Сабактын темасы: Акылдуу мугалим, Чамалама сан-атооч

Акылдуу мугалим Чамалама сан.Жамдама сан.

Сабактын максаттары: Көрсөткүчтөр: Тилдик максат: Жаңы лексика менен таанышышат, активдештирет. Чамалама, жамдама сан атоочтор жөнүндө билишет, пайдалана алышат. Окуучулар жаңы лексиканы, кебинде туура пайдалана алышса. Чамалама, жамдама сан атоочторду кебинде пайдалана алышса. Кептик-катнаштык максат : Тема боюнча диалог түзө алышат, суроолорго жооп беришет, тексттин мазмунун айтып бере алышат. Тема боюнча диалог түзүшсө, суроолорго жооп бере алса, тексттин кыскача мазмунун айтып бере алышса. Социомаданий максат: Акылдуу мугалим жөнүндө билишет. Топтордо иштей алышат. Акылдуу мугалим жөнүндө айтып, жазып бере алышса. Топтордо иштей алышса.

Лексика: мурас кагаз, чындык, табуу, сексен-токсон, улуу, ортончу, кичүү

Эсиңе тут! Эептик сан Чамалама сан Канча? Канча чамалуу? -дай,-ча,-даган мүчөлөрү уланат отуз + -дай отуздай элүү + -ча элүүчө жүз + -даган жүздөгөн чамалуу, чакты, жакын, ашуун деген сөздөр кошулат жыйырма чамалуу жыйырма чамалуу кырк чакты кырк чакты миң жакын миңге жакын алтымыш ашуун алтымыштан ашуун беш ашуун бештен ашык

Чамалама сан эсептик сан атоочтордун өз ара айкалышуусу аркылуу жасалат: алты-жети,он-он беш, кырк-элүү,алтымыш-жетимиш, сексен-токсон.эки жүз- үч жуз. Эсептик сан атоочторго чамалуу, чакты, жакын, ашуун, ашык деген сөздөрдүн айкалышы менен түзүлөт. Жамдама сан атоочтор эсептик сандарга –оо,-өө мүчөлөрү улануу менен түзүлөт: бирөө, экөө, үчөө, төртөө, бешөө, алтоо, жетөө.

17-көнүгүү.Төө кандай жаныбар, ал жөнүндө эмне билесиңер, айтып бергиле!

Акылман мугалим I бөлүм Илгери-илгери бир акылман мугалим болуптур.Анын он жети төөсү бар экен.Акылман каза болорунда өзүнүн үч окуучусуна мурас кагаз калтырыптыр.Ал мурасында окуучуларына он жети төөнү бөлүп алгыла деген тапшырма бериптир.

мурас кагаз- бөлүп алуу- тапшырма берүү- акылман мугалим- каза болуу- улуу- ортончу- кичүү- жарым- үчтөн бир бөлүгү- тогуздан бир болүгү-

II бөлүм Акылман мугалим кагазында мынтип жазыптыр: улуу окуучум он жети төөнүн жарымын, ал эми ортончусу үчтөн бир бөлүгүн, кичүүсү тогуздан бир бөлүгүн алышсын.

III бөлүм Мурас кагазды окуучулар окуп, абдан таң калышты. Он жети төөнү кантип бөлөбүз? Бирөө бөлбөй эле бардык он жети төө баарыбызга калсы десе, экөө кеңеш сурай баштайт. Кеңешчилер да бул үчөөнө жардам бере алган жок. Анан бир акылман карыяны табышты.

IV бөлүм Акылман карыя он жети төөнү кантип бөлүш керек экендигин түшүндүрүп берди. Мына менин чечимим: -Он жети төөгө мен бир төөмү кошом. Он сегиз төөнүн жарымы – тогуз төөнү улуу окуучу алат. Экинчи окуучу үчтөн бир бөлүгүн алты төөнү алат. Ал эми үчүнчу окуучу тогуздан бир бөлүгун - эки төөнү алат. Мына он жети төө бөлүндү. Бир төө калат, ал менин төөм, аны мен кайрадан өзүм алам-, деп айтыптыр. Ошентип окуучулар кайрадан озүнө мугалим таап алышыптыр.

Үйгө тапшырма: Макалды окуп, түшүнүгүңөр боюнча эссе жазып келгиле. «Акылман мугалим чындыкты табууну үйрөтөт».