Սահուն կարդալ ենք սովորում

ԾՈՒՅԼ ՄԵՂՈՒՆ

I II

Մի ծույլ մեղու մեկ տարի -Չեղա՜վ,-ասաց ծույլ մեղուն,-

Դաշտ չգնաց նեկտարի: Դուք իզուր եք ինձ նեղում,

Մեղուները ժրաջան Ճիշտ է, դաշտ չեմ գնացել,

Դարձան ասին.-եղբա՛յր ջան, Բայց պարապ չեմ մնացել.

Հերիք չեղա՞վ՝ քեզ պահենք, Ամբողջ օրը վազվզել ,

Հետո ի՞նչ՝որ եղբայր ենք: Մեղրի որակն եմ պարզել:

Կամ եկ մեզ հետ աշխատի՛ր,

Կամ փեթակը ազատի՛ր:

I հատվածի հարցեր

1. Ինչո՞ւ էին մեղուները բարկացել:

2. Ի՞նչ կլինի ծույլ մեղվի հետ, եթե համաձայնվի ու փեթակից հեռանա:

II հատվածի հարցեր

1. Ի՞նչ կարևոր գործ էր կատարել մեղուն:

2. Մեղուներն ինչպե՞ս կվարվեն ծույլի հետ:

ՍԱՀՈՒՆ ԵՎ ԱՐՏԱՀԱՅՏԻՉ ԿԱՐԴԱԼՈՒ ԿԱՐՈՂՈՒԹՅՈՒՆՆԵՐԻ ՁԵՎԱՎՈՐՄԱՆՆ ՈՒՂՂՎԱԾ ՈՒՍՈՒՑՈՒՄ

Քայլ 1

Ուսուցիչը բարձրաձայն կարդում է աշակերտների համար՝ համարժեք ուշադրություն դարձնելով արտահայտչականությանը:

Քայլ 2

Նորից է ուսուցիչը ընթերցում և բարձրաձայն մտածում՝ ցուցադրելով, թե ինչպես է բառերը խմբավորում և ինչպես է ձայնի միջոցով շեշտում կարևոր բառերը: Օրինակ . նախադասությունները ես կարդում եմ խիստ և բարձր տոնով ու հատ-հատ, որովհետև մեղուները այդպես բարկանում են իրեց եղբոր վրա ու պայման են դնում: Աշակերտները միանում են ուսուցչին, կարծես օգնելով, միասին մեկնաբանում են կարդացածի իմաստը:

Քայլ 3

Ուսուցիչը և աշակերտները կարդում են բանաստեղծությունը :

Քայլ 4

Բոլորը միասին նորից կրկնում են, թե ամեն մի տող ինչպես պետք է կարդալ ու բարձրաձայն բոլորը կարդում են:

Ընթերցանություն զույգերով՝ ուշադրության ու հիշողության զարգացմանն ուղղված. Աշակերտները զույգեր են կազմում և հերթով կարդում են բանաստեղծությունը, պատասխանում են նախապես ուսուցչի կողմից կազմած հարցերին: Հարցերը գրված են լինում կամ բանաստեղծության ներքևում, կամ բոլորին տեսանելի տեղում:

Քայլ 1

Աշակերտները կազմում են զույգեր՝Ա և Բ:

Քայլ 2

Ա –ն կարդում է առաջին հատվածը : Բ-ն հերթով տալիս է առաջին հատվածի հարցերը, Ա-ն պատասխանում է:

Քայլ 3

Բ-ն կարդում է երկրորդ հատվածը: Ա-ն հերթով տալիս է երկրորդ հատվածի հարցերը, Բ-ն պատասխանում է:

Գործնական բնույթի ստեղծագործական աշխատանքեր

1. Նկարազարդում

Աշակերտները նկարում են երկու մեղու: Գրում են .

Որոշ մեղուներ չեն սիրում աշխատել, _________ Իսկ այս մեղուն____________

______________________________________________ __________________________

______________________________________________: __________________________:

1. Գրել բանաստեղծություն

Ասացեք երեխաներին, որ ուզում եք միասին գրել զվարճալի բանաստեղծություն մեղվի մասին:

Նրանց հանձնարարեք ասել բառեր, որոնք արտասնությամբ մոտ են բառին: Գրել այդ բառերը գրատախտակին:

Օրինակ. Մեղու- առու, կենսատու, բերքատու….,

Նեկտար- հեկտար,…

Սկսեք գրել բանաստեղծության առաջին տողը և ավարտեք ներկայացված շարքի մի որևէ բառով.

Օրինակ. Մեր այգում կան բերքատու,

Հսկա ծառեր կենսատու…

Այս ոգով բոլորը միասին ուսուցչի օգնությամբ գրում են բանաստեղծություն:

Երեխաները արտագրում են բանաստեղծությունը, բայց ամեն մեկը իր համար վերնագիր է մտածում: