Урал күкрәгендә йөрәк кеүек,
Башҡортостан – тыуған илкәйем.
Шул йөрәктең ҡан тамыры булып,
Күкһелләнә Ағиҙелкәйем.
Уралҡайым, һинең һәр ташыңа
Ҡанлы-ҡанлы тарих яҙылған.
Илен ҡурсып үлгән ирҙәреңә
Бында күпме ҡәбер ҡаҙылған!..
Р.Ғарипов
Донъяла төрлө илдәр бар.
Бер ил үҙенең тауҙары, бер ил
үҙенең далалары, өсөнсөһө һыуҙары,
дүртенсеһе урмандары менән
дан тота.
Ә Башҡортостан шуларҙың барыһы
менән дә мәшһүр.
Урал...
Был исемде әйтеү
менән, күҙ алдына
әкиәт батшаһының
алтын һарайына
оҡшаған бейек
ҡаялар,
иге-сиге булмаған урмандар,
таштан-ташҡа һикереп аҡҡан һалҡын шишмәләр,
сәскәле аҡландар,
таҫма-таҫма булып һуҙылған тау юлдары килеп баҫа.
Урал...Унан көс алып, урау-урау юлдар
үтеп, беҙҙең данлыҡлы Ағиҙелебеҙ, етеҙ
Ҡариҙелебеҙ киң далаларға ашыға.
Уралдың йөрәгенә күҙ һалайыҡ.
Ниндәй генә хазиналар юҡ унда. Алтын
һәм баҡыр,тимер һәм аҫыл таштар,
нефть һәм күмер...
Шуларҙың бөтәһе лә беҙҙең
Башҡортостаныбыҙ бит.
Мостай Кәрим
Баш ҡортостан –
Бөйөк Ватаныбыҙҙың бәләкәй генә бер өлөшө.
Уның территорияһы
143,6 мең км/2.
Республикабыҙҙа
54 район, 21 ҡала,
4674 ауыл һәм
ҡасаба бар.
Республикабыҙҙың халҡы 4 миллиондан
ашыу.100-ҙән ашыу халыҡ дуҫ һәм татыу
йәшәй.
Башҡортостанда 2000-дән ашыу күл бар.
Иң ҙур күле – Асылыкүл.Тағы ла Ҡандракүл,
Яҡтыкүл, Аҡкүл, Мулдаҡ,Талҡаҫ, Яугүл,
Сыбаркүл, Яугүл күлдәре кеүек ҙур
күлдәр бар.
Йылғаларҙың һаны 13 меңгә яҡын.Иң ҙур йылға-
Ағиҙел.Уның оҙонлоғо – 1420 километр.
Ҡариҙел, Дим, Һаҡмар, Әй, Йүрүҙән, Инйәр,
Таналыҡ, Еҙем, Эйек йылғалары ла
ҙур йылғалар.
Иң ҙур тауы – Ямантау.Ул Белорет районының Оло һәм Кесе Инйәр йылғаларының араһында ята.Уның бейеклеге диңгеҙ кимәленән 1640 метрға тиклем етә.
Башҡортостанда 215 төр ҡош оя ҡора, 77 төр хайуан йәшәй.Йәнлектәрҙең 26 төрө « Ҡыҙыл китап »ҡа индерелгән .
Беҙҙә 200-ҙән ашыу дарыу үләндәре үҫә.
Алтын көҙҙөң йәмле мәлендә, 1990 йылдың 11 октябрендә,
беҙ йәшәгән Башҡортостан республикаһы азат, суверенлы
дәүләт тип иғлан ителде.
Беҙҙең үҙ флагыбыҙ,
(авторҙары – Мәсәлимов Урал Тимербулатович,
Асабина Ольга Евгеньевна),
үҙ гербыбыҙ,
(авторы – Ислахов Фазлетдин Фаррахович),
үҙ гимныбыҙ бар.
Гимндың
авторҙары:
Рауил Бикбаев,
Рәшит Шәкүров һүҙҙәре,
Фәрит Иҙрисов музыкаһы.
(Гимндың аудиояҙмаһы)
Башҡортостан – илгенәм
Сабый саҡтан күкрәгемә
Тамыр йәйгән гөлгөнәм,
Һулыш биргән, тормош биргән
Әсәйемдәй бергенәм, -
Башҡортостан – илгенәм!
А.Игебаев
(« Башҡортостан-гөлбостан » йырын
«Ҡаруанһарай» төркөмө башҡара)