Сэсэгтэ зун "Амар Сайн! "

Һалбари «Сэсэгтэ зун»

1-хи хэшээл. Темэ: Д.Улзытуев «Амар сайн...»

Зорилго: Д.Улзытуевай шүлэгтэй танилсаха, шүлэгэй удха дээрэ хүдэлхэ,байгаалида гамтайгаар хандаха дурлал түрүүлхэ.

Һуралсалай түсэблэһэн дүнгүүд

Литературна уншалгаар шадабари:

Һурагшадай хэлэлгэ, ухаан бодол, уранаар уншалгын дадал хүгжөөхэ, уншаһанаа ойлгожо, тобшолол хэжэ һургаха,зэргэсүүлгэ тухай мэдээсэл дамжуулха.

Үхибүүнэй өөрынгөө хүгжэлтын дүнгүүд:

-зохеолнуудта өөрынгөө хандалга харуулжа шадаха;

-өөрынгөө сэдьхэлэй байдал харуулха;

-тэдээндэ өөрынгөө хандаса харуулха;

Метапредметнэ дүнгүүд

Бэеэ гуримшуулаад ябаха шадабари (личностные УУД):

-багшатаяа хамта хэшээлэйнгээ зорилго табиха;

-өөрынгөө, нүхэдэйнгөө ажал багшатаяа сугтаа шалгаха;

-багшын үгэһэн түсэбөөр хүдэлжэ шадаха.

Оршон тойрониие шудалха шадабари ( регулятивные УУД)

-багшатаяа болон нүхэдтэеэ дүн гаргаха;

-текстын удха дамжуулха;

Харилсаа шадабари(коммуникативна УУД):

- уран гоеоруншаха;

- номоор хүдэлхэ;

-нүхэдөө шагнаха ба тэдэнэй хэлэһэниие ойлгохо;

-нүхэдөө, багшатаяа яагаад ажалаа эмхидхэхэеэ хэлсэхэ.

Хэрэгсэлнүүд:Интерактивна самбар, презентаци кроссенс, Д.Улзытуевай портрет, карточканууд, “Улаалзай” дуунай запись. Баглаа сэсэгүүд

Хэшээлэй ябаса:

Эмхэидхэлэй үе. Амаршалга. Үхибүүдэй хэр зэргэ хэшээлдээ бэлэн ерэһыень элирүүлгэ.

Хэлэлгын һорилго: Һү-һү-һү-

Һүн һүмбэй үегтэй.

Һаа-һаа-һаа-

Һайрхуу һайбарлаа.

-Ямар абяан оло дахин дабтагданаб? / «Һ» абяан/

Уншагты: 1-дэхи ряд –удаанаар татаад

2-дохи ряд -түргэн болгон

3-дахи ряд баярай мэдэрэлтэйгээр.

Гэрэй даабари шалгалга.

Хэшээлэй темэ болон зорилготой танилсуулга. Мэдэсэ эдэбхижүүлгэ.

-Үхибүүд, литературна уншалгын һүүлшын һалбаритай танилсажа эхилхэбди...

/номоор 164 нюурта ажаллаха/

-Бидэ энэ һалбари үзэхэдөө буряад уран зохеолшодой зунай байгаали тухай зохеолнуудтай танилсахабди.

-Бидэ нүхэдөөрөө суг хамта хүдэлхэдөө, бэе бэеэ шагнаха, дуулаха, хэлэһэн юумэндэнь анхараалаа хандуулха гэжэ мэдэхэ болохобди.

- Уншаһан зохеолойнгоо сэдэб бэеэ даанги тайлбарилан элирүүлжэ шадаха болохобди. Хэмжээгээрээ багахан зохеолго бэшэжэ шадаха болохобди.

-Д.Улзытуевай «Амар сайн...» гэжэ шүлэгтэй танилсахабди

Шэнэ темэ.

1.Д.Улзытуев тухай багшын тобшо хөөрөөн. / Презентаци/

2.Багшын жэшээтэ уншалга гү, али аудиозапись шагнуулха.

-Энэ шүлэг таанар хэр һонирхон шагнабабта?

-Автор сэдьхэлэй ямар мэдэрэл уншагшадта дамжуулнаб?

-Энэ шүлэг соо юун тухай хэлэгдэнэб? /Зунай байгаалиин сэсэгүүд тухай/

-Ямар ургамалнууд танда танигдаагүйб?

Үгэнүүдэй удха дээрэ ажал

-тэмээн табгай-астра

-бамбагаа-роза

-алаг нюдэн-анютины глазки

-сагаан дали-рододендрон

-улаалзай-саранки

Үхибүүдэй уншалга болон шүлэгэй анализ.

1. Бэеэ даагаад шүлэгөө дахин уншагты. Ямар аянгатайгаар уншахабта?

2. Ямар үгэнүүд авторай баярай мэдэрэл түрүүлнэб? Доогуурнь зурая.

3. Автор сэсэгүүдые юунтэй зэргэсүүлнэб? Жэшээгээр баталагты.

4. Уран үгын хүсөөр уран шүлэгшэнэй зураглаһан зураг таанар зурагты. Самбарта үгтөөтэй үгэнүүдын хэрэглэжэ болоно. /сэсэгүүд шэмэг дуунууд баясана уярна/

Бэеэ һорилго: Хүгжэм доро үхибүүд багшые һажаан хатарна. «Улаалзай» дуун

Хоер хоероор ажал. Даабари

1. Үхибүүдэй уран уншалга.

2. Бүлэг бүхэн кроссенсэдэ өөрын асуудал табижа, хамтадхаһан үгэ олохо. /Кроссенсын үгэнүүдые һэлгэжэ болоно/

Жэшээнь: Эдэ үгэнүүд ямар шүлэгтэ хабаатайб? / «Амар сайн....»/

Үхибууд урда гаража хөөрэнэ.

Хэшээлэй дүн

Дүүрэн харюу үгэхэ

-Хэнэй шүлэг мүнөөдэр уншаабибди?

-Хэшээлдэ һонин байгаа гү?

Тобшолол

-Зай,, үхибүүд уран зохеолшо Д.Улзытев «Амар сайн...» гэжэ шүлэг соогоо зунай байгаали маанадта сэсэгүүдээр харуулаа. Шүлэгэй мүрнүүд соо авторай баярай мэдэрэл болон омогорхол нюултай байһыень бэрхээр элирүүлһэн байнат. Үхибүүд ,байгаалия гамная! Бэрхэнүүд!

Сэгнэлгэ

Гэрэй даабари . Үхибүүд 1-дэхи ба 2-дохи даабари шэлэхэ аргатай.

1.Зунай һайхан саг тухай багахан хөөрөө бэлдэхэ 167н. 2-дохи даабари

2. Шүлэг сээжэлдэхэ 166 н. «Амар сайн...»

3. Баглаа сэсэгүүдые зураад ерэхэ