Сэтинньи 25 кунэ - олонхо кунэ. (викторина)

Сэтинньи 25 күнэ – Олоңхо күнэ

Соморсун ОО саха тылын уонна литературатын учуутала

Ефремова Мария Николаевна оңордо

Сэтинньи, 2020 с.

1. Хас сыллаахха ЮНЕСКО саха олоңхотун Аан дойду тылынан уус-уран уонна материальнайа суох нэhилиэстибэтэ (шедевр) буоларын биллэрбитэй?

А. 2005 с.

Б. 2006 с.

В. 2010 с.

Г. 2016 с.

2. Кини 47 олоңхону өйүгэр тута сылдьар, тута хоһуйар кыахтаах. Бу кимий?

А. Олоңхоhут.

Б. Фольклорист.

В. Ийэ олоңхоhут.

Г. П.А. Ойуунускай.

3. Дьулуруйар Ньургун Боотур ийэлээх аҕата:

А. Саха Саарын тойон, Сабыйа Баай хотун.

Б. Айыңа Сиэр тойон, Айыы Нуоралдьын хотун.

В. Күрүө Дьаҕыл Уорда Моңол, Күһэңэ Дьаҕыл Кус Хаңыл.

4. Айыы диэҕи

Айыыттан алыс улахан курдук,

Абааhы диэҕи

Абааhыттан адьас атын курдук,

Оҕус тириитэ этэрбэстээх,

Тайах тириитэ ыстааннаах,

Муостуун-кутуруктуун

Отут оҕус тириитэ сонноох,

Үөл тиит быhаҕаhа торуоскалаах,

Баараҕай таhаалаах,

Модьу моhуоннаах

Бухатыыр кэлэн турар эбит…. Бу кимий?

А. Тиит Дьиэhиңкэй.

Б. Уот Мэңилэстэй.

В. Таас Туймаарын.

Г. Үөлэн Хардааччы.

5. Доргуйа баай оҕонньор,

Ньиргийэ баай эмээхсин

Көтүрдэр тиистэрин миилэтэ,

Көрдөр харахтарын дьүккэтэ, -

Тэргэн тиит саҕа дэйбиирдээх

…… ……… кэлэн турабын. Көтүтүллүбүт тылы ситэр.

А. Үөлэн Хардааччы.

Б. Тиит Дьиэhиңкэй.

В. Үүт Мөлбөстүүр.

Г. Кыыс Нэлэмэнтэй.

6. Платон Ойуунускай, Эрилик Эристиин, Сергей Борогонскай, Күннүк Уурастыырап.

А. Саха бастакы суруйааччылара.

Б. Советскай литератураны төрүттээбит суруйааччылар.

В. Олоңхоhут суруйааччылар.

Г. Репрессияламмыт суруйааччылар.

7. Томская Дарья Андреевна – Чайка, Петр Егорович Решетников, Афанасий Соловьев. Бу кимнээҕий?

А. Олоңхоhуттар.

Б. Тойуксуттар.

В. Ырыаhыттар.

Г. Ийэ олоңхоhуттар.

8. Кэмниэ – кэнэҕэс,

Хомнуо хойут, -

Эриэн тойон оҕонньор,

Эбириэлдьин хотун эмээхсин,

Илин астара

Элэмэстийэрин саҕана,

Кэлин астара

Кэрэмэстийэрин саҕана, -

Саннын байаатынан охсуллар

Хампа көмүс баттахтаах,

Көхсүн быһаҕаһынан охсуллар

Көмүс долгун көҕүллээх,

Олус үчүгэй

Уол оҕо төрөөбүт…

А. Эрчимэн Бэргэн.

Б. Ньургун Боотур.

В. Үрүң Уолан.

Г. Тиит Дьиэhиңкэй.

9. Сергей Борогонскай олоңхото буолбатах.

А. Эрчимэн Бэргэн.

Б. Үөлэн Хардааччы.

В. Дьулуруйар Ньургун Боотур.

Г. Айыы Дьураҕастай.

10. Былыыр-былыр үөскээбит күлэр күөх салгыннаах, үрүң илгэ үктэллээх, үкэр куйаас тыыннаах күндүл күнүс дойду.

А. Саха сирэ.

Б. Үөһээ дойду.

В. Орто дойду.

Г. Аллараа дойду.