдны чужан кыв, велöтчисьлöн должен лоны пыдын интерес чужан кыв дынö, сiдзжö велöтчисьлö колö тöдны, кытшöм перспективаэз оссьöны сы одзын эта кыв велöтöмöн, паськöтöны кругозор чужанiн, коми-пермяцкöй отирлöн культура да история йылiсь.

Чужан кыв велöтiкö велöтiсь учитывайтö индивидуальнöй особенносттез, мöдiк предметтэзкöт йитöт, наглядность используйтöм.

Кыв велöтiкö зорамöны велöтчан навыккез текстöн да небöгöн уджалöм понда, а сiдзжö художественно-образнöй да логическöй мышленнё.

Программа лöсьöтöм сiдз, медбы велöтны челядьöс тöдса содержаннё вылын: чужанiн, горт, чужан кыв, асгöгöрся олан, коми-пермяцкöй отирлöн вужжез да культура.

Лöсьöтöм программа тшöктö велöтiсьöс коми-пермяцкöй кыв да лыддьöтан уроккез вылын сетны медодзза тöдöммезз коми-пермяцкöй кыв да литература сьöртi, зорöтны челядьлiсь сёрни, аскужа выннэз, логическöй да образнöй мышленнё, велöтны уджавны самостоятельнöя небöгöн.

Коми-пермяцкöй кыв да лыддьöтöм уроккез вылö 1 классын сетсьö быдöссö 102 час: лыддьöтан уроккез – 66 час (букварь вотöдзся кад – 13 час; букварнöй кад – 38 час; букварь бöрся кад – 15 час); гижан уроккез – 66 час.

Коми уроккез чулöтöм понда öтiк час позьö босьтны уроккез бöрся чассэзiсь.

Букварьын куим тор: букварнöй, лыддьöтöм, коми-пермяцкöй кыв.

Букварнöй тор янсалö эшö куим тор вылö: подготовительнöй, а, о, ö, у, ы гласнöй шыпассэз велöтöм и основнöй букварнöй кад.

Программа пондöтчö грамотаö велöтöм торсянь. Сiя янсалö куим кад вылö: букварь вотöдзся, букварнöй да букварь бöрся кад.

Букварь вотöдзся кад пыртö, вайöтö коми–пермяцкöй кыв дынö да лыддьöтан уроккез дынö. Велöтiсь готовитö челядьöс грамотаö велöтöм кежö. Эта кадö велöтчисьлiсь проверяйтöны велöтчан способносттез. Быдöс моггесö решайтчöны грамотаö велöтан уроккез вылын и гижан уроккез вылын. Велöтчиссез одзын сувтöтчöны сэтшöм моггез:

- паськöтны челядьлiсь активнöй кывчукöр ;

- паськöтны тöдöммез асгöгöрся мир йылiсь;

- зорöтны фонематическöй кылöм (велöтны кывны кылын шыэз быд позицияын: кыв пондöтчикö, кыв шöрын, кыв помын);

- велöтны сёрникузяын торья кыввез, кылын адззыны торрез, ударнöй кыв тор и шыэз;

- велöтны лöсьöтны сёрникузяэз схемаэз сьöртi, висьтавны сёрникузя повествовательнöй, вопросительнöй, восклицательнöй интонацияöн;

- готовитны гижöм кежö ки.

Планируемöй результаттэз.

Личностнöй УУД:

- формируйтны чувствоэз асланыс чужан местаö да асланыс Родина дынö;

- осознаннё аслас энтическöй да нациоанльнöй принадлежность дынö;

- формируйтны быдса и сознательнöй видзöтöм мир вылö, кöда вермö лоны вöр-ваын, отирлöн культураын.

- зорöтны ответсвенность асланыс поступоккез понда,

- воспитывайтны моральнöй да эстетическöй ладорсянь, зорöтны любознательность;

- сетны челядьлö понятие, что нія öні «велöтчиссез», колö тöдны правилоэз велöтчиссезлісь;

- вежöртны велöтчан моггез и кужны нійö керны;

- радейтны чужанін да мам кыв, нійö донтöм, отирлöн вужжез да культура дынö пыдын интерес.

- воспитывайтны велöтчиссезлісь здоровöй олан и бережнöй отношеннё материальнöй да духовнöй ценосттез дынö.

Метапредметнöй результаттэз:

Регулятивнöй УУД:

- кужны примитны да сувтöтны моггез да кошшыны методдэз ;

- велöтны планируйтны ,контролируйтны да донтны ассиныс велöтчан уджсö;

- кужöмöн используйтны отсасян пассэз небöггезìсь;

- перыта пырны велöтчан уджö;

- кужны сетны ассиныс мненнёнысö быд иллюстрация сьöрт , кöдö адззöны небöгись;

-кужны адззыны правильнöй ответсö неправильнöйсянь;

Коммуникативнöй УУД:

- внимательнöя кывзыны и вежöртны ассиныс ёрттэзнысö и сетны ответ велöтісь вопроссэз вылö;

- баитны быд вопрос вылö сёрникузяэзöн велöтісь отсöтöн;

- кужны донтны ассиныс удж урок вылын;

- сетны ответ итоговöй вопроссэз вылö;

- уджавны параэзöн или группаын

Познавательнöй УУД:

- кужны уджавны небöг сьöрті, бöрйыны произведеннёэз;

- небöг серпас сьöрті адззыны ответ вопроссэз вылö, используйтны раздаточнöй материал, уджавны схемаэз да условнöй пассэз сьöрті;

- öтлаын велöтіськöт кужны янсöтны вильсö мунöм материалсянь;

- адззыны сравненнё быд предмет сьöрті, янсöтны öткодьсö и неöткодьсö; янсöтны предметтэсö кытшöмкö öтік признак сьöрті;

- кужны янсöтны кыввесö слоггез вылö, велöтны адззыны слоггесö кыввезісь;

- контролируйтны ассиныт уджсö, кыв янсöтöм коста;

- кыввез дынö аркмöтны схемаэз, адззыны аслыныс кыввез кыв торрез сьöрті, сувтöтны удареннё, велöтны адззыны серпас сьöрті схема кыв дынö и кужны вежöртöтны;

- уджавны параэзöн, адзыны кыввез и вайöтны нійö предметнöй серпассэз дынö, кужны сувтöтны удареннё.

Предметнöй результаттэз:

- Формируйтны представленнё роднöй кыв йылісь да культурнöй пространство йылісь, кыв йылісь кыдз национальнöй самозознаннё; овладейтны первоначальнöй представленнёöн нормаэзын коми –пермяцкöй кыв сьöрті;

- Формируйтны позитивнöй отношеннё лыддьöтан да гижан сёрни дынö;

- Велöтчиссезлö колö гижны ошибкаэзтöг, примитны кылын офрографическöй правилоэз и правилоэз пассэз понда. Кужны проверяйтны ассиныс гижöмнысö.

Грамотаö велöтöмö пырö:

Фонетика

Шы. Вежöртны кыв шыэз сьöрті. Кывны кылісь кыным шы и тöдны нылісь места. Кужны аркмöтны кывлісь схема шыэз сьöрті, адззыны кыввез сетöм схема дынö, сравнивайтны быдкодь кыввезлісь схемаэз.

Тöдмавны гласнöй да согласнöй, гласнöй ударнöй да безударнöй, согласнöй чорыт да небыт, вына да вынтöм шыэз.

Кужны торйöтны кыв торрез вылö. Адззыны удареннёлісь места.

Графика:

Тöдмавны шыэз да шыпассэз. Велöтчыны кывны шы и кужны мыччавны колана шыпасöн. Гласнöй шыпассэз кыдз чорыт да небыт согласнöй шыэз мыччаліссез. Небыт пас согласнöй шылöн небзьöтісь.

Тöдсöтны коми-пермяцкöй шыпасчукöрöн.

Лыддьöтан

Формируйтны навык кывторрез сьöрті лыддьöтöм, вежöртöм, сорасьтöг, нюжвыла, сёрникузяэз коласын паузаэз соблюдайтöм. Кывторрез сьöрті лыддьöтöмсянь вуджöны быдса кыввез лыддьöтöм дынö. Велалöны отвечайтны лыддьöтöм сьöрті вопроссэз вылö, висьтасьны лыддьöтöмсö, лыддьöтны бöрйöмöн, висьтасьны сказкаэз.

Велöтчиссез велалöны янсöтны сёрникузяэсö сёрниись, висьтавны ,кин либо мый йылісь баитсьö сёрникузяын,отвечайтöны быдса ответöн велöтісьлöн вопрос вылö, лöсьöтöны рассказ сетöм тема вылö, серпас сьöрті да серпассэзлöн серия сьöрті, тöдмавны загадкаэз, велöтны наизусть неыджыт кывбуррез, лыддисянкаэз.

Лыддьöтны правильнöя, выразительнöя, вежöртöмöн да быдкодь интонацияöн (висьтасян, юасян да горöна шуан) соблюдайтöмöн.

Уджавны сёрни зорöтöм вылын, велöтны бöрйыны быдкодь жанра произведеннёэз (сказка, кывбур, висьт)

Гижан

Велöтны гижикö правильнöя пукавны, видзны тетрадь и ручка. Велöтны гижны учöт и ыджыт шыпассэз, нылicь кыввезын и сёрникузяэзын йитсьöм. Велöтны гижны кыввез и сёрникузяэз (3-5 кылiсь) öтлаын велöтiськöт анализируйтöм бöрын. Гижны диктовка сьöртi кыввез, велöтны проверяйтны гижöмсö. Гижны ыджыт шыпас серникузя пондöтчикö, отирлöн ниммезын и фамиллёэзын, подалöн кличкаэзын. Лöсьöт- ны сёрникузя схема сьöртi да гижны сiйö.

Кыв да сёрникузя.

Вежöртны кыв. Следитны кыв вежöртас сьöрті. Янсöтны кыв да сёрникузя. Удж сёрникузяöн: кужны янсöтны кыв да сійö вежны местаöн. Интонация сьöрті лыддьöтöм. Схемаэз аркмöтöм.

Мöдöдз классын чулöтчö удж, мед пыдынсьöтны тöдöммез асгöгöрся олан йылiсь. Кыдз и медодзза классын ыджыт удж колö чулöтны сёрни зорöтöм сьöртi, зорöтны коммуникативнöй навыккез. Сiдз жö колö чулöтны творческöй письменнöй уджжез, кöдна чулöтчöны бöрйöм бöрсянь. Мöдöдз классын чулöтчö удж, кыдз нуöтны диалог сетöм образец сьöртi или пондöтчöм сьöртi. Колö чулöтны удж бура лыддьтöм и грамотнöй гижöм сьöртi.

Куимöт классын паськöтчöны и пыдынсьöтчöны тöдöммез, кöднö велöтчиссез тöдiсö одзза классэзын. Если основнöй мог 2 классын – формируйтны коммукативнöй компетенцияэз, то 3 классын – формируйтны лингвистическöй, языковöй да культуроведческöй компетенцияэз.

Нёльöт классын главнöй могöн лоö гижан да лыддьöтан сёрни зорöтöм;

- пыдынсьöтны и паськöтны знаннёэз предмет сьöртi;

- велавны навыккезö сочиненнёэз гижöмын;

- кужöмöн списывайтны небöгись , отвечайтны письменнöя вопроссэз вылö (изложеннёэз).

Нёльöт классын сiдзжö гижан уроккез вылын чулöтсьöны чистописаннёэз (3 строка).

Комлекснöй зорöтöмö пырö:

- кужны кывзыны, баитны, гижны, кöдна колöны оланын, быдкодь ситуацияын;

- начальнöй школа кончитöм кежö велöтчиссезлöколö, медбы вöлi колана словарöй запас, медбы усвоитны содержаннё учебнöй предметлiсь;

- зорöтны монологическöй сёрни, речевöй способносттез и с.о.;

Ōтлаын колö зорöтны монологическöй сёрни и техника гижöм.

Могöн начальнöй классэзын гижöмын лоö:

- кужöмöн гижны небöгись кыввез, кывсочетаннёэз, сёрникузяэз и неыджыт тексттэз;

- кужöмон гижны текст, соблюдайтны орфографическöй да пунктуационнöй правилоэз;

- кужны гижны изложеннё, сочиненнё, сетны быдса очакыв юасьöм вылö.

Календарно-тематическöй планированнё коми-пермяцкöй кыв сьöртi (1 час в полугодии, итого 17 час)

График проведения контрольно-измерительных работ

Материально-техническöй обеспеченнё дынö рекомендацияэз