Русский язык. Лексика

СтIал Сулейманан район.

МКОУ «Ашагасталказмалярская СОШ»

Сочинение:

«Зи хуьр»

Кхьейди: Абдуллаева Мадина

Муаллим: Каибова Наира.

2018 йис.

«Ви гуьрчегвал садахъни жеч

Чан зи хайи, диде Ватан.

Еке чуьллер галаз гегьенш

Мадни хьурай вун авадан».

(Хуьруьг Тагьир)

Гьар инсандиз вичин гъвечIи ватан хьана кIанда. Зазни зун хьайи чка, зи рикI aлай хуьр ава. Чи хуьр чIехи шаир, XX асирдин Гомер СтIал Сулейманан тIварунихъ галай районда ава. Зи хуьруьн тIвар АгъастIалрин къазмаяр я.Вучиз «къазмаяр» лагьана куьне хабар кьуртIа, за квез жаваб гуда.

Сифте кIвалер зи хуьре «Къазан булахдин» патав эцигиз башламишнавай. Им ХХ асирдин къад лагьай йисарин эхирар тир. Ахпа ,са-са кIвал эцигиз,хуьруьн еке чка кьуна. Сифте и чилер инсанри хипер хуьдай яйлахар хьиз ишлемишзавай. Ахпа, хуьр еке хьайила, ина инсанрин куьмекдалди мискIин эцигна.

Инсанри, чилер цаз, майишат кьиле тухузвай. Иниз килигна, хуьре колхоз тешкил хьана.

Зи хуьруьн инсанар бинедай рикI ачух ва регьимлу инсанар хьиз машгьур тир. Гьавиляй, хуьруьз дагъларай маса хуьрерин инсанар куьч хьайила, абуру а инсанар хушвилелди кьабулна. Хуьруьн сергьятар генани гьяркьуь хьана.

Гьелбетда, хуьр еке хьайила, ана аялринн кьадарни гзаф жезвай. Гьавиляй, хуьре мектеб эцигунин месела къарагъна. Сифте мектеб мискIинда тешкилнавай. Ахпа инсанри чпин зегьметдалди хуьруьз цIийи мектеб эцигна. Амма гьа и мектебни хуьруьн аялриз дар тир. Гьа икI са шумуд сеферда адахъ кIвалер акал хъийиз, чаз и алай вахтунда авай мектеб арадал атана .

Гьайиф хьи, алай вахтунда гьа и мектебни чи хуьруьн аялриз дар хьанва.

Зун алай вахтунда пуд лагьай классда ава. Зи рикIин мурад за цIусад лагьай класс куьтягьдалди ,чаз цIийи мектеб эцигун я.

Алай вахтунда зи хуьре хъсан цIийи сагъламвилин кIвални эцигнава. Ана кIвалахзавай духтурар инсанриз гьамиша куьмек гуз гьазур я.

Г

ГьакIни зи хуьре культурадин кIвални ава.Ана хъсан ктабхана ва спортивный зал кардик ква. Хуьруьн гадаяр гьаниз физ ва районда кьиле физвай акъажунра гъалиб жезва. Хуьруьн юкьвай физвай куьчеда экверин лампаярни тунва. Гьар йисуз хуьр еке жезва. Хуьре хъсан шегьерда жедай хьтин туьквенарни чайханаяр ава.

2015 лагьай йисуз, чаз аялрин бахчани ахъайна.

Хуьруьн мектеб куьтягьна ,патарал фена ,агалкьунар хьанвай инсанарни чаз ава.Абурун жергеда Салман Бабаеван, Энрик Муслимован, Муса Муталибован ва масабурун тIварар кьаз жеда.

Ихьтин инсанрин жергеда хьун патал за къемаз мектебда хъсандиз кIелда ва зи хуьруьн тIвар генани виниз хкажиз алахъда.