Разработка урока по теме: "Ялгъама"

15.01.2018 с. Къырымтатар тили 4 сыныф

Мевзу: Ялгъама.

Макъсатлар: талебелерни ялгъама мевзунен таныштырув; ана тилине ве буюклерге урьмет дуйгъусыны ашлав.

Мерифет УОА (универсаль окъув арекетлер) УУД (познавательные):

- малюматны бир шекильден дигер шекильге авуштырув;

- къайделерни ве мевзуны анълатув;

- оджа ве талебенинъ бирликте беджерген ишлерининъ нетиджелерини чыкъарув;

- вазифелерде берильген суаллерге джевап тапмакъ, вазифелерни беджермек.

Регулятив УУД (регулятивные):

- талебенинъ оджа ярдымынен дерстеки арекетлернинъ макъсадыны тайинлев;

- сыныфта нутукъ медениетини юксек севиеге котермек ичюн ярыш муитини яратув.

Коммуникатив УУД (коммуникативные):

- озь фикирлерини агъзавий шекильде ифаде этюв;

- динълемеге ве башкъаларнынъ айткъанларыны анъламагъа огретюв;

- озюнинъ ве башкъаларнынъ япкъан ишлерине къыймет кесюв.

Шахсий нетиджелер:

- мевзуны ве вазифелерни беджергенде озь мунасебетини косьтерюв;

- талебелерде буюклерге урьмет дуйгъусыны ашлав.

Дерснинъ кетишаты:

1. Тешкилий къысым. Селямлашув. Эв вазифесининъ тешкерюви. Бильгилерини актуаллештирюв.

Дефтерлернен алмашув. Темиз язув .

Я я Я я

Ёлдан, кузьде, дагъджы.

Язылгъан сёзлернинъ тамырларыны ялгъамаларындан айырып косьтермек. Маналарны анълатмакъ.

Проблем вазифе ве суаль:

131-инджи иш. Метинни окъунъыз. Къайд олунгъан сёзлерни язып алынъыз. Бу сёзлернинъ тамырларыны ялгъамаларындан айырып язынъыз, созукъ сеслернинъ уйгъунлашкъанына эмиет беринъиз.

Мен койде яшайым. Буюк ёлдан кеткенде, бизим сокъагъымыз энъ сонъундадыр. Азбарымызнынъ бир чети къамышлыкъкъа барып таяна. Къамышлыкътан сонъ голь башлана. Авлакъта ерлешкен къырлардан акъып кельген сувлар голые къошулалар. Баарьде сув чокълаша, кузьде исе эксиле. Къомшумыз Мидат агъанен голые балыкъ авына барамыз. Къара денъиз якъын олгъаны ичюн, голые чагъалалар да балыкъ авламагьа учып келелер.

Демек, бугунь дерсте Ялгъама мевзу у стюнде чалышаджамыз.

Раатлыкъ дакъкъасы.

Ялгъамалар эки чешит олалар.

1. Сёз япыджы ялгъамалар.

2. Сёз денъиштириджи ялгъамалар.

132-нджи иш. Берильген ялгьамалардан уйгъун кельгенлерини сёз тамырына къошып язынъыз.

-лукъ -джи - чы - унджы

козь - лик дагъ - чы къуш - чи он - юнджи

-люк - джы - чу - ынджы

Рефлексия Дерснинъ нетидеси:

Насыл мевзуны огрендик? Нени бильдинъиз? Даа не бильмек истейсинъиз?

Эв иши: 133-юнджи ишни беджермек,70-710с. къайдени огренмек.

Баалав.