Разработка урока по крымскотатарскому языку на тему: "односоставные и двусоставные предложения"для 10 кл

10-11 сыныф

Мевзу: Бир теркипли ве эки теркипли джумлелер .

Дерснинъ макъсады:

-Бир теркипли ве эки теркипли джумлелер акъкъында бильгилерини умумийлештирмек ве пекитмек;

-метинлерде бир теркипли джумлелерни догъру къайд этмеге огретмек;

- талебелернинъ иджадий къабилилиетлерини, нутукъларыны,идракъ фаалиетини инкишаф этмек;

- аиле иле багълы урф-адетлеримизнен таныш этмек, аналаргъа сайгъы ашламакъ.

Дернинъ чешити: пекитюв дерси урок повторения, обобщения и систематизации изучаемого материала;

Дерснинъ донатувы: дерслик, карточкалар, ресимлер, презентация, ИКТ.

Дерснинъ кетишаты:

I. Селямлашув.Таныш олув. Мувафакъиетли кейфиет догъурмакъ.

II. Окъув фаалиетининъ мотивациясы.

Талебелерни аиеле шеджереси орнаментынен таныш этмек. Къоранта, аналар акъкъында субет.

I Талебелернинъ эсас бальгилерини актуаллештирюв. Микрофон оюны.

а)Ана насыл?

б) Аналаргъа тилеклеринъиз.

III .  Лугъат иши.

Бир теркипли джумлелер- односоставные предложения

эки теркипли джумлелер - двусоставные предложения
адий - простое
муреккеп – сложное

2. Изалав диктант. Метин устюнде иш.

III. Дерснинъ мевзусыны ве макъсатларыны талебелер озьлери бельгилейлер.

Дерс макъсады: Кениш ве кениш олмагъан джумлелер акъкъында бильгилерини пекитмек. Бир теркипли джумлелер мевзусыны умумийлештирмек. Нутукъ медениетини инкишаф эттирмек. Аятта энъ буюк зенгинлик-
аиле, ана, Ватан.

IV. Группаларда иш." Ана" мевзуда мини инша язмакъ. Нутукъ инкишафы.

V.Инанам-инанмайым оюны. Оджа талебелерге суаллер бере. Догъру олса – талебелер ешиль тёгеречик котерелер, янълыш олса- къырмызы тёгеречик.

1) макъсадына коре джумлелер икяе, суаль ве эмир чешитлерине болюнелер (догъру).

2) тизимине коре джумлелер адий, адий-адий, муреккеп олалар (ёкъ).

3) джумледе эки баш азасы ола (догъру).

4) ал ве хабер – бу экинджи дередже азалары (ёкъ)

5) экинджи дередже азалары эр вакъыт джумледе олмайлар (догъру).

VI. Оджанынъ сёзю. (талебелер дефтерлерине язалар)

-Эки теркипли джумледе грамматик негиз озь ифадесини бир баш азадан тапа.

-Бир теркипли джумлелер экиге болюнелер: муптедалы, хаберли.

-Талебелер давушнен бир теркипли джумлелернинъ чешитлерини окъуйлар. Бельгисиз шахыслы, белли шахыслы, шахыссыз, умумийлештирильген шахыслы, адлав джумлелер.

VII Пекитюв.

Берильген аталар сёзлерини язып, джумлелернинъ чешитлерини къайд этмек.

Аталар сёзлерининъ маналарыны ачыкъламакъ.

 Анасына коре баласы.

 Анасыз бала – бахтсыз бала.

 ана къургъан салынджакъта къыз да салланыр.

 Ананынъ къолу йымшакъ ола.

 – юртнынъ тереги.

Ана ичюн бала балдан татлы

Анасыз къурт бал джыймаз

VIII Дерснинъ нетиджелерини чыкъарув. Рефлексия.

Тест вазифелер

Сенкан

Мевзу (исим).

Мевзуны тасвирлев ( 2 сыфат).

Мевзуда иш-арекет ( 3 фииль).

Сёз бирикмеси. Джумле.

Мевзугъа синоним.

Дерсликнен чалышув. 307,312 иш. Джумлелерни синтактик талиль этмек.

IX. Эв вазифеси . Бир теркипли ве эки теркипли джумлелерни ишлетип «Дюньяда энъ къыйметли инсан–анадыр» мевзуда озь фикирлеринъизни язмакъ.

X. Талебелерге баалар къоюв .