Қазақ тілі пәні. Тақырыбы: «Буын үндестігіне бағынбайтын қосымшалар» Алдыма қойған мақсатым: Шығармашылық жұмыс жүргізу барысында оқушыларға мәтін құрауға, тақырыпты аша білуге үйрету. Сөздік қорларын, тіл мәдениеті, ойлау қабілеттерін, дүниетанымын дамыту Ең алдымен оқушылармен амандастым. Бұл амандасудың өзі ерекше болды. Мысалыға әр халық әртүрлі амандасады. Соған байланысты, біз әртүрлі халықтың амандасуымен сабағымызды бастадық. Слайдтағы үнді, керей, қытай, орыс, қазақ халқы сияқты екі-екіден тұрып, бір-бірімізбен амандасып шықтық. Бұл біріншіден көңіл- күйімізді көтерсе, екіншіден әр халықтың басқаша амандасуымен таныстырдым. Балаларды партаның үстіндегі қағаздарды таңдап, буынға бөлінген сөздермен көршілерін тауып, алты топқа топтасты. Өткен сабақ пен жаңа сабақты байланыстыру мақсатында оқушылар тапқан сөздерін буынға бліп, буын түрлерін анықтап өтті. «Миға шабуыл» стратегиясын қолдандым слайдтағы ұяшықтарды таңдап сұрақтарға тез, анық жауап беруге талпынды. Мағынаны тану кезеңінде оқушылар Буын үндестігіне бағынбайтын қосымшалар» тақырыбында «Кластер» құрып, «Джиксо» әдісімен топара бір-бірлеріне түсіндіріп өтті. «Адасқан сөздер» ойыны. буын үндестігіне бағынбайтын қосымшаларды түбірлерге жалғап шығу. Әр топта (10 сөзден) қай топ жылдам әрі дұрыс орындаса қалған топтар сол топқа бес жұлдызды сыйлықтарын беріп отырды. Ойын аяқталған соң оқушылар бейнетаспадағы сергіту сәтіне байланысты қимылдарды қайталады. Сергіту сәтінде қанша буын үндестігіне бағынбай тұрған сөз естерінде қалғанын айтты.Бұл ретте Есімбек Расул мен Құдайберген Ақерке көп белсенділік танытты. Оқулықтағы жаттығулар бойынша өздік жұмыс жүргізілді, оқушылар буын үндестігіне бағынбайтын қосымшалармен сөздер құрап, фонетикалық талдаулар жасады. Аяқтаған бойда қасындағы оқушымен қатарласып, бір-бірінің жұмысын 3 ұпайлы критериалды бағалау құрып, сыни тұрғыдан бағалады. Оқушының жазу көркемдігі, фонетикалық талдауының дұрыстығы, сөздердің дұрыс құралуы ескерілді. Топара өтілген материал бойынша Неге? Не себепті? Не үшін? деген сұрау есімдіктерін пайдаланып диалогқа түсті. Үй жұмысы берілген соң, топ басшысы өз тобын қалай бағалағанын, топ өз басшысына қандай баға бергенін, мұғалімнің қорытынды бағасы қойылды. Кері байланыс «Б-Б-Б» кестесі арқылы іске асты. Сабақтың сәтті жақтары: оқушылардың топтаса жұмыс жасауы, бұл сабақта барлық оқушы белсенділік танытты. Себебі сабақта ойын элементтері де қолданылды. Сәтсіз жақтары: Тапсырмалардың көптігінен уақыт жетпей қалуы, уақытты тиімді пайдалану керек еді. Топқа бөлінгенде қиындық тудырғаны оқушылар өз көршілерін тез таба қоймағаны, біраз уақытты алып қойды. Болашақта уақытты үнемдеу мақсатында сабақтың ұйымдастыру, оқушылардың қызығушылығын ояту кезеңін түрлендіріп әрі ұтымды қолдану жолдарын іздестіремін. |