Разработка сценария "Аргъаутты басты"

Ногазы бёрёгбонмё «Аргъёутты бёсты»

(Заз бёласы размё рацыдысты цъиу ёмё хъыбыл)

Цъиу: Мёнё цы рёсугъд ран у ам! Нё йё зоныс, чи дзы цёры, уыдоны?

Хъыбыл: Къох-къох, мёгъа, цыдёр хъёлдзёгдзинад дзы кёй ис, уый бёрёг у..

Цъиу: Кёс-ма, мёнё сын ай та цы у, цёхёртё алырдёмыты чи калы?

Хъыбыл: Ницы йын зонын, арёби, ёз дёр. Искёй- ма бафёрсём, и?

Цъиу: Бёргё, фёлё дзы цъиуызмёлёг дёр куы нё ис!

(иу чызг уалынмё фёзынд)

Чызг: Уё бон хорз! Цёмёй дёр тыхсут, мёнмё гёсгё?

Цъиу }

Хъыбыл} иумё: Бёгуыдёр! Зёгъ-ма, нын дё хорзёхёй, цавёр циндзинад уём ис, стёй мёнё ай та цы у?(амонынц зазбёласмё)

Чызг: Сымах ёрбацыдыстут диссаджы ранмё: не скъолайы хъёлдзёг бёрёгбон - Ног азмё. Мёнё ай та хуыйны заз бёлас – ногазы рёсугъддзинад! Фёлё нём сымах та кёцёй ёрбацыдыстут?

Цъиу: Ёз дён ирон аргъауёй, мё ном – инкубаторы цъиу.

Хъыбыл: Ёз дёр, къох-къох, аргъауёй ёрбацыдтён, ёцёг иунёг нё дён – ис ма мын мад ёмё 2 ёфсымёры.Ёртёккё уыдон дёр ёрбацёудзысты, ёз сё разёй фёдён!

Цъиу: Мёнмё та афтё кёсы, цыма мё фёдыл рувас ёрбахёццё уыдзён.. О-о, уынут уёртё йё къёдзил ёрбазынд.

Чызг: Уёдё нём тынг бирё уазджытё фёзындзён, куыд кёсын, афтёмёй!

(фёзындысты ма 2 хъыбылы, дзёргъ, бирёгъ, зыгъарёг)

Чызг: Уёдё уёд, нё хорз уазджытё, кёд уё нё бёрёгбонмё фёнды, уёд нын хъуамё исты равдисат.

Цёрёгойтё иумё: Ма-ах? Ёмё цы равдисём? Ацы сывёллёттё нём иууылдёр хъусдзысты?

Чызг: Ёмё уёдё куыд ёнхъёлут, тынг зёрдиагёй! Ёццёй, сабитё, бакёсём нё уазджытём?

Цъиу: Йемё уё кёд фёнды, уёд уын равдисдзыстём, чи цы аргъауёй у, уый! Хорз?

Чызг: Табуафси! Хъусём уём!

«Зондджын цъиу»

Цъиу: Оох! Ацы ёхгёд ранёй искуыдём аирвёз.Кённод мё алыварс айчытё ёмё къоппытё йедтёмё ницы ис. Бёстё хъёмпёй байдзаг! Хёрзаг заборы ёдде исты дзёбёхтё фенин! Алё-ма, цымё ам ницавёр зыхъыр ис, ау хуынкъ дёр дзы нёй?( агуры, зилы)

-Мёнё, мёнё замманай ахизён. Гъеуый дын зыхъыр! (рабырыд ёддёмё) Хорзёй уал баззайут, ме мбал дзибатё! Ёз та уал дунейы диссёгтё фенон. ( зилы, йё алывёрсты ракёс-бакёс кёны)

Рувас: Диссёгтё! Мёнё цы дзёбёх бур дзиба уынын! Кёдём цёуыс, кё?

Цъиу: Нё зонын, мёнё дунейыл зилын, цин кёнын! Фёлё ды та чи дё?

Рувас: Ха-ха-ха! Ёз? Ёз дён хинёйдзаг рувас, дёу хуызён бур дзибатё хёрын бирё чи уарзы, уыцы Рувасыхъо!

Цъиу:(тёрсгёйё) Мё –мё.. мён хуызён?

Руавс:О, дзипп-дзипп, дё хуызён!

Цъиу: Ёмм-мёё мён куы бахёрай, уёд цёмёй бафсёддзынё? Ёз гыццыл, мёллёг, бумбули ёмё пакъуы иууылдёр. Фёлтау мемё цом, ёмё дын ёз мё мады расайдзынён.Уый цы нард у, уый куы зонис, йё фиутё раст ёддёмё зынынц!

Рувас: Ёцёг, ёцёг.. Раст зёгъыс. Цом цёй тагъддёр, дё мады мын фенын кён, кённод хормагёй мёлын!

(Цъиу ёй ракён-бакён кёнын)

Рувас: Цёй, бирё мА разил-базил кёндзыстём? Кём и уё хёдзар?

Цъиу: Цом, цом, ёрхёццё стём. Ды уал ам фёлёуу, ёз дём мё мады ракёнон!(йё хуынкъ ссардта ёмё мидёё багёпп кодта, йё сёр радардта заборы сёрёй рувасмё) – Мё сайды фёуы, ёдылы рувас, мёнён мад нёй, ёз инкубаторы цъиу дён. (йё базыр ём тилы)

Цъиу: Ныр та бакёсут бирёгъ ёмё зыгъараджы аргъаумё.

(Зыгъарёг йё хуынкъёй рабырд ёмё цыдёртё къахы) Иубон зыгъарёг йёхицён кёрдёджытё къахта. Ёвиппайды йё бирёгъ ацахста.

Бирёгъ: Уё мёнё гыццыл иблис, нё дё ёрцахстон ныр? Кёдёй дём хъавын, кёдёй, уый зоныс? Гъеныр дё хёргё кёндзынён нард зыгъарёг!

Зыгъарёг: О-О, ёгайт-ма мё хёрынмё хъавыс, бирёгъ! Фёлё ёгъдау, ёгъдау бакён!

Бирёгъ: Уый та ма цавёр ёгъдау у?!

Зыгъарёг: Дё фыдёлтё –иу махёй искёй куы рцахстой, уёд –иу дзы дзёбёх фёхъазыдысты, иу ёхст ёй рахизёрдём фёкодтой, иннё зыввытт – галиумё, стёй та размё, ёмё иу дзёбёх куы сфёлмён, уёд-иу нё бахордтой.

Бирёгъ: Ёмё уын зынёй цы ис! Ёз дёрм ё фыдёлты нё фёхудинаг кёндзынён: ай дын ёлхыскъ, ай та над, ныр та дын рахиз фарс, ам та дын галиу. Гъеныр та размё згъор!

(зыгъарёг куы феуёгъд, уёд йё хуынчъы смидёг)

Зыгъарёг: Хорзёй уал баззай, бирёгъ! Ёмё мё сайды фёуы, ёз дын де дылы фыдёлтён цы зонын, дёхёдёг сё хъуыды дёр куы нё кёныс!

Бирёгъ: Ё уёртё къуда къёдзил! Ёз та дыл иубон фёхёст уыдзынён ёмё –иу уёд фёкёс!

Зыгъарёг: О,о уёдмё та уал нё Хуыцау дзёбёх уадзёд!

Цъиу: Ныр та бакёсут Дзёргъ ёмё Бирёгъы аргъаумё.

(Дзёргъы хёдзар. Хъыбылтё кёуынц дойныйё)

Дзёргъ: Цом ёмё сын дон схёссон, кённод кёд ныссабыр уыдзысты. Хъусут, дуар макёмён байгом кёнут, цалынмё ёз цёуон, уёдмё бафёразут.

Ёнафон: Тагъд-иу у, дойныйё фёмёлын.

Фидар: Дёу йедтёмё никёмён у дойны?

Хъармёг: Ауадзут-ма йё ёмё тагъддёр раздёха. Ууфф, фёлтау уыцы кёсёгтё уынгё дёр куынё фёкодтаин.

(Дзёргъ дон исы, афтёмёй, бирёгъ йё уёлхъус алёууыд, ныххёцыд ыл)

Бирёгъ: Мёнё-ма кёй уынын. Дзёргъ, фёнда дё, нё, хёргё дё кёнын ныртёккё!

Дзёргъ: Мён?. Ёмё мё цы хёрыс? Мё фёрстё – хъёбёр, ме рагъ стёг у, мё бырнкъ – ёргъиу, дзидзайы мур мыл куы нёй. Фёлтау дын уёртё мё хъыбылтёй иу ратдзынён. Цыхуызён нард сты, уый куы зонис.Сё иу хуыйны Фидар, иннё - Хъармёг, аннё -Ёнафон, изёры – иу фёзын.

Бирёгъ: Ёцёг, ёцёг. Хорз, уёдё. Ма-иу мё фёсай, хъусыс. Изёры дём зындзынён.

(Дзёргъ ацыд рацу-рацу-иу, зёгъгё загъта, хъыбылтё доныл сёхи ныццавтой)

Дзёргъ: Схуыссут ныр, ёнафон у!

(Бирёгъ изёры фёзынд)

Бирёгъ: (дуар хойы) Адонён сё дуар ёхгёд куы у. Ёвёццёгён, дзёргъы ферох, цёуинаг сём кёй уыдтён, уый. Цёй, мёхёдёг сё рахонон. Гъей, Ёнафон, ёддёмё ма мём ракёс.

Ёнафон: Чи у, чи, нана?

Дзёргъ: Сс-с, ныхъхъус у. Ахъёр ём кён, Ёнафон, зёгъ, у ёмё дём нё акёсдзынён

(Ёнафон ахъёр кодта)

Бирёгъ: Мёнё замана! Уёд та, Хъармёг, ды ракёс!

(Дзёргъ хъыбылы хъусы цыдёртё адзырдта)

Хъармёг: Хъармы хуыссын ёмё дём нё акёсдзынён!

Бирёгъ: Акёс – ма гъеныр, уый дёр не вдёлы. Гъей, Фидар, кём дё ды та?

(Дзёргъ та хъыбылы хъусы цыдёртё адзырдта)

Фидар: Ха-ха-ха! Фидар ёхгёд у нё дуар, ницёмёй дё тёрсём ёдылы бирёгъ ёмё ахъуытты у дё хёдзармё!

Бирёгъ: Ё-ё, зёронд дзёргъ! Цёхджын сайд мё акодтай, фёлё та дё мё дзёмбытём хъёуы иубон! УУУУУ, мёнё мын цы уазал ёмё ёххормаг ууууу!

Цъиу: Ёмё ма, табуафси, бакёсут иу аргъаумё, хуыйны «Теремок», равдисдзысты йё фыццёгём къласы актёртё.